"پروفيلاكتيكالىق جۇمىستارعا قاراماستان, كاسىپكەرلىك سۋبەكتىلەرى كارانتين ءتارتىبىن بۇزۋدا, بۇقارالىق ءىس-شارالار وتكىزىلۋدە, مەكەمەلەردىڭ جۇمىس كەستەسى بۇزىلعان. سونىمەن قاتار قالادا اۋرۋ سانى ارتىپ كەلەدى. بۇل دەگەنىمىز ءبىز جاسىل ايماقتان الشاقتايمىز. اۋرۋ جاعدايلارى مەكتەپ جاسىنداعى جانە ءبىر جاسقا دەيىنگى بالالار اراسىندا دا تىركەلۋدە", دەدى جاننا پىراليەۆا.
نەگىزگى قاۋىپسىزدىك ەرەجەلەرىن ەلەمەۋ COVID-19 ەكىنشى تولقىنىنا اكەلۋى مۇمكىن. شوب وكىلدەرى مەن قالا تۇرعىندارى سانيتارلىق نورمالاردىڭ ساقتالۋىنا ۇلكەن جاۋاپكەرشىلىكپەن قاراۋى كەرەك.
ء"ار ايماق ءوز دەڭگەيىندە شەشىم قابىلدايدى. ءبىز سونداي-اق بيزنەستىڭ جۇمىس ىستەگەنىن قالايمىز, ءبىز بۇل جۇمىس, تابىس جانە ەكونوميكا ەكەنىن تۇسىنەمىز. بىراق كاسىپكەرلەر ءوز تاراپىنان تالاپتاردى ورىنداۋى كەرەك. كەيبىر ساۋدا ورتالىقتارى ماسكا تاعۋ ءتارتىبىن ساقتامايدى جانە تەمپەراتۋرانى تەكسەرمەيدى. قابىلدانىپ جاتقان شارالارعا تۇسىنىستىك تانىتۋدى سۇرايمىز, ءبىزدىڭ ورتاق مىندەتىمىز, ەڭ الدىمەن, اۋرۋدىڭ قايتا ءورۋشىنىڭ الدىن الۋ", دەدى نۇر-سۇلتان قالاسى اكىمىنىڭ ورىنباسارى باقتيار ماكەن.
جيىن سوڭىندا ساۋدا ورتالىقتارىنىڭ دەمالىس كۇندەرىندەگى جۇمىسىن قايتا قالپىنا كەلتىرۋ قالاداعى ەپيدەميالىق جاعدايعا جانە شوب-تىڭ سانيتارلىق نورمالاردى ساقتاۋىنا بايلانىستى بولاتىنى ايتىلدى.
دەمالىس كۇندەرى ساۋدا ويىن-ساۋىق ورتالىقتارىنىڭ جۇمىسىن قالپىنا كەلتىرۋ تولىعىمەن نىسانداردىڭ بارلىق سانيتارلىق نورمالاردى ساقتاۋداعى دايىندىعىنا بايلانىستى. ءاربىر ازاماتتىڭ جاۋاپكەرشىلىگى ەپيدەميالىق جاعدايعا اسەر ەتەدى, سوندىقتان بارلىق ەلوردالىقتاردى كارانتين شارالارىن قاتاڭ ساقتاۋعا شاقىرامىز.
