پارلامەنت • 26 قازان، 2020

ءۇش جىلعا ارنالعان رەسپۋبليكالىق بيۋدجەت سەناتقا كەلىپ ءتۇستى

28 رەت كورسەتىلدى

ماۋلەن اشىمباەۆتىڭ توراعالىعىمەن وتكەن پالاتا بيۋروسىنىڭ وتىرىسىندا دەپۋتاتتار الداعى جالپى وتىرىستىڭ كۇن ءتارتىبىن تالقىلادى جانە ماجىلىستەن كەلىپ تۇسكەن زاڭ جوبالارىن كوميتەتتەرگە ءبولىپ بەردى، دەپ حابارلايدى Egemen.kz.

سەناتتىڭ قاراۋىنا ءتورت زاڭ جوباسى كەلىپ ءتۇستى. ولار: "قازاقستان رەسپۋبليكاسىنىڭ ۇلتتىق قورىنان 2020-2022 جىلدارعا ارنالعان كەپىلدەندىرىلگەن ترانسفەرت تۋرالى" قازاقستان رەسپۋبليكاسىنىڭ زاڭىنا وزگەرىس ەنگىزۋ تۋرالى"، "2020-2022 جىلدارعا ارنالعان رەسپۋبليكالىق بيۋدجەت تۋرالى" قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى"، "قازاقستان رەسپۋبليكاسىنىڭ ۇلتتىق قورىنان 2021-2023 جىلدارعا ارنالعان كەپىلدەندىرىلگەن ترانسفەرت تۋرالى" جانە "2021-2023 جىلدارعا ارنالعان رەسپۋبليكالىق بيۋدجەت تۋرالى" زاڭ جوبالارى. وتىرىس بارىسىندا بۇل زاڭ جوبالارى جۇمىس ءۇشىن قارجى جانە بيۋدجەت كوميتەتىنە بەرىلدى.

سەناتتىڭ كەزەكتى جالپى وتىرىسى 29 قازاندا وتەدى. وندا دەپۋتاتتار "قازاقستان رەسپۋبليكاسىنىڭ ۇلتتىق قورىنان 2020-2022 جىلدارعا ارنالعان كەپىلدەندىرىلگەن ترانسفەرت تۋرالى" قازاقستان رەسپۋبليكاسىنىڭ زاڭىنا وزگەرىس ەنگىزۋ تۋرالى" زاڭ جوباسىن قارايدى. سونداي-اق، پالاتا وتىرىسىندا ءماجىلىس ماقۇلداعان "2020-2022 جىلدارعا ارنالعان رەسپۋبليكالىق بيۋدجەت تۋرالى" قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى" زاڭ جوباسى دا قارالادى.

سونىمەن قاتار بيۋرودا سەناتورلار وسى اپتادا وتكىزىلەتىن باسقا دا ءىس-شارالارعا توقتالىپ ءوتتى. ونىڭ ىشىندە ۋچاسكەلىك پوليتسيا ينسپەكتورلارىنىڭ مارتەبەسىن ارتتىرۋ جانە ماتەريالدىق-تەحنيكالىق قامتاماسىز ەتىلۋىن جاقسارتۋ ماسەلەسى تۋرالى، سونداي-اق، قاراعاندى وبلىسىنىڭ وڭىرلىك ازاماتتىق قورعانىس جۇيەسى ماسەلەلەرى تۋرالى كوميتەت وتىرىستارىنا دايىندىق بارىسى پىسىقتالدى.

وتكەن اپتادا ۇيىمداستىرىلعان اۋىلدىق اۋماقتاردى دامىتۋ ماسەلەسىنە ارنالعان پارلامەنتتىك تىڭداۋدىڭ ناتيجەسى بويىنشا ۇسىنىمدار قابىلدانعان ەدى. سەنات توراعاسى ماۋلەن اشىمباەۆ سول ۇسىنىمداردى ۇكىمەتكە جولداپ، ولاردىڭ ىسكە اسىرىلۋىن نازاردا ۇستاۋدى تاپسىردى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار