24-25 قازاندا "حان شاتىر" سو جانىنداعى الاڭدا كەزەكتى اۋىل شارۋاشىلىعى جارمەڭكەسى وتەدى, دەپ حابارلايدى اكىمدىكتىڭ رەسمي سايتى.
وعان "ماگنۋم" ءىرى ساۋدا جەلىسى جانە قر ەت وداعىنىڭ مۇشەلەرى, سونداي-اق وڭىرلەردەن اۋىل شارۋاشىلىعى تاۋارىن وندىرۋشىلەردىڭ كوتەرمە ساۋدا جەتكىزۋشىلەرى قاتىسادى. ۇيىمداستىرۋشىلاردىڭ ايتۋىنشا, باعالار نارىقتىق باعادان 10-15% تومەن.
قاراعاندى جانە اقمولا وبلىستارىنىڭ شارۋا قوجالىقتارى جىلقى ەتىن 1900 تەڭگەدەن (قازى, جاياۋ 2100 تەڭگەدەن) ساتادى جانە ءسۇت ونىمدەرىن اكەلەدى. تۇيەتاۋىق ەتىن اقتوبە وبلىسىنىڭ شارۋا قوجالىقتارى ۇسىناتىن بولادى. “ەت وداعىنان” سيىر ەتى 1700 تەڭگەدەن ساتىلادى. پاۆلودار جانە سولتۇستىك قازاقستان وبلىستارىنىڭ تاۋار وندىرۋشىلەرى ءبىرىنشى جانە جوعارى سۇرىپتاعى ۇن, راپس جانە كۇنباعىس مايىن ۇسىناتىن بولادى. بالدى شىعىس قازاقستان جانە اقمولا وبلىستارىنىڭ ومارتاشىلارى اكەلەدى. كوكونىس ونىمدەرىن: قىرىققابات, ءسابىز, قىزىلشا, پيازدى اقمولا وبلىسىنىڭ تاۋار وندىرۋشىلەرى ساتاتىن بولادى.
اۋىل شارۋاشىلىعى جارمەڭكەسىندە وڭىرلەردەن ازىق-ت ۇلىك ونىمدەرى تىكەلەي تاۋار وندىرۋشىلەردەن دەلدالسىز ۇسىنىلاتىن بولادى, دەپ اتاپ ءوتتى ۇيىمداستىرۋشىلار. ايتا كەتەيىك, شارا بارلىق سانيتارلىق نورمالاردى ساقتاي وتىرىپ وتەدى.
