ۇستىمىزدەگى جىلعى 12 قاراشا كۇنى گەرمانيادا 2010 جىلدىڭ جازىنان 2012 جىلعى اقپانعا دەيىن ەلدىڭ پرەزيدەنتى بولعان كريستيان ءۆۋلفتىڭ ءىسى بويىنشا سوت وتىرىسى باستالدى. بۇل تۋرالى يتار-تاسس حابارلادى.
جوعارى مەملەكەتتىك لاۋازىمدا ەكى جىلدان استام ۋاقىت وتىرعان تۇلعاعا 2003-2010 جىلدارى تومەنگى ساكسونيافەدەرالدى جەرىنىڭ پرەمەر-ءمينيسترى بولعان كەزىندە قىزمەتتىك لاۋازىمىن جەكە مۇددەسىنە پايدالاندى دەگەن ايىپ تاعىلىپ وتىر. پروكۋراتۋرا مۇنى ەكس-پرەزيدەنت پەن ونىڭ دوسى – بيزنەسمەن جانە كينوپروديۋسەر داۆيد گريونوۆولد اراسىنداعى بايلانىستا زاڭ تالاپتارىن بۇزۋشىلىق بار دەپ ەسەپتەيدى. ايىپتاۋدىڭ بولجامى بويىنشا كاسىپكەر 2008 جىلى باۆاريا استاناسىنا «وكتوبەرفەست» سىرا فەستيۆالىنە قاتىسۋعا كەلگەن ۆۋلف پەن ونىڭ سول كەزدەگى ءايلى بەتتينانىڭ ميۋنحەن مەيمانحاناسىنداعى ءنومىرى ءۇشىن 510 ەۋرو اقشا تولەگەن. بۇدان باسقا, جۇبايلاردى قۇنى 209 ەۋرو تۇراتىن كەشكى اسپەن سىيلاعان. ال فەستيۆال اياقتالعان كۇننىڭ تۋرا ەرتەسىنە گريونوۆولدتان ۆۋلفتىڭ اتىنا حات كەلىپ, وندا ءوزىنىڭ جوبالارىنىڭ بىرىنە قولداۋ كورسەتۋدى وتىنگەن. ارادا 2,5 اي وتكەندە پرەمەر-مينيستر سول ءوتىنىشتى ورىنداعان. ايىپتاۋشى جاق وسى ەكى فاكتىنىڭ قورىتىندىدا ءۆۋلفتىڭ ءوز اكىمشىلىك رەسۋرستارىن گريونوۆولد ءوتىنىشىن ورىنداۋعا تىكەلەي قاتىسى بار دەپ ەسەپتەيدى. بۇل ىسكە, ايتقانداي, كاسىپكەردىڭ ءوزى دە لاۋازىمدى تۇلعانى ساتىپ العان ادام رەتىندە تارتىلىپ جاتىر.
ءىس سول كەزدە ۆۋلف پرەمەر-ءمينيسترى بولعان تومەنگى ساكسونيانىڭ فەدەرالدى جەرىنىڭ استاناسى – گاننوۆەر قالالىق سوتىندا قارالۋدا. «پروتسەستىڭ شەڭبەرىندە 22 وتىرىس وتكىزۋ جوسپارلانعان. ول روجدەستۆولىق جانە جاڭاجىلدىق مەرەكەلەردەن باسقا كۇندەرى اپتاسىنا ەكى رەتتەن ءوتىپ تۇرماق. ۆەرديكت شاشامەن كەلەسى جىلدىڭ مامىر ايىندا شىعارىلادى», - دەدى يتار-تاسس تىلشىسىنە سوتتىڭ ءباسپاسوز قىزمەتىنەن.
ءبارى 2011 جىلدىڭ جەلتوقسانىندا Bild گازەتىندە پرەزيدەنت پەن ايەلىنىڭ 2008 جىلى ءۆۋلفتىڭ جاقىن دوسى كاسىپكەر ەگون گەركەنستىڭ ايەلىنەن ءۇي ساتىپ الۋ ءۇشىن 500 مىڭ ەۋرو كولەمىندەگى جەڭىلدەتىلگەن كۇدىكتى نەسيە الۋى تۋرالى ماقالا جازىلعانىنان باستالدى. 2012 جىلدىڭ باسىندا-اق ۆۋلف وسى كرەديت تۋرالى Bild-تە ماقالا جاريالانعالى جاتقانىن ءبىلدى. ال ماتەريال جارىققا شىعاردان ءبىر كۇن بۇرىن ول باس رەداكتوردىڭ تابلويدىنىڭ اۆتوجاۋابىنا حابارلاما قالدىرىپ, ەگەر زامەتكا شىعا قالسا, Axel Springer باسپاسىمەن بارلىق بايلانىسىن ۇزەتىنىن ايتىپ قورقىتقان. بۇدان كەيىن ۆۋلف باسپا باسشىسى ماتياس ديوپفنەرمەن دە, اكتسيونەرلىك باسپا ءۇيىنىڭ ديرەكتورىمەن دە كەزدەسەدى. بىراق بۇل كەلىسسوزدەردىڭ بىردە-ءبىرى تابىسقا جەتكىزبەدى, جاريالانىم ءبارىبىر گازەت بەتىندە جارىققا شىعىپ كەتتى.
اقىرىندا كريستيان ۆۋلف 2012 جىلعى اقپان ايىندا وتستاۆكاعا كەتۋگە ءماجبۇر بولدى.
ساكەن مايلىباي.
