«سپراۆەدليۆايا روسسيا» پارتياسىنىڭ توراعاسى سەرگەي ميرونوۆ ءتورتىنشى مارتە ۇيلەندى. بۇل جولى ەسەرلەر ليدەرىنىڭ تاڭداعانى سانكت-پەتەربۋرگتىڭ 29 جاستاعى ءجۋرناليسى ولگا راديەۆسكايا بولدى. بۇل تۋرالى يتار-تاسس حابارلادى.
Lifenews بايانداعانداي, 60 جاستاعى ساياساتكەر بولاشاق جۇبايىن ايتارلىقتاي ءبىرازدان بەرى بىلەدى ەكەن. الايدا, ولار ءبىر-بىرىمەن قارىم-قاتىناستارىن قازىر عانا زاڭداستىرۋعا شەشىم قابىلداپتى. ال ۇيلەنۋ تۋرالى ۇسىنىسىن ميرونوۆ ەرەكشە ەتىپ جەتكىزىپتى. «ول وليانىڭ تەرەزەسىنىڭ الدىنا ءوزىنىڭ سۇيەتىنىن جانە ۇيلەنگىسى كەلەتىنىن بىلدىرگەن شاعىن پلاكات ءىلىپ قويدى. ولەچكا بىردەن جاۋاپ بەرگەن جوق. 24 قازاندا عانا «ءيا» دەپ جاۋاپ قايتاردى», -دەستى ساياساتكەردىڭ جاس ايەلىنىڭ قۇربىلارى.
سالتاناتتى ءراسىم سولتۇستىك استاناداعى اعىلشىن جاعالاۋىندا ورنالاسقان №1 نەكە سارايىندا ءوتتى. «وليانىڭ ۇستىندە كورنەكتى شلەيفى بار كەرەمەت اق كويلەك بولدى. قالىڭدىق سونداي-اق ەجەلگى ورىس كنياجنالارى سەكىلدى قالپاق كيىپ الدى», - دەدى مەكەمە قىزمەتكەرلەرى.
تويدىڭ ءوزى تۋرالى ەشتەڭە ايتىلمايدى. الايدا, جاس جۇبايلاردىڭ شەت ەلگە ۇيلەنۋ ساياحاتىن جاساپ قايتقاندارى دا بەلگىلى. تەك قايدا بولعاندارىن ايتپايدى. وسىعان وراي ميرونوۆ: «ءبىز ساياحاتقا بارىپ كەلىپ ۇلگەردىك. الىسقا باردىق. بىراق ناقتى قايدا ەكەنى قۇپيا. دەگەنمەن, ونىڭ ىستىق ەلدەردىڭ ءبىرى بولماعانىن ايتا الامىن», - دەدى.
يۆان اتتى ۇلى بار راديەۆسكايا تويدان كەيىن جۇمىسىنان شىعاپ, سانكت-پەتەربۋرگتەن ماسكەۋگە كوشىپ كەلدى. «ولگا جاڭا جۇمىس ىزدەۋ ۇستىندە ءجۇر, وعان پيتەردەگى جۋرناليستىك قىزمەتىن تاستاۋعا تۋرا كەلدى», - دەپ ءتۇسىندىردى ەسەرلەر ليدەرى.
بۇل سەرگەي ميرونوۆ ءۇشىن ءتورتىنشى نەكە بولىپ وتىر. ءبىرىنشى رەت ول لەنينگراد تاۋ-كەن ينستيتۋتىندا وقىپ جۇرگەن ستۋدەنت كەزىندە ۇيلەنگەن. تاڭداۋى ەلەنا ەسىمدى ەكسكۋرسوۆەد-اۋدارماشىعا ءتۇستى. بۇل وداقتان ياروسلاۆ دەگەن ۇلى تۋدى. ول ەكىنشى رەت وزىمەن بىرگە موڭعوليا مەن ەكاتەرينبۋرگتە جۇمىس ىستەگەن گەولوگ ليۋبوۆپەن باس قوستى. ودان يرينا اتتى قىزى دۇنيەگە كەلدى. ءۇشىنشى رەتىندە ميرونوۆ 2004 جىلى نەكەگە تۇردى. ول ءوزىنىڭ حتشىسى يرينامەن ارا-قاتىناسىن زاڭداستىردى.
ساكەن مايلىباي.
