الماتىدا قالا اكىمى باقىتجان ساعىنتاەۆتىڭ تاپسىرماسى بويىنشا "شەتسىز قالا" تۇجىرىمداماسى جۇزەگە اسىرىلۋدا, ونىڭ ماقساتى مەگاپوليستىڭ بارلىق اۋداندارىندا تۇرعىلىقتى جەرىنە قاراماستان حالىقتىڭ جوعارى ءومىر ءسۇرۋ ستاندارتتارىن قامتاماسىز ەتۋ بولىپ تابىلادى.
"اۋداندا "بيۋدجەتكە قاتىسۋ" جوباسى اياسىندا تۇرعىنداردىڭ ۇسىنىستارى جۇزەگە اسىرىلۋدا, وندا ءار ادام قانداي دا ءبىر جوبالاردى ىسكە اسىرۋ بويىنشا جوبالىق ۇسىنىستار بەرە الادى", دەپ اتاپ ءوتتى ا. قالدىبەكوۆ.
وسى جوبا اياسىندا اۋداندا شاڭىراق-1 شاعىن اۋدانىندا بالالار ويىن الاڭىنىڭ قۇرىلىسىنا, قاراسۋ شاعىن اۋدانىندا "وتان ۇلدارى ماڭگىلىك ەستە" مونۋمەنتىن كۇردەلى جوندەۋگە, اقبۇلاق شاعىن اۋدانىندا جاساندى جابىنى بار فۋتبول الاڭىنىڭ قۇرىلىسىنا جوبالىق-سمەتالىق قۇجاتتار ازىرلەنۋدە.
"13 شاعىن اۋداندا جاڭا جولدار سالىنۋدا, ونىڭ ىشىندە وتكەن جىلى 4 شاعىن اۋداندا ۇزىندىعى 32,7 كم جول قۇرىلىسى اياقتالدى. قالعان شاعىن اۋداندار بويىنشا قۇرىلىستىڭ تولىق اياقتالۋى اعىمداعى جىلدىڭ سوڭىنا دەيىن جوسپارلانعان (ۇزىندىعى 75,5 كم)", دەدى اۋدان اكىمى.
سونىمەن قاتار, اۋداندا جول ينفراقۇرىلىمىن جاڭعىرتۋ جۇمىستارى قارقىندى ءجۇرىپ جاتىر. 8 شاعىن اۋداندا 73 كوشەدە ۇزىندىعى 67,4 كم بولاتىن جولدارعا ورتاشا جوندەۋ جۇرگىزىلۋدە. بۇگىنگى تاڭدا ۇزىندىعى 15,1 كم بولاتىن 22 كوشەدە جوندەۋ جۇمىستارى اياقتالدى, ۇزىندىعى 10,265 كم بولاتىن 12 كوشەدە قۇرىلىس-مونتاجداۋ جۇمىستارى جۇرگىزىلۋدە, ۇزىندىعى 42 كم 39 كوشەگە اسفالت توسەۋ جوسپارلانۋدا.
قازىرگى ۋاقىتتا شاڭىراق-2, ۇلجان-2, وجەت شاعىن اۋداندارىندا ورتاشا جوندەۋ جۇمىستارى جۇرگىزىلۋدە.
سونىمەن قاتار, ينجەنەرلىك جەلىلەردى جاڭعىرتۋعا دا كوڭىل بولىنۋدە. بۇگىنگى تاڭدا جالپى ۇزىندىعى 199 كم بولاتىن شاپاعات, قاراسۋ, العاباس, وجەت, سامعاۋ, اقبۇلاق, بورالداي شاعىن اۋداندارىندا جەلىلەردىڭ قۇرىلىسى جۇرگىزىلۋدە. ونىڭ ىشىندە سۋ – 108 كم, سۋ بۇرۋ – 91 كم. اعىمداعى جىلى 300 كم ينجەنەرلىك جەلىلەردى جۇرگىزۋگە جوبالاۋ-سمەتالىق قۇجاتتاما ازىرلەندى, بۇل اۋدان تۇرعىندارىن ساپالى اۋىز سۋمەن قامتاماسىز ەتەدى.
كوك قاينار, توميريس, شاڭىراق-2 شاعىن اۋداندارىندا سارقىندى سۋلاردى اعىزۋا ارنالعان 17 كارىزدىك سورعى ستانتسيالارىنىڭ قۇرىلىسى جۇرگىزىلۋدە. وسى ارقىلى سالىنعان كارىز جەلىلەرىن پايدالانۋعا بەرۋگە مۇمكىندىك اشىلادى.
الاتاۋ اۋدانىندا جالپى ۇزىندىعى 560 كم بولاتىن 18 634 جارىق نۇكتەسى بار. 218 كوشە بويىنشا جارىقتاندىرۋعا اعىمداعى جوندەۋ جۇرگىزىلدى. سونىمەن قاتار, باسقارما 194 كوشەدە كەلەسى جۇمىستاردى جۇرگىزەدى:
- وقشاۋلانعان ءوزىن كوتەرۋشى سىممەن 155 كم مونتاجداۋ;
- 1967 دانا كرونشتەيندەر ورناتۋ;
- 5350 دانا شام ورناتۋ;
سونىمەن قاتار, تۇرعىن ۇيلەردى گازداندىرۋ جۇمىستارى جۇرگىزىلۋدە. اۋدان اۋماعىندا 37 800 ءۇي بار. ونىڭ ىشىندە گازعا 37 134-ءى قوسىلعان. 2019 جىلى گازعا 1032 ءۇي, اعىمداعى جىلى — 418 ءۇي قوسىلدى. وسى باعىتتاعى جۇمىستار جالعاسۋدا.
