مۇسىندەر مونۋمەنتالدى ستيلدە جاسالعان. شاھارداعى «وقۋشىلار سارايى» عيماراتىنىڭ الدىنا ورناتىلعان ۇلى اقىن اباي قۇنانباي ۇلىنىڭ ەسكەرتكىشى تاريحي تۇلعانىڭ بەينەسىن تەرەڭىنەن اشا بىلگەن. ەسكەرتكىش اۆتورى – ءمۇسىنشى گۋلفيا مەلدەشتىڭ كورەرمەنگە كۇشتى ەموتسيونالدى اسەر بەرۋگە تىرىسقانى بايقالادى. اقىننىڭ شاپانى مەن جالپى بەينەسىن اسەرلى بەينەلەۋگە كوپ كوڭىل بولىنگەن.
سالاتاناتتى راسىمدە ءسوز العان مەملەكەتتىك حاتشى قىرىمبەك كوشەرباەۆ كيەلى قالاداعى ءىس-شارانى ۇلى دالانىڭ ۇلاعاتتى تۇلعالارىنا تاعزىم ەتۋ ماقساتىندا اتقارىلىپ جاتقان يگى ىسكە بالادى. ۇلى ابايدىڭ ەل دامۋىنداعى, بىرلىگىمىزدى نىعايتۋداعى ءرولىن اتاپ ءوتتى.
ال وبلىس اكىمى ومىرزاق شوكەەۆ ۇلى اقىننىڭ مەرەيتويىن وتكىزۋدە ءوڭىردىڭ داڭعازا شۋدان بولەك ىلكىمدى ءىستىڭ جۇزەگە اسۋىنا مۇرىندىق بولعانىن اتاپ ءوتتى.
"بۇگىن رۋحاني استانامىز تۇركىستاننىڭ كوركىنە كورىك قوساتىن, زاماننىڭ زاڭعارى بولعان اقىنعا ەڭسەلى ەسكەرتكىش اشىلىپ وتىر", دەدى وبلىس باسشىسى.
قولادان جاسالعان ەسكەرتكىشتەردىڭ بيىكتىگى 4 مەتر, سالماعى 1,5 توننا. 3,5 مەترلىك تۇعىرعا ورناتىلعان. ياعني جالپى بيىكتىگى 7,5 مەتردى قۇرايدى.
تۇركستان وبلىسى
