بولعاندا عانا ءبىز الدىمىزعا قويىلعان اسقارالى مىندەتتەر ۇدەسىنەن ابىرويمەن شىعا الامىز
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جولداۋلارىنىڭ ءمانى ەرەكشە, ماڭىزى جوعارى. ول – ەلىمىزدىڭ ۇكىمەتى ءۇشىن ءىس-قيمىل باعدارلاماسى, قازاقستان حالقى ءۇشىن جىلدىڭ باستى قۇجاتى.
قازاقستان رەسپۋبليكاسى اتا زاڭىنىڭ 44-بابىنا سايكەس مەملەكەت باسشىسىنىڭ قازاقستان حالقىنا جولداۋلارىنىڭ ارقايسىسى بۇكىل ەلدىڭ بارلىق سالالارى قىزمەتتەرىنىڭ نەگىزگى باعدارلارى, مىندەتتەرى ەكەندىگى بەلگىلى. جولداۋلار ەلىمىزدىڭ ىشكى جانە سىرتقى ساياساتتاعى نەگىزگى باعىتتارىن قاراستىرادى.
بولعاندا عانا ءبىز الدىمىزعا قويىلعان اسقارالى مىندەتتەر ۇدەسىنەن ابىرويمەن شىعا الامىز
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جولداۋلارىنىڭ ءمانى ەرەكشە, ماڭىزى جوعارى. ول – ەلىمىزدىڭ ۇكىمەتى ءۇشىن ءىس-قيمىل باعدارلاماسى, قازاقستان حالقى ءۇشىن جىلدىڭ باستى قۇجاتى.
قازاقستان رەسپۋبليكاسى اتا زاڭىنىڭ 44-بابىنا سايكەس مەملەكەت باسشىسىنىڭ قازاقستان حالقىنا جولداۋلارىنىڭ ارقايسىسى بۇكىل ەلدىڭ بارلىق سالالارى قىزمەتتەرىنىڭ نەگىزگى باعدارلارى, مىندەتتەرى ەكەندىگى بەلگىلى. جولداۋلار ەلىمىزدىڭ ىشكى جانە سىرتقى ساياساتتاعى نەگىزگى باعىتتارىن قاراستىرادى.
ەلباسى جىل سايىنعى قازاقستان حالقىنا جولداۋلارىن عىلىمي بولجامداپ, دياگنوستيكالاۋمەن, دايەكتىلىكپەن, ىجداعاتتى پايىمداۋلارمەن جانە وزىنە ءتان ناقتىلىقپەن, بولاشاقتا ونىڭ ورىندالۋىن جان-جاقتى زەردەلەۋمەن جانە ءاربىر اقپاراتتاردى وي ەلەگىنەن وتكىزىپ, سالىستىرۋلارمەن, ورىندالۋ ناتيجەلەرىن تالداپ, ەلدىڭ دامۋىنا قاجەتتى مۇمكىن بولاتىن مىندەتتەردى سارالاۋمەن العا قويىپ كەلەدى. «ءبىزدىڭ باستى ماقساتىمىز – 2050 جىلعا قاراي مىقتى مەملەكەتتىڭ, دامىعان ەكونوميكانىڭ جانە جالپىعا ورتاق ەڭبەكتىڭ نەگىزىندە بەرەكەلى قوعام قۇرۋ», دەلىنگەن ەلباسى ن.نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا.
«ءدال 15 جىل بۇرىن ءبىز قازاقستان دامۋىنىڭ 2030 جىلعا دەيىنگى ستراتەگياسىن قابىلدادىق... بۇگىنگى كۇنى ءبىزدىڭ ءارقايسىمىز «2030» ستراتەگياسى ىسكە استى, زاماناۋي قازاقستان ورنىقتى دەپ ايتا الامىز. بۇل – ءبىزدىڭ بىرلىگىمىزدىڭ, تاباندى دا قاجىرلى ەڭبەگىمىزدىڭ ءناتيجەسى, ۇمتىلىستارىمىز بەن ءۇمىتتەرىمىزدىڭ جاندى كورىنىسى», دەدى پرەزيدەنت.
1997 جىلى ەلباسى ن.نازارباەۆ قازاقستاننىڭ 2030 جىلعا دەيىنگى دامۋىنىڭ ستراتەگيالىق باعدارلاماسىن ۇسىندى. پرەزيدەنت ءوز جولداۋىندا ۇكىمەتكە 8 ناقتى تاپسىرما بەرىپ, بارلىق دەڭگەيدەگى باسشىلارعا ماڭىزدى مىندەتتەر جۇكتەپ, جاۋاپكەرشىلىكتەرىن كۇشەيتىپ, ولاردىڭ ماڭىزدىلىعىن كورسەتىپ, ورىندالۋ مەرزىمدەرىن ناقتىلادى. «قازاقستان-2030» ستراتەگياسىندا «بارلىق قازاقستاندىقتاردىڭ ءوسىپ-وركەندەۋى, قاۋىپسىزدىگى جانە ءال-اۋقاتىنىڭ ارتۋى» جان-جاقتى قاراستىرىلدى, وندا: «سوڭعى التى جىل ىشىندە ءبىز ەكى باستى ستراتەگيالىق ماقساتتى كوزدەدىك. بىرىنشىدەن, قازاقستان ەگەمەن تاۋەلسىز مەملەكەت بولدى... ەكىنشىدەن, ءبىز كەڭ اۋقىمدى ەكونوميكالىق جانە الەۋمەتتىك-ساياسي رەفورمالاردى جۇرگىزە باستادىق», دەلىنگەن.
«2030» ستراتەگياسى قابىلدانعاننان بەرگى 15 جىل ىشىندە مەملەكەتىمىز الەمدەگى ەڭ سەرپىندى دامۋشى ەلدەر بەستىگىنە ەندى», دەدى ەلباسى «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىندا.
قازاقستان رەسپۋبليكاسى پرەزيدەنتىنىڭ قازاقستان حالقىنا 1998 جىلعى جولداۋى «ەلدەگى جاعداي, ىشكى جانە سىرتقى ساياساتتىڭ نەگىزگى باعىتتارى تۋرالى: جاڭا عاسىردا قوعامدى دەموكراتيالاندىرۋ, ەكونوميكالىق جانە ساياسي رەفورما» دەپ اتالدى. وندا قازاقستاننىڭ تاڭداپ العان جولى ناقتىلاندى. «ءبىز بويداعى بارلىق كۇشىمىز بەن جىگەرىمىزدى ەكونوميكامىزدى ساقتاۋعا, حالقىمىزدىڭ ءال-اۋقاتىن قورعاۋعا جۇمساۋعا ءتيىسپىز, ءبىز ءدال سولاي ەتەمىز دە», دەدى پرەزيدەنت. ول تولىق جۇزەگە اسىرىلدى.
1999 جىلعى جولداۋ «ەلىمىزدىڭ جاڭا عاسىرداعى تۇراقتىلىعى مەن قاۋىپسىزدىگى» دەپ اتالدى, ەلباسى وندا: «سول ۋاقىتتاردان بەرى ءبىزدىڭ بابالارىمىز سولتۇستىك ەۋرازيانىڭ توسىندە, تۇراق-مەكەنىن اۋىستىرماي عۇمىر كەشىپ كەلەدى, قازىر ءبىز دە تاپ سول ءوڭىردە ءومىر ءسۇرىپ جاتىرمىز», دەدى, سونىمەن بىرگە: «ۇلتتىق تاريحىمىزدىڭ سوڭعى بەس عاسىرى حالقىمىزدىڭ ءومىر سۇرەتىن كەڭىستىك ءۇشىن ارپالىسىنىڭ تاريحى بولىپ تابىلادى. ءبىز ءوزىمىزدىڭ ءوتكەندەگى ومىرىمىزگە كىلەڭ ءبىر كەزدەيسوق وقيعالار تىزبەگى دەپ قاراۋىمىز كەرەك», دەپ وي قورىتتى. وسىلايشا, پرەزيدەنت ەلىمىزدىڭ قازىرگى كەزەڭدەگى جانە جاڭا عاسىرداعى تۇراقتىلىعى مەن قاۋىپسىزدىگىن ساقتاۋىمىزعا ۇندەدى.
2000 جىلعى قاراشانىڭ 24-ءى كۇنى قازاقستان پرەزيدەنتى ەلىمىزدىڭ پارلامەنتى پالاتالارىنىڭ بىرلەسكەن وتىرىسىندا حالىققا «ەركىن دە ەڭسەلى ءارى قاۋىپسىز قوعامعا قادام باسايىق» اتتى جولداۋىن ارنادى. وندا: «ەگەر تاريحقا قاراپايىم دەرەكتەردىڭ جيىنتىعى رەتىندە قاراماي, ونى تەرەڭ ءماندى ەتەنە بايلانىستاعى وقيعالاردىڭ ساباقتاستىعى رەتىندە ەكشەيتىن بولساق, وندا وسى 10 جىلدىڭ اۋقىمى مەن تەگەۋرىنى كەلەر عاسىرداعى كەلەشەگىمىزدى ايقىندايتىنداي جاڭا قىرىنان اشىلا تۇسەدى», دەگەن تەرەڭ ويلى پىكىر كولدەنەڭ تارتىلدى. كوپ ۇزاماي ول وي ءوزىنىڭ دۇرىستىعىن ايعاقتاپ بەردى.
2001 جىلدىڭ 3 قىركۇيەگىندە وتكەن پارلامەنت پالاتالارىنىڭ بىرلەسكەن وتىرىسىندا ن.نازارباەۆ اتقارىلعان ىستەرگە باعا بەردى, ەلدەگى جاعدايدى جانە 2002 جىلعى ىشكى, سونداي-اق, سىرتقى ساياساتتىڭ نەگىزگى باعىتتارىن بايان ەتىپ, كەمەل كەلەشەگىمىزگە باعىت-باعدار نۇسقادى. ياعني, «اسقار اسۋلار الدا» تاقىرىبىنداعى قازاقستان حالقىنا جولداۋىندا: «تاۋەلسىز قازاقستاننىڭ شەجىرەسى, ونىڭ جاڭا تاريحى ەندى باستالىپ كەلەدى... جاڭا ەلوردامىز – استانانى سالۋ جانە اباتتاندىرۋ جونىندەگى جالپىۇلتتىق ءمانى بار ءىرى ماقسات جۇزەگە اسۋدا... قازاقستاننىڭ بارلىق مەكتەپتەرىن كومپيۋتەرلەندىرۋ اياقتالدى... الەۋمەتتىك سالاداعى كەلەسى ماڭىزدى باعىت ءبىلىم بەرۋ جۇيەسىن جەتىلدىرۋ جونىندەگى جۇمىس بولۋعا ءتيىس... وسى زامانعى قارۋلى كۇشتەردى جاساقتاۋ جونىندەگى كۇش-جىگەردى دە ۇلعايتا بەرۋ قاجەت... ءبىزدىڭ تاۋەلسىز قازاقستانىمىز گۇلدەنىپ, كوركەيە بەرسىن», دەدى ەلباسى. بۇل ايتىلعاندار بۇگىندە ءىس ءجۇزىنە جۇيەلى اسىپ كەلەدى, مەملەكەتتىڭ تۇتاستىعى, بىرلىگى ارتىپ بولاشاعىمىز جارقىن بولا تۇسۋدە.
ن.نازارباەۆ 2002 جىلعى قازاقستان حالقىنا جولداۋىندا: «اۋىلعا ايرىقشا نازار اۋدارىلدى», دەي كەلىپ, ىشكى جانە سىرتقى ساياساتتىڭ 2003 جىلعى نەگىزگى باعىتتارى تۋرالى بايانداپ بەردى. كەز كەلگەن ۇلتتىڭ ءتۇپ-تامىرى اۋىل جۇرتىندا جاتاتىنىن ەسكە سالا وتىرىپ, بارىنەن بۇرىن تۇراقتىلىق پەن بايسالدى ەۆوليۋتسيالىق دامۋعا ناق وسى جۇرتتىڭ ىقىلاستى بولاتىنىن, تاۋەلسىزدىك پەن قۋاتتى مەملەكەت مۇراتتارىن ايرىقشا قاستەرلەپ, تەرەڭ سەزىنەتىن دە وسى جۇرت ەكەنىن, ويتكەنى, ونىڭ قانى مەن جانىندا بابالارىمىزدىڭ ارمانى مەن ءۇمىتى قاتتاۋلى قالپىندا جاتقانىن اتاپ كورسەتتى. «ءبىزدىڭ «قازاقستان-2030» ستراتەگياسىنا نەگىزدەلگەن ونجىلدىق جوسپارىمىز دا وسىعان باعىتتالىپ وتىر», دەدى پرەزيدەنت.
«قازاقستان-2030» ستراتەگياسىن جۇزەگە اسىرۋدىڭ العاشقى بەس جىلىنىڭ ايتارلىقتاي تابىستى بولعاندىعى ءمالىم, سوندىقتان ول جاسامپازدىق ستراتەگياسى اتاۋىنا يە بولدى.
2003 جىلى مەملەكەت باسشىسى «ىشكى جانە سىرتقى ساياساتتىڭ 2004 جىلعا ارنالعان نەگىزگى باعىتتارى» اتتى قازاقستان حالقىنا ءداستۇرلى جولداۋىن جاريا ەتتى. پرەزيدەنت جولداۋى باستى ماقسات – حالىقتىڭ ءال-اۋقاتىن ارتتىرۋ ەكەندىگىن اڭعارتتى. جىلدىڭ باستى قۇجاتىندا كورسەتىلگەن تۇجىرىمدامالاردى جاسامپازدىققا باعىتتالعان جارقىن جەڭىس دەپ باعالاۋعا بولادى.
جولداۋداعى «پاتريوت بولۋ – ءوز وتانىڭدى شىن جۇرەكتەن ءسۇيۋ, وزىڭە جانە ءوز حالقىڭا سەنىپ, قوعامعا قىزمەت ەتۋ» دەگەن سوزدەر جاندۇنيەمىزگە تەرەڭ ۇيالاپ, ۇرانىمىزعا اينالدى.
2004 جىلعى جولداۋى «ءباسەكەگە قابىلەتتى قازاقستان ءۇشىن, باسەكەگە قابىلەتتى ەكونوميكا ءۇشىن, باسەكەگە قابىلەتتى حالىق ءۇشىن» دەپ اتالدى. جولداۋدا: «قازاقستان ءوزىنىڭ نىسانالى دامۋىن «قازاقستان-2030» ۇزاق مەرزىمدىك ستراتەگياسىنا تولىق سايكەس جالعاستىرىپ كەلەدى», دەپ باعالاۋ جاسالعان. «بۇل مىندەتتى شەشۋ ءۇشىن ءبىزدىڭ ەكونوميكالىق, سونداي-اق, الەۋمەتتىك سالالاردا دا ەۋروپالىق ستاندارتتارعا جەتۋ ستراتەگياسىن ازىرلەۋگە كىرىسۋىمىز كەرەك», دەلىنگەن. جولداۋدا باسەكەگە قابىلەتتى ەكونوميكانى دامىتۋدىڭ نەگىزگى باعىتتارى بىلايشا انىقتالعان-تىن:
– ەكونوميكانى ودان ءارى ىرىقتاندىرۋ جانە جۇيەلى رەفورمالاردى جالعاستىرۋ ارقىلى ءباسەكەلەستىكتى دامىتۋ مەن بيۋروكراتياسىزداندىرۋ;
– قازاقستان ەكونوميكاسىنىڭ اشىقتىعىن كۇشەيتۋ;
– يندۋستريالىق-يننوۆاتسيالىق دامۋ ستراتەگياسىن جۇزەگە اسىرۋ;
– اۋىلدى دامىتۋ باعدارلاماسىن جۇزەگە اسىرۋ;
– ينفراقۇرىلىمداردى دامىتۋ.
جولداۋدا ناقتى الەۋمەتتىك جەتىستىكتەرگە جەتۋ باعىتتارىنىڭ ءبىرى ادام رەسۋرستارىن دامىتۋ ەكەنى اتاپ كورسەتىلدى:
– تۇرعىن ءۇي قۇرىلىسىنىڭ جاڭا ساياساتى;
– دەنساۋلىق ساقتاۋدى جاقسارتۋ;
– ءبىلىم بەرۋدى دامىتۋ;
– الەۋمەتتىك قامتۋ.
بۇلار قازاقستان ءۇشىن شەشۋشى ۇزاق مەرزىمدى باسىمدىقتار بولىپ تابىلادى, دەدى ەلباسى ءوزىنىڭ جولداۋىندا. شىندىعىندا بۇل باعىتتار باسەكەگە قابىلەتتى حالىق ءۇشىن اسا قاجەت ەدى.
2005 جىلدىڭ 16 اقپانىنداعى كەزەكتى جولداۋ «قازاقستان ەكونوميكالىق, الەۋمەتتىك جانە ساياسي جەدەل جاڭارۋ جولىندا» دەپ اتالدى. وندا: «ءبىز الدىمىزعا انىق تا ايقىن ماقسات قويدىق – ءبىز جاقسى ءومىر سۇرگىمىز كەلەدى, ءبىز ەركىندىككە ۇمتىلدىق, ءبىز بارىنەن دە بۇرىن بالالارىمىز بەن نەمەرەلەرىمىزدىڭ لايىقتى ءومىر ءسۇرۋىن قالادىق», دەلىنگەن. بۇل بارشامىزدىڭ وي-ارمانىمىز بولاتىن. بۇگىندە, قۇدايعا شۇكىر دەيىك, وسى وي-ارماندارىمىز دايەكتىلىكپەن جۇزەگە اسىرىلىپ كەلەدى.
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ 2006 جىلعى حالىققا جولداۋى «قازاقستان ءوز دامۋىنداعى جاڭا سەرپىلىس جاساۋ قارساڭىندا» دەپ اتالادى جانە الدىمىزعا الەمدەگى باسەكەگە بارىنشا قابىلەتتى 50 ەلدىڭ قاتارىنا كىرۋ ماقساتى قويىلىپ, وسى مىندەتتەر ۇدەسىنەن شىعۋ ءۇشىن نەگىزگى جەتى باسىمدىق ۇسىنىلدى. ولار: قازاقستاننىڭ الەمدىك ەكونوميكاعا ويداعىداي كىرىگۋى – ەلدىڭ ەكونوميكالىق دامۋىنىڭ ساپالىق سەرپىلىسىنىڭ نەگىزى; قازاقستان ەكونوميكاسىن تۇرلاۋلى ەكونوميكالىق ورلەۋدىڭ ىرگەتاسى رەتىندە ودان ءارى جاڭارتۋ مەن ءارتاراپتاندىرۋ; حالىقتىڭ نەعۇرلىم «ءالجۋاز» توپتارىن قورعايتىن جانە ەكونوميكانىڭ دامۋىنا قولداۋ كورسەتەتىن وسى زامانعى الەۋمەتتىك ساياسات; وسى زامانعى ءبىلىم بەرۋدى دامىتۋ, كادرلاردىڭ بىلىكتىلىگى مەن ولاردى قايتا دايارلاۋدى ۇدايى ارتتىرۋ جانە قازاقستان حالقى مادەنيەتىنىڭ ودان ءارى وركەندەۋى; دەموكراتيانى ودان ءارى دامىتۋ جانە ساياسي جۇيەنى جاڭعىرتۋ; وسى زامانعى قاۋىپ-قاتەرلەر مەن قىر كورسەتۋلەرگە قارسى بارا-بار ۇلتتىق قاۋىپسىزدىك ستراتەگياسىن ىسكە اسىرۋ; قازاقستاننىڭ مۇددەلەرىن, وڭىرلىك جانە الەمدىك دامۋدىڭ سەرپىنىن ەسكەرەتىن تەڭدەستىرىلگەن جانە جاۋاپتى سىرتقى ساياسي باعىتتى ودان ءارى ىسكە اسىرۋ.
ەلىمىزدىڭ پرەزيدەنتى وسىلايشا الداعى كەزەڭدەردە شەشىلۋى ءتيىستى ماڭىزدى باسىمدىقتار مەن مىندەتتەردى بەلگىلەپ بەردى.
قازاقستان پرەزيدەنتى نۇرسۇلتان نازارباەۆ 2007 جىلعى 28 اقپاندا وتكەن پارلامەنت پالاتالارىنىڭ بىرلەسكەن وتىرىسىندا حالىققا جاڭا جولداۋىن جاريا ەتتى. «جاڭا الەمدەگى جاڭا قازاقستان» تاقىرىبىنداعى جولداۋدا الەۋمەتتىك ساياساتتىڭ بىرىزدىلىگى, بىرقالىپتى تۇردەگى ساباقتاستىعى, ءومىر ءسۇرۋ دەڭگەيىن جاقسارتۋعا باعىتتالعان ءىس-ارەكەتتەر بەلگىلەپ بەرىلدى. سونداي-اق, جاڭا كەزەڭنىڭ نەگىزگى مىندەتتەرى, «قازاقستان-2030» ستراتەگياسىن ورىنداۋداعى باستى ماقساتتار مەن ىشكى جانە سىرتقى ساياساتىمىزدىڭ اسا ماڭىزدى 30 باعىتى ناقتىلاندى. سوندىقتان بۇل جولداۋدى جاڭا الەمدەگى جاڭا قازاقستاننىڭ دامۋىنا ۇلەس قوسقان كەشەندى باعدارلامالىق قۇجات دەپ ايتۋىمىز ورىندى.
2008 جىلعى 6 اقپانداعى جولداۋ «قازاقستان حالقىنىڭ ءال-اۋقاتىن ارتتىرۋ – مەملەكەتتىك ساياساتتىڭ باستى ماقساتى» دەپ اتالدى. جىلدىڭ باستى قۇجاتىندا پرەزيدەنت اتقارۋشى ورگاندارعا ۇلكەن جاۋاپكەرشىلىك جۇكتەدى. باستى مىندەتتەردىڭ ءبىرى قاتارىندا 30 كورپوراتيۆتىك كوشباسشى جاساۋ ارقىلى ەلىمىزدى يندۋستريالاندىرۋ ءبىزدىڭ نەگىزگى ستراتەگيالىق ماقساتىمىز بولاتىندىعى باسا كورسەتىلدى.
استانا, 2009 جىلعى 6 ناۋرىز. ەلباسى نۇرسۇلتان نازارباەۆ پارلامەنت پالاتالارىنىڭ ءبىرلەسكەن وتىرىسىندا قازاقستان حالقىنا جاڭا جولداۋىن جاريا ەتتى. ول «داعدارىستان – دامۋعا» دەپ اتالدى. جولداۋدا ەلىمىزدىڭ جاسامپازدىق جولىن جالعاستىرۋىنىڭ باسىم باعىتتارى بەلگىلەنىپ, داعدارىستىڭ سالدارىن ەڭسەرۋ جونىندەگى تەتىكتەر ناقتىلاندى, جاڭارۋ مەن دامۋعا جەتكىزەتىن امالدار مەن جۇمىس باعىتتارى كورسەتىپ بەرىلدى.
– قازاقستان پرەزيدەنتى ن.نازارباەۆتىڭ 2010 جىلعى 23 قاڭتارداعى قازاقستان حالقىنا جولداۋى «جاڭا ونجىلدىق – جاڭا ەكونوميكالىق ءورلەۋ – قازاقستاننىڭ جاڭا ءمۇمكىندىكتەرى» دەپ اتالدى. وندا 2020 جىلعا دەيىنگى دامۋ ستراتەگياسىن ورىنداۋعا بايلانىستى جاڭا ەكونوميكالىق ورلەۋ مۇمكىندىكتەرى كورسەتىلىپ, ءمىندەتتەر قويىلدى. ولاردىڭ نەگىزگىلەرى مىنالار: 2010 ستراتەگيالىق جوسپارىن ىسكە اسىرۋ – ەل دامۋىنىڭ اسا ماڭىزدى شەبى ەكەندىگى; داعدارىس كەزەڭى – دۇرىس شەشىمدەر قابىلداۋ ۋاقىتى, وعان ءتاستۇيىن دايىن بولۋىمىزدى قامتاماسىز ەتۋ كەرەكتىگى; 2020 ستراتەگيالىق جوسپارى جاڭا مىندەتتەردى ناقتىلاۋىمەن ەرەكشە مانگە يە; ادام – ەلدىڭ باستى بايلىعى. مەملەكەتىمىزدىڭ دىڭگەگى – قازاق حالقى. ەل دە, جەر دە – قازاقتىكى ەكەندىگى. وسىلايشا, حالقىمىزدىڭ ابىرويى كوككە كوتەرىلدى.
2011 جىلدىڭ 28 قاڭتارىنداعى جولداۋ «بولاشاقتىڭ ىرگەسىن بىرگە قالايىق» دەپ اتالىپ, ءبىزدىڭ ەڭ باستى بايلىعىمىز – بەرەكەلى بىرلىگىمىز ەكەندىگى كولدەنەڭ تارتىلدى. حالىقتىڭ اۋىزبىرشىلىگى ارقىلى بولاشاقتىڭ ىرگەسىن بىرگە قالاۋعا بولاتىنى اتاپ كورسەتىلدى. «قۇندى قازىنامىز – تاريح تابىستىرىپ, تاعدىر توعىستىرعان حالقىمىز», دەپ ەلباسى بۇكىل ەل حالقىن قاناتتاندىردى.
قازاقستان پرەزيدەنتى ن.نازارباەۆتىڭ 2012 جىلعى حالىققا جولداۋى «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» دەپ اتالدى. وندا ەكونوميكانى نىعايتۋدىڭ, حالىقتىڭ ءال-اۋقاتىن ارتتىرۋدىڭ جاڭا ءمىندەتتەرى بەلگىلەندى. مىندەت – ايقىن, باعىت – دۇرىس, ماقسات – دامۋ, تىلەك – تابىس ەكەندىگى ايشىقتالدى.
استانا, 2012 جىلدىڭ 14 جەلتوقسانى ەلباسى ن.نازارباەۆتىڭ قازاقستان حالقىنا ۇزاق مەرزىمدى دامۋ ستراتەگياسىن ۇسىنعان كۇن بولدى بۇل. ول «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» دەپ اتالدى. «قازاقستان-2050» ستراتەگياسىندا قازاق حالقىنا ايرىقشا جاۋاپكەرشىلىك جۇكتەلەدى. ستراتەگيالىق جولداۋىندا ەلباسى «بابالاردىڭ ەرلىگى, بۇگىنگى بۋىننىڭ ەرەك ىستەرى جانە جاس ۇرپاقتىڭ جاسامپازدىعى اراسىندا ساباقتاستىق بولسا عانا ءبىز «ماڭگىلىك ەل» بولامىز», دەپ الدىمىزعا ۇلكەن مىندەت جۇكتەيدى. بۇل مىندەت «نۇر وتان» پارتياسىنىڭ 18 قازاندا وتكەن سوڭعى حV سەزىندە تاعى ءبىر مارتە سارالاۋدان وتكىزىلدى. وندا ەلىمىزدى الەمنىڭ ەڭ قۋاتتى 30 ەلىنىڭ قاتارىنا قوسۋ – الدىمىزداعى ۇلكەن, ۇلى ماقسات ەكەنى قاداپ ايتىلدى. 2050 ستراتەگياسى – ءبىزدىڭ الەمدەگى ەڭ تانىمال ۇلتتاردىڭ شوعىرىنا ءبىرجولاتا قوسىلۋىمىز ءۇشىن بەرىلگەن ۇلى تاريحي مۇمكىنشىلىك, دەدى نۇرسۇلتان ءابىش ۇلى. «ءبىز ءوزىمىزدى ۇدايى قامشىلاپ, العا ۇمتىلا بىلسەك قانا «قازاقستان-2050» ستراتەگياسىنداعى بيىك ماقساتتارعا جەتە الامىز», دەدى ەلىمىزدىڭ پرەزيدەنتى, «نۇر وتان» پارتياسىنىڭ توراعاسى ن.ءا.نازارباەۆ.
ءبىز دە ەلباسىمىزدىڭ سوزىنە قوسىلا وتىرىپ, ىنتىماعى جاراسقان, ەكونوميكاسى دامىعان 30 ەلدىڭ قاتارىنا جەتۋگە جازسىن دەيىك. قاشاندا ايبىنىمىز – بىرلىك, ايدىنىمىز – تىرلىك بولسىن.
ىلەسحان سمانوۆ,
پەداگوگيكا عىلىمدارىنىڭ
دوكتورى, پروفەسسور.
شىمكەنت.
