ساعىز جايلى ءسوز قاۋزاي قالساق، ەرتە­دەگى «ەرالاشتان» ەستىگەن ايگىلى اڭگى­مە ويىمىزعا ورالادى. بالا ءتىلى بال عوي، شىركىن! «Nike نە Adidas-تىڭ كيىمى بولماسا، قۇر ساعىزعا وتانىمدى ساتا المايمىن» دەمەۋشى مە ەدى؟ بال­دىرعاندى تاتتىمەن الداپ، شەكارادان وتۋگە وقتالعان قاراقشى وسىلايشا ءوز قۋ­لىعىنا ءوزى تۇسەتىن. شىنىندا، جەۋ­گە جارامسىز ءتاتتى ويىن بالاسىنىڭ ال­­دانىشى عانا. بىراق وندا قانشاما ەس­تەلىك بار. سول زاماندا ساعىزعا دەگەن سۇرانىس سۇراپىل ەدى. تاڭدايى كەپ­كەنشە تاڭنان كەشكە دەيىن شايناپ، ۇلپىل­دەتىپ ۇرلەپ، شار جاساپ وينايتىن كىش­كەنتاي بۇزىقتاردىڭ ارەكەتى ءالى دە جادىمىزدا. الاقانىنا جاسىرىپ، قاي قولىندا ەكەنىن تاپقانشا سۇلۋعا سىر الدىرمايتىن بوزبالانىڭ جۇرەك ءلۇپىلىن ايتساڭىزشى!؟

جۇرەك ءلۇپىلى دەگەننەن شىعادى، «Love is...» سۇيكىمدى كوميكستەرىندە ۇل­كەن ماحاببات وقيعاسى بۇعىنىپ جاتىر. قا­عازداعى اسەرلى بەينەلەر سۋرەتشىنىڭ سۇيگەن جارىنا ارنالعانىن بىرەۋ بىلسە، بىرەۋ بىلمەس. سۇيىسپەنشىلىك، ادالدىق جانە جوعالتۋ تاقىرىبىنداعى قىسقا ءماتىندى سۋرەتتەر سەرياسى. عاشىقتىق حاتتارعا ۇلاسقان ءموپ-ءمولدىر ماحاببات مينياتيۋرالارى.

«Love is...» بۇل جاڭا زەلانديا ەلى­نىڭ تۋماسى، انيماتسيا سۋرەتشىسى كيم كاساليدىڭ تۋىندىسى. ول بالا كۇنىنەن ساياحاتتاعاندى ەرەكشە جاقسى كورگەن ەكەن. 19-عا تولعان شاعىندا ارمانشىل بويجەتكەن اقىرى ۇيىنەن ۇزاپ، جيھان­گەرلىك جولعا تۇسەدى. جەر شارىن تولىق ارالاۋدى ماقسات ەتكەن قيالشىل قىز ارا­عا التى جىل سالىپ، كاليفورنياعا تۇراق­تايدى. تاعدىرعا جازعانى شىعار، سول اسەم شاھاردان يتاليالىق ازامات روبەرتو كاساليمەن كەزدەسەدى. امەري­كاعا جاڭا قونىس اۋدارعان سۋرەتشى دۇ­نيە­نى شىر اينالىپ تاپپاعان باقىتىن سول قالادان جولىقتىرىپتى. قىزىعى، جىگىتتى ءبىر كورگەننەن ۇناتىپ قالادى. دەگەن­مەن تابيعاتىنان بيازى بويجەت­كەن عاشىقتىق نيەتىن سول ساتتە ءبىلدىرۋدىڭ رەتىن تاپپايدى-مىس. مىنە، بۇل راي الاپات سەزىمنىڭ ارباۋىنا تۇسكەن ارۋعا اسقاق شابىت سىيلاپ، ومىرگە كەرەمەت كوميكستەردى اكەلۋىنە سەپتىگىن تيگى­زەدى. اقىننىڭ جۇبانىشى ولەڭ بولسا، سۋرەتشىنىڭ كوڭىلگە سۇيەنىشى كارتينا ەمەس پە؟ ەندەشە، سۇلۋدىڭ ساعىنىش حاتتارى جۇرەك تولقىتپاسىنا كىم كەپىل!؟

سونىمەن كيم شاعىن سالفەتكالارعا توپ-تومپاق قىز بەن جىگىتتىڭ قارىم-قاتىناسىن بەينەلەي باستايدى. ەشقان­داي بوياۋسىز كەسكىندەمەلەر تەك ەكى كەيىپ­­­كەردىڭ ومىرىنەن سىر شەرتىپ، ءار ءتۇر­­لى ەموتسيالارمەن ادىپتەلەدى. «مەن ءوزىمنىڭ بالاڭ سەزىمىمدى ءبىلدىرۋ ءۇشىن ىقشامدالعان ەسكيزدەر جاسادىم. بۇل مەنىڭ سەزىمىمنىڭ كۇشىن سيپاتتايتىن ەموتسيالاردىڭ كۇندەلىگىن جۇرگىزۋ سياق­تى بولدى. الدىمەن قىزعا اينالعان تامشىنى سالدىم. ول، ارينە مەن! ونداعى قىز مەنىڭ عاجايىپ سەزىمىمدى باستان وتكەرگەن ادام. ارتىنان تاعى ءبىر تامشى سالدىم. ول – وسى سەزىمگە سەبەپ بولعان بالا»، دەيدى اۆتور ەستەلىگىندە.

«عاشىقتىڭ ءتىلى – ءتىلسىز ءتىل» دەگەندەي روبەرتو سۋرەتشى سۇلۋعا ءسوز سالۋعا باتا ال­­ماي، كوڭىلىن قۇپيا ۇستاۋعا تىرىسادى. الايدا كيم جولداعان كوميكستەردى كور­گەندە كەزدەسۋگە اسىعىپتى. ماحاببات ورتىنە كۇيگەن ەكى جاس وسىلايشا وتاۋ قۇرادى. ەكەۋى ىرىمداپ كيمنىڭ اتا-اناسى ۇيلەنگەن شىركەۋدە نەكەلەسەدى. جاس قالىڭدىق توي كويلەگىمەن قوسا، باسىنا تۇيمەداقتان ءتاج جاساپ كيىپتى. كەيىن بۇل ءسات ونىڭ كوميكستەرىندە دە كورىنىس تاپقان.

روبەرتو ايەلىنىڭ ونە­رىنە تاڭ-تاما­شا بولىپ، شىعار­ماشىلىعىن ناسيحات­تاۋعا كىرىسەدى. ءسويتىپ 1970 جى­لى 5 قاڭ­­­­­تار­دا تۇڭعىش رەت «Los Angeles Ti­mes»­­­ گا­زەتىندە سۋرەتتەر جاريالانادى.­ كو­­ميكستە بالا قىزدى «كيم» دەپ اتا­سا، قىز قۇمعا «ر» ءارىپىن بەينەلەگەن. ونى­­سى روبەرتو ەسىمىنىڭ ءبىرىنشى قارىپىن مەڭ­­زەگەنى.

ءيا، ماحاببات كوميكس­تەرىنىڭ بىردەن تانىمال بول­عانى سونشالىق، ەر­لى-زايىپتىلار Minikim كور­پو­راتسياسىن قۇرادى. وندا رو­بەرتو مەنەدجەر بولىپ قىز­مەت اتقارادى. سۋرەتتەر تەك جۋر­نالداردا عانا ەمەس، كۇنتىزبەلەردە، پلاكات­تاردا، كرۋجكالاردا، فۋتبولكالاردا باسىلا باستايدى. ءتىپتى كيم كاساليدىڭ جىلدىق تابىسى 5 ميلليون­ فۋنت ستەرلينگتى قۇراعان. ال «Love is...»­ ءونىمى الەمنىڭ 50 ەلىنە ساپار شەگىپ، برەند­كە اينالادى. ماحابباتتىڭ قۇدىرەت كۇ­شى الديلەسە، ءدال وسىلاي الديلەسىن ادام­زاتتى.

كيم ءوزىن ەشقاشان ناعىز سۋرەتشىمىن دەپ ساناماعان. 1981 جىلى بەرگەن سۇحباتىندا: «ەگەر مەنىڭ تاڭداۋىم بولسا، رومانتيكالىق اندەردىڭ اۆتورى بولار ەدىم. ماحاببات اندەرى ماعان قاتتى اسەر ەتەدى. اتتەگەن-ايى، ادەمى جازا المايمىن، سوندىقتان ءوز سەزىمىمدى ءبىلدىرۋدىڭ باسقا ءادىسىن تاڭداۋىم كەرەك بولدى»، دەيدى اعىنان جارىلىپ.

ماحاببات داستانىنىڭ كەيىپكەرلەرى قارىم-قاتىناستىڭ ءار ءتۇرلى كەزەڭدەرىنەن وتەدى. تانىسۋدان باستاپ ەرلى-زايىپ­تى بولعانعا دەيىنگى مەرەيلى مەزەت­تەر­دىڭ بارلىعى ۇشتاسقان. ول – ول ما، كەيىپ­كەر­لەر­دىڭ ءبىرىنىڭ قايتىس بولۋىنا دەيىن كور­سەتىلگەن. وعان سەبەپ – 1975 جىلى روبەرتوعا دارىگەرلەر تەكسەرىسىنەن كەيىن، «قاتەرلى ىسىك» دياگنوزى قويىلۋى. ويدا جوقتا كەلگەن ىندەت كيمگە ۇلكەن سوققى بولىپ تيەدى. «اكەم مەنىڭ جاس كەزىمدە قايتىس بولدى، سوندىقتان روبەرتو تۇرمىسقا شىعۋىمدى وتىنگەندە: « نە ىستەسەڭ دە، مەن ءۇشىن ۇزاق ءومىر ءسۇر­شى» دەدىم. ول ك ۇلىپ، تىرىسىپ كورە­مىن دەپ ۋادە بەردى»، دەيدى سۋرەتشى قولجاز­با­سىندا.

وكىنىشكە قاراي روبەرتو ۋادەسىندە تۇرا المايدى. كيمنىڭ باقىتى ۇزاققا سوزىل­مادى. ول سۇيىكتىسىنە كوبىرەك ۋا­قىت ءبولۋ ءۇشىن كوميكستەرمەن جۇمىس ىس­تەۋدى توقتاتا تۇرۋعا ءماجبۇر بولادى. بىراق سۋرەتشى جارىمەن تابىستىرعان كوميكس­تەردەن باس تارتۋدى مۇلدەم ويلاعان جوق. بەرەكەلى ءىسىن اعىلشىن مۋلتيپليكاتورى بيلل اسپريگە ءارى قاراي جالعاستىرۋدى وتىنەدى. ءبيللدىڭ قىلقالامىنان تۋعان ءتۇرلى-ءتۇستى كوميكستەردى كەيىن رەسەي، تۇر­كيا جانە ۋكراينا سۋرەتشىلەرى ءىلىپ اكەتتى.

انگلياعا قونىس اۋدارعان سوڭ روبەر­تو كاسالي 31 جاسىندا دۇنيەدەن وزادى. ال كوميكستەردە تەك قىز بەن ەكەۋى بىرگە وتىر­عان تۇعىر عانا قالادى. وقىرماندار مۇنى جاقسى تۇسىنگەن. ورنى تولماس قايعىنىڭ ارتىنان قۋانىش ءۇيىلىپ، كيم كوپ ۇزاماي ءسابيلى بولادى. بريتاندىق گازەتتەر نارەستەگە «كەرەمەت نارەستە» دەپ ايدار تاعىپ، ماداقتاما ماقالالار جا­زادى.

كۇيەۋىنىڭ قازاسىنان كەيىن كيم ونەردەن قول ءۇزىپ كەتكەن جوق. بار ۋا­قى­تىن بالالارىنىڭ تاربيەسى مەن شىعار­ماشىلىعىنا ارنادى. الايدا ول دا جامان اۋرۋعا دۋشار بولىپ، 55 جاسىندا باقيعا اتتانادى. وتباسىلىق بيزنەسكە ۇلكەن ۇلى ستەفانو يە بولادى. بيلل اسپري كەلىسىمشارت بويىنشا كيمنىڭ قول­تاڭباسىمەن، «Love is...» حيكاياسىن ءارى قاراي جالعاستىرادى. جىلدار الماسىپ، بىرتە-بىرتە كيم مەن روبەرتونىڭ ماحاببات تاريحى ۇمىتىلا باستايدى. ەندى سەگىز تىلدە سويلەگەن كوميكستەر جاس عاشىقتاردىڭ ىزگى لەبىزىنە ۇلاسىپ، ماحاببات سيمۆولىنا اينالىپ شىعا كەلەدى.

1990 جىلى «Love is...» ساعىزى تۇر­كيا مەن رەسەيدە وندىرىلە باستادى. ونداعى كومپانيالار كيمنىڭ يدەياسىن نەگىزگە الىپ، ءتاتتى ءونىمدى ماحاببات افو­ريزمدەرىنە تولى قوراپقا قاپتاپ، ەكسپورتقا شىعاردى. قوراپتاعى ءارتۇر­لى كوميكستەر قىز بەن جىگىتتىڭ جۇرەك سوزىندەي اسەرلى مولتەك ماتىنگە تولى. تاۋاردىڭ وتىمدىلىگىن ارتتىرىپ تۇرعان كيم نەگىزىن قالاپ كەتكەن سۇيكىمدى كو­ميكس­تەر ەكەنى كەيىننەن الەمگە ءماشھۇر بولدى.

مىنە، تالاي مارتە رو­مان­تيكالىق كەش^­تەردىڭ سانىنە اينالعان ساعىز­دىڭ شىعۋ تا^­ريحى وسىنداي. ءسىز دە ماحاب­بات ساعى­زىن شايناعان بو­لار­سىز؟ ەسىڭىزگە ءتۇسىرىپ كو­­رىڭىزشى؟