«COVID-19 پاندەمياسى جاعدايىندا اگروونەركاسىپتىك كەشەننىڭ تەڭدەستىرىلگەن دامۋىن قامتاماسىز ەتۋ ماقساتىندا ەاەو ەلدەرىنىڭ كەلىسىلگەن اگروونەركاسىپتىك ساياساتتىڭ نەگىزگى باعىتتارى بويىنشا ىنتىماقتاستىعىن تەرەڭدەتۋ, سونداي-اق ءوزارا ساۋداداعى كەز كەلگەن كەدەرگىنى جويۋمەن جۇيەلى جۇمىس ىستەۋ ماڭىزدى», – دەپ اتاپ كورسەتتى ەەك ءمينيسترى.
وتىرىسقا قاتىسۋشىلار كوميسسيا القاسىنىڭ «اۋىل شارۋاشىلىعى جانۋارلارىن جانە ولاردىڭ ءونىمىن (ماتەريالىن) اسىل تۇقىمدى ونىمگە جاتقىزۋ كەزىندەگى تاسىلدەمەلەردى بىرىزدەندىرۋ تۋرالى» ۇسىنىمىنىڭ جوباسىن ماقۇلدادى. ۇسىنىمدى ىسكە اسىرۋ اكەلىنەتىن اسىل تۇقىمدىق ءونىمنىڭ جوعارى ساپاسىن قامتاماسىز ەتۋگە ءارى وعان جانە ىلەسپە قۇجاتتارعا قويىلاتىن تالاپتاردى بىرىزدەندىرۋگە مۇمكىندىك بەرەدى. ەاەو ەلدەرىنە وداق مەملەكەتتەرىنىڭ اۋماعىنا ءۇشىنشى ەلدەردەن اكەلىنەتىن اسىل تۇقىمدى ءونىم ساپاسىنا باقىلاۋدى جۇزەگە اسىرۋعا, سونداي-اق اسىل تۇقىمدى جانۋارلار مەن ولاردىڭ ءونىمىن سەلەكتسيالىق-اسىلداندىرۋ جۇمىسىندا ودان ءارى پايدالانۋ ءۇشىن قاجەتتى مالىمەتتەردى قامتيتىن قۇجاتتارمەن سۇيەمەلدەنەتىن جاعدايلاردى ساقتاۋدى قامتاماسىز ەتۋگە ۇسىنىم جاسالادى.
اگروونەركاسىپتىك كەشەن جونىندەگى كونسۋلتاتيۆتىك كوميتەت مۇشە مەملەكەتتەردىڭ اۋىل شارۋاشىلىعى وسىمدىكتەرىنىڭ سورتتارىن سىناۋ جانە تۇقىم شارۋاشىلىعى سالالارىنداعى زاڭناماسىن بىرىزدەندىرۋگە باعىتتالعان شارالار تىزبەسى جوباسىن ماقۇلدادى. كوزدەلگەن شارالاردى ىسكە اسىرۋ ۇلتتىق زاڭناماداعى تۇقىمنىڭ ءوزارا ساۋداسىنا اسەر ەتەتىن ايىرماشىلىقتاردى جويۋعا, ىشكى نارىقتاعى اكىمشىلىك توسقاۋىلداردى ازايتۋعا مۇمكىندىك بەرەدى. قۇجاتتى جوعارى ەۋرازيالىق ەكونوميكالىق كەڭەستىڭ بەكىتۋى جوسپارلانىپ وتىر.
تاراپتاردىڭ وكىلدەرى اوك سالاسىنداعى بىرلەسكەن عزتكج تىزبەسىنىڭ جوباسىن ماقۇلدادى. قۇجات 2021-2025 جىلدارعا ارناپ قالىپتاستىرىلعان جانە وسىمدىك شارۋاشىلىعى, مال شارۋاشىلىعى, مەليوراتسيا, تاماق ونەركاسىبى ءارى اگروونەركاسىپتىك كەشەن ەكونوميكاسى سالاسىنداعى 27 تاقىرىپتى كىرىستىرەدى. زەرتتەۋلەر عىلىمي-تەحنيكالىق پروگرەستىڭ وزىق جەتىستىكتەرى نەگىزىندە سەرپىلىستى ونىمدەر مەن تەحنولوگيالار ازىرلەۋدى باعامدايدى.
اگروونەركاسىپتىك كەشەننىڭ باسەكەگە قابىلەتتىلىگىن ارتتىرۋ ءۇشىن تاراپتاردىڭ بىرلەسكەن كۇش-جىگەرىمەن اۋىل شارۋاشىلىعى داقىلدارىنىڭ بەيىمدەلگەن جانە ونىمدىلىگى جوعارى سورتتارىن جاساۋ, ىقتياتتى ەگىن شارۋاشىلىعىن جانە توپىراقتىڭ قۇنارلىلىعىن قالپىنا كەلتىرۋ جۇيەسىن دامىتۋ, وسىمدىك شارۋاشىلىعى مەن مال شارۋاشىلىعىندا بيوتەحنولوگيالار ازىرلەۋ, سونداي-اق گەواقپاراتتىق تەحنولوگيالاردى قولدانا وتىرىپ, جەردىڭ مەليوراتيۆتىك جاي-كۇيىن باعالاۋ جۇيەسىن دايىنداۋ جوسپارلانۋدا. ەكونوميكا سالاسىندا عزتكج شارۋاشىلىق جۇرگىزۋدىڭ شاعىن نىساندارىنىڭ باسەكەگە قابىلەتتىلىگىن ارتتىرۋ, اۋىل شارۋاشىلىعىندا قىزمەتتەر كورسەتۋ سەكتورىن جانە تسيفرلىق تەحنولوگيالاردى دامىتۋ ماسەلەلەرىن ءسوز ەتەدى
اوك جونىندەگى كونسۋلتاتيۆتىك كوميتەتتىڭ قاتىسۋشىلارى ەەك القاسى ۇسىنىمىنىڭ ءتيىستى جوباسىن ماقۇلداي وتىرىپ, ەاەو-دا تۇرلەندىرىلگەن كراحمالدار الۋدىڭ ءتيىمدى يمپورت اماستىرۋشى تەحنولوگيالارىن قۇرۋ كەزىندەگى ىنتىماقتاستىقتى دامىتۋ ماسەلەسىنە دەربەس نازار اۋداردى.
قۇجات تاماق جانە تەحنيكالىق ماقساتتار ۇشىن تۇرلەندىرىلگەن كراحمالدار ءوندىرىسىنىڭ ەكولوگيالىق قاۋىپسىز تەحنولوگيالارىن ازىرلەۋ ماقساتىندا بىرلەسكەن ءىس-شارالاردى ىسكە اسىرۋدى, سونداي-اق نارىقتى زەرتتەۋ جانە پاتەنتتىك ىزدەۋ ناتيجەلەرى نەگىزىندە كراحمالدى تۇرلەندىرۋ ءۇشىن نورماتيۆتىك قۇجاتتامانى جانە ارناۋلى جابدىقتى كوزدەيدى. قورىتىندىسىندا قوسىلعان قۇنى جوعارى تاماققا ارنالعان جانە تەحنيكالىق ماقساتتاعى جاڭا ونەركاسىپ ونىمدەرىن الۋ كۇتىلۋدە.
عىلىمي-يننوۆاتسيالىق ىنتىماقتاستىقتى دامىتۋ باعىتىنداعى قابىلدانىپ جاتقان قادامدار اگروونەركاسىپتىك كەشەننىڭ تەحنولوگيالىق باسەكەگە قابىلەتتىلىگىن جانە وداق ەلدەرىنىڭ عىلىمي-زەرتتەۋ الەۋەتىن پايدالانۋ تيىمدىلىگىن ارتتىرۋعا ىقپال ەتەتىن بولادى.
اوك جونىندەگى كوميتەت مۇشەلەرى ەۋرازيالىق ەكونوميكالىق كوميسسيا مەن يسلام ازىق-ت ۇلىك قاۋىپسىزدىگى ۇيىمىنىڭ, حالىقارالىق قانت ۇيىمىنىڭ جانە حالىقارالىق استىق كەڭەسىنىڭ اراسىنداعى ءوزارا تۇسىنىستىك تۋرالى مەموراندۋمدار جوباسىن ماقۇلدادى. بۇل ۇيىمدار بولاشاقتا اقپارات, تاجىريبە جانە ءبىلىم الماسادى, بىرلەسكەن زەرتتەۋلەر, كونسۋلتاتسيالار مەن دوڭگەلەك ۇستەلدەر وتكىزەدى, بىرلەسكەن باياندامالار, تالدامالى جانە باسقا شولۋلار دايىندايدى دەپ باعامدالۋدا.
