"COVID-19 ەرەسەكتەرگە دە, بالالارعا دا قاۋىپتى, سەبەبى بۇل جاڭا ينفەكتسيا. ءبىرىنشى تولقىن كورسەتكەندەي, بالالار ەرەسەكتەرگە قاراعاندا از اۋىردى, ولار ءۇشىن اۋرۋ جەڭىل وتەدى. بىراق ەگەر ەكىنشى تولقىن بولسا, ودان ءارى نە بولاتىنىن كورەمىز. دامۋ اقاۋلارى, ەندوكريندىك بۇزىلۋلار, اللەرگيالىق اۋرۋلار, ونكولوگيالىق پاتولوگيا, يممۋنيتەت تاپشىلىعى جاعدايى سياقتى ىلەسپە اۋرۋلارى بار بالالاردىڭ كوروناۆيرۋس ينفەكتسياسىنا توتەپ بەرۋى دەنى ساۋ بالالارعا قاراعاندا قيىن بولادى", دەپ ەسكەرتتى پەدياتر.
بالالار سونىمەن قاتار COVID-19 تاسىمالداۋشىسى بولىپ تابىلادى جانە ولاردىڭ كۆي بەلگىلەرىندە ەرەكشەلىك جوق - جوعارى تەمپەراتۋرا, كونيۋنكتيۆيت, بۇلشىقەت اۋىرۋى, اسقازان-ىشەك جولدارى بۇزىلىسى.
الايدا, اتا-انالارعا بالانىڭ اۋرۋدان كەيىنگى جاعدايىنا نازار اۋدارۋ ۇسىنىلادى, ويتكەنى مۋلتي قابىنۋ سيندرومى پايدا بولۋى مۇمكىن.
"مۋلتي قابىنۋ سيندرومى قازىرگى كەزدە وتە وزەكتى ماسەلە. بۇل COVID-19-عا اعزانىڭ كەشىككەن يممۋنولوگيالىق جاۋابى. اۋرۋ ءتۇرى سيمپتومدى نەمەسە سيمپتومسىز بولعانى ماڭىزدى ەمەس. ەكى-ءۇش اپتادان كەيىن جوعارى تەمپەراتۋرا, بورتپە, كونيۋنكتيۆيت, ليمفا تۇيىندەرى, الاقان مەن اياقتىڭ ءىسىنۋى پايدا بولادى, مۇنى ءبىز بالادان سىرتتاي بايقاي الامىز", دەپ اتاپ ءوتتى اسەل شايمەردينوۆا.
بۇل جاعدايدا, ونىڭ ايتۋىنشا, بىرقاتار تەكسەرۋلەر جۇرگىزۋ جانە بەلگىلى ءبىر ەم تاعايىنداۋ ءۇشىن مىندەتتى تۇردە اۋرۋحاناعا جاتقىزۋ قاجەت.
