وڭىرلەردىڭ ەكونوميكالىق كارتاسىن ازىرلەۋ, "قاراپايىم زاتتار ەكونوميكاسى" جەڭىلدىكپەن نەسيەلەندىرۋ باعدارلاماسىن ىسكە اسىرۋ, جەڭىلدىكپەن نەسيەلەندىرۋدىڭ باسقا دا باعدارلامالارىنا مونيتورينگ جۇرگىزۋ جونىندەگى جۇمىس بارىسى, مەملەكەتتىك ورگانداردىڭ, "سامۇرىق-قازىنا" ۇاق" اق جانە جەر قويناۋىن پايدالانۋشىلاردىڭ ساتىپ الۋلارىنداعى جەرگىلىكتى قامتۋ ماسەلەلەرى قارالدى.
وتىرىسقا ۇكىمەت مۇشەلەرى, قر پرەزيدەنت اكىمشىلىگىنىڭ وكىلدەرى, وڭىرلەردىڭ اكىمدەرى, "سامۇرىق-قازىنا" ۇاق" اق, "اتامەكەن" ۇكپ, "بايتەرەك" ۇبح" اق, "دامۋ" كدق", "اگرارلىق نەسيە كورپوراتسياسى", قازاقستان قارجىگەرلەر قاۋىمداستىعى, وڭىرلىك كاسىپكەرلەر پالاتالارىنىڭ باسشىلارى جانە ت. ب. قاتىستى. ۇكىمەت باسشىسىنا وڭىرلەردىڭ وندىرىستىك ماماندانۋىن ايقىنداۋعا, وڭىرلەر, سالالار جانە ناقتى مەملەكەتتىك باعدارلامالار بولىنىسىندە مەملەكەتتىك قولداۋ شارالارىنىڭ تيىمدىلىگىنە تالداۋ جۇرگىزۋگە مۇمكىندىك بەرەتىن وڭىرلەردىڭ ينتەراكتيۆتى ەكونوميكالىق كارتاسىنىڭ جوباسى تانىستىرىلدى.
ينتەراكتيۆتى ەكونوميكالىق كارتا ءۇشىن بارىنشا تولىق دەرەكتەردى قوستاناي, قاراعاندى وبلىستارىنىڭ جانە شىمكەنت قالاسىنىڭ اكىمدىكتەرى ۇسىنعان, جامبىل, تۇركىستان, ماڭعىستاۋ, شىعىس قازاقستان وبلىستارى جانە نۇر-سۇلتان قالاسى ماسەلەنى جەتكىلىكتى پىسىقتاپ جاتقان جوق.
"وڭىرلەردىڭ ينتەراكتيۆتىك ەكونوميكالىق كارتاسى 2021-2025 جىلدارعا ارنالعان وڭىرلىك دامۋ باعدارلامالارىن ازىرلەۋ ءۇشىن نەگىز بولۋى ءتيىس. كەزەڭ-كەزەڭمەن دەرەكتەردى وزەكتەندىرۋدى قامتاماسىز ەتۋ قاجەت. جوبالىق كەڭسە اكىمدىكتەر مەن دامۋ ينستيتۋتتارى ءۇشىن كورسەتكىشتەردىڭ تۇپكىلىكتى تىزبەسىن ايقىنداۋى قاجەت", — دەدى ا. مامين.
اعىمداعى جىلعى 1 قازاننان باستاپ "قاراپايىم زاتتار ەكونوميكاسى" باعدارلاماسىنا تۇزەتۋلەردىڭ 6-توپتاماسى كۇشىنە ەندى, ولار ەكونوميكالىق بەلسەندىلىكتى قالپىنا كەلتىرۋدە ەلەۋلى قولداۋ كورسەتۋگە باعىتتالعان. ماسەلەن, قازاقستاننىڭ دامۋ بانكىنىڭ باعدارلاما وپەراتورى رەتىندە قوسىلۋى يمپورتتى الماستىرۋعا باعىتتالعان ينفراقۇرىلىمدىق جوبالاردى قارجىلاندىرۋعا مۇمكىندىك بەرەدى. "دامۋ" قورىنىڭ كەپىلدىكتەرىن قاراۋ جانە بەرۋ مەرزىمدەرىن 25 جۇمىس كۇنىنەن 15 جۇمىس كۇنىنە دەيىن قىسقارتۋ كوزدەلگەن. اوك سالاسىنداعى جوبالار ءۇشىن "اۋىل شارۋاشىلىعىن قارجىلاي قولداۋ قورى" اق-نىڭ 50%-دان 85%-عا دەيىنگى مولشەردە كەپىلدىك بەرۋ تەتىگى ەنگىزىلدى. اعىمداعى جىلعى 19 قازانداعى جاعداي بويىنشا "قاراپايىم زاتتار ەكونوميكاسى" جەڭىلدىكتى نەسيەلەندىرۋ باعدارلاماسى بويىنشا 603 ملرد تەڭگە سوماسىنا 2492 جوبا ماقۇلداندى, 364,5 ملرد تەڭگە سوماسىنا 2192 جوبا سۋبسيديالاندى. جاڭا جوبالاردى پىسىقتاۋ بويىنشا كوش باسىندا الماتى قالاسى, قوستاناي جانە شىعىس قازاقستان وبلىستارى, ەڭ تومەنگى كورسەتكىشتەر اقمولا, ماڭعىستاۋ جانە باتىس قازاقستان وبلىستارىندا تىركەلدى.
پرەمەر-مينيستر مەملەكەت باسشىسىنىڭ بيزنەستىڭ قارسى مىندەتتەمەلەرىنە تسيفرلىق باقىلاۋدى ەنگىزۋ جونىندەگى تاپسىرماسىنا سايكەس ءبىر اي مەرزىمدە زاڭناماعا ءتيىستى وزگەرىستەر ەنگىزۋ ماسەلەسىن پىسىقتاۋدى تاپسىردى.
"مەملەكەتتىك قولداۋ بارىنشا جوعارى ناتيجە الۋعا باعىتتالۋى ءتيىس. سوندىقتان ءبىرىنشى كەزەكتە, جۇمىسپەن قامتۋدى ساقتاۋ, سالىقتار مەن وندىرىلەتىن ءونىم كولەمىن ۇلعايتۋعا قاتىستى بيزنەستىڭ قارسى مىندەتتەمەلەرىن باقىلاۋ قاجەت", — دەدى ا. مامين.
