پارلامەنت • 22 قازان، 2020

سەناتورلار تمد پاا تۇراقتى كوميسسياسىنىڭ وتىرىسىنا قاتىستى

18 رەت كورسەتىلدى

تمد پارلامەنتارالىق اسسامبلەياسىنىڭ شتاب-پاتەرىندە اگرارلىق ساياسات، تابيعي رەسۋرستار جانە ەكولوگيا جونىندەگى كوميسسيانىڭ، سونداي-اق باقىلاۋ-بيۋدجەتتىك كوميسسيانىڭ ونلاين وتىرىستارى بولىپ، وعان سەنات دەپۋتاتتارى اقىلبەك كۇرىشباەۆ پەن ولگا پەرەپەچينا قاتىستى، دەپ حابارلايدى Egemen.kz.

اقىلبەك كۇرىشباەۆ ارىپتەستەرىمەن بىرگە  "تاۋلى ايماقتاردى دامىتۋ جانە قورعاۋ تۋرالى"، "قورشاعان ورتاعا كەلتىرىلگەن زياندى جويۋ تۋرالى"، "قورشاعان ورتانى قورعاۋ، تابيعاتتى پايدالانۋ جانە ەكولوگيالىق قاۋىپسىزدىك سالاسىنداعى مەملەكەتتىك اقپاراتتىق جۇيەلەر تۋرالى"، "استىق تۋرالى"، "راديواكتيۆتى لاستانۋدان زارداپ شەككەن اۋماقتاردىڭ قۇقىقتىق رەجيمى تۋرالى" ۇلگى زاڭ جوبالارىن تالقىلادى.

كوميسسيا مۇشەلەرى 2020-2022 جىلدارعا ارنالعان ۇلگى زاڭ شىعارۋدىڭ ۇزاق مەرزىمدى جوسپارىنىڭ ىسكە اسۋ بارىسىن تالقىلادى. سونىمەن قاتار، مولدوۆا رەسپۋبليكاسىنىڭ اگرارلىق ساياسات، تابيعي رەسۋرستار جانە ەكولوگيا سالاسىنداعى زاڭناماسىن دامىتۋ تۋرالى جانە كوميسسيانىڭ باستاماسىمەن تمد پاا قابىلداعان ۇلگى زاڭنامالىق اكتىلەردى پايدالانۋ تۋرالى ەسەپتى تىڭدادى.

1

سەناتور ولگا پەرەپەچينا بيۋدجەتتىك-باقىلاۋ كوميسسيانىڭ وتىرىسىنا قاتىستى جانە وندا تمد پارلامەنتارالىق اسسامبلەياسىنىڭ قارجىلىق قولداۋىنا قاتىستى بىرقاتار ماسەلەلەر ءسوز بولدى. كۇن تارتىبىنە اسسامبلەيانىڭ قىزمەتىن قارجىلاندىرۋ، بيۋدجەتتى قالىپتاستىرۋ جانە ورىنداۋ ماسەلەلەرى ەنگەن بولاتىن.

كوميسسيا مۇشەلەرى تمد پاا-عا مۇشە ەلدەردە الداعى جوسپارلاۋ كەزەڭىنە ارنالعان مەملەكەتتىك بيۋدجەت تۋرالى زاڭداردىڭ قابىلدانۋى تۋرالى اقپارات الماستى. سونىمەن قاتار، وتىرىسقا قاتىسۋشىلار تمد پاا كەڭەسىنىڭ قاۋىمداستىق قىزمەتىندەگى قارجىلىق ماسەلەلەرگە قاتىستى شەشىمدەرىنىڭ جوبالارىن دايىنداۋدى ۇسىندى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار