ءورت بۇگىن م.اۋەزوۆ اۋدانىنداعى اقساي-1 شاعىناۋدانىنداعى تەحنيكالىق قىزمەت كورسەتۋ ورتالىعىندا تۇتانعان ەدى. ءورتتىڭ سالدارىنان نىساندا قاتتى جارىلىس بولدى. انگار تيپتەس عيماراتتىڭ ىشىنەن ارقايسىسى ەكى 25 ليترلىك گاز باللونى شىعارىلدى.
"انگاردا 9 كولىك تۇرعان. بارلىعى ورتەنىپ كەتتى. جالىننان تاعى 3 كولىككە زاقىم كەلدى", دەدى تجد وكىلى.
گاز تۇتىننەن قورعاۋ قىزمەتىنىڭ ماماندارى جوعارى تەمپەراتۋراعا قاراماستان ءورتتى ءسوندىرۋ ءۇشىن ىشكە كىرگەن بولاتىن. وقيعا ورنىندا ءورتتى سوندىرۋگە 60 ادام, 13 تەحنيكا جۇمىلدىرىلدى. سونىڭ ارقاسىندا قىزىل جالىن 55 مينۋتتا اۋىزدىقتالدى. وقىس وقيعادان ەشكىم زارداپ شەكپەدى.
