كەپتىرىلگەن جانە ۇساقتالعان كوكوس جاڭعاقتارى (كوكوس جاڭقاسى) ۇننان جاسالاتىن كونديتەر بۇيىمدارىنىڭ كەيبىر تۇرلەرىنىڭ, اتاپ ايتقاندا, تورت, ءتاتتى نان جانە پىسپەنان وندىرىسىندە پايدالانىلادى.
تابيعي-كليماتتىق جاعدايلارعا وراي ەۋرازيالىق ەكونوميكالىق وداققا مۇشە مەملەكەتتەر اۋماعىندا كوكوس پالمالارى وسپەيتىندىگى ەسكەرىپ, كوكوس جاڭقاسىنا دەگەن قاجەتتىلىك يمپورتتىق جەتكىزىلىمدەر ەسەبىنەن قامتاماسىز ەتىلەدى.
قابىلدانعان شەشىم دايىن ونىمدەر وندىرىسىنە جۇمسالاتىن شىعىنداردى قىسقارتۋعا, كوكوس جاڭقاسى پايدالانىلاتىن بۇيىمداردىڭ ۇلەسىن ارتتىرۋعا, سونداي-اق ەكسپورتتىق نارىقتارداعى وتاندىق كونديتەرلىك كاسىپورىنداردىڭ پوزيتسياسىن نىعايتۋعا باعىتتالعان.
"كۇتىلىپ وتىرعانىنداي, كەپتىرىلگەن كوكوس جاڭعاقتارىنا ارنالعان كەدەندىك اكەلۋ باجىنىڭ ستاۆكاسىن تومەندەتۋ مۇشە مەملەكەتتەردەگى پاندەميا جاعدايىندا قۇلدىراۋ كورسەتكەن كونديتەر ءونىمى ءوندىرىسىنىڭ كولەمىن قالپىنا كەلتىرۋگە كومەكتەسەدى", دەپ اتاپ ءوتتى ەەك-ءتىڭ كەدەندىك-تاريفتىك جانە تاريفتىك ەمەس رەتتەۋ دەپارتامەنتىنىڭ ديرەكتورى ۆااگن كازاريان.
شەشىم رەسمي جاريالانعان كۇنىنەن باستاپ كۇنتىزبەلىك 30 كۇن وتكەن سوڭ كۇشىنە ەنەدى.
