وبلىستىق ءبىلىم باسقارماسىنىڭ باسشىسى زاۋرە بايمەنوۆانىڭ ايتۋىنشا, كارانتينگە دەيىن مەكتەپتە تەگىن تاماقتانىپ كەلگەن اتا-انا قامقورلىعىنان قاعىلعان بالالار مەن تۇرمىسى تومەن, كوپ بالالى جانە تولىق ەمەس وتباسىندا تۇراتىن وقۋشىلار ءۇشىن 31 ملن تەڭگەگە الەۋمەتتىك سەبەتتەر ساتىلىپ الىنىپتى.
يگى شارا جاڭا وقۋ جىلىنىڭ العاشقى توقسانىندا دا قولعا الىنىپ وتىر. ءبىلىم باسقارماسى ءبىرىنشى توقسان ىشىندە وبلىستىڭ بارلىق وڭىرلەرىندە قاشىقتان ءبىلىم الىپ جاتقان 5 مىڭعا جۋىق بالاعا جاپپاي وقىتۋ قورىنىڭ قاراجاتى ەسەبىنەن الەۋمەتتىك سەبەتتەر ۇلەستىرىلەتىنىن ايتتى.
ازىق-ت ۇلىك سەبەتتەرى:
1) مەملەكەتتىك اتاۋلى الەۋمەتتىك كومەك الۋعا قۇقىعى بار وتباسىنداعى بالالارعا;
2) مەملەكەتتىك اتاۋلى الەۋمەتتىك كومەك المايتىن, جان باسىنا شاققانداعى تابىسى ەڭ تومەنگى كۇنكورىس دەڭگەيىنەن تومەن وتباسىلاردىڭ بالالارىنا;
3) جەتىم جانە اتا-انا قامقورلىعىنان ايىرىلعان بالالارعا;
4) توتەنشە جاعدايلاردىڭ سالدارىنان شۇعىل جاردەم كورسەتۋدى تالاپ ەتەتىن وتباسىلاردىڭ بالالارىنا;
5) ءبىلىم بەرۋ ۇيىمىنىڭ القالى ورگانى انىقتايتىن ءبىلىم الۋشىلار مەن تاربيەلەنۋشىلەردىڭ وزگە دە ساناتتارىنا بەرىلەدى.
بۇگىندە وبلىس بويىنشا 13 مىڭ وقۋشىنىڭ اتا-اناسى الەۋمەتتىك سەبەت بەرۋ تۋرالى ءوتىنىش تۇسىرگەن.
- كەلىپ تۇسكەن وتىنىشتەر بويىنشا اۋليەكول, امانگەلدى, قامىستى, قارابالىق, قاراسۋ اۋداندارىندا, قوستاناي, ليساكوۆ جانە رۋدنىي قالالارىندا 3 مىڭعا جۋىق ازىق-ت ۇلىك سەبەتى بەرىلدى. ال وبلىس ورتالىعىندا 30 قازانعا دەيىن 1733 وقۋشى ازىق-ت ۇلىك سەبەتىن الاتىن بولادى, - دەدى باسقارما باسشىسى.
قوستاناي وبلىسى
