يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ جول اكتيۆتەرىنىڭ ۇلتتىق ساپا ورتالىعى بيىل 9 ايدا جۇرگىزىلگەن جۇمىستىڭ قورىتىندىسىن شىعاردى.
ورتالىق رەسپۋبليكالىق تاسجولدارعا قۇرالدىق مونيتورينگ جۇرگىزىپ, جاعدايىنا باعا بەرۋ باعىتىندا قىرۋار جۇمىس اتقارعان. جوسپار بويىنشا زاماناۋي تەحنيكامەن جابدىقتالعان كوشپەلى زەرتحانالار جىل سوڭىنا دەيىن رەسپۋبليكالىق اۆتوجولداردىڭ 16,5 مىڭ شاقىرىمىن تەكسەرۋى قاجەت. بۇگىندە 10 مىڭ شاقىرىمى زەرتتەلگەن. ەلىمىزدە مۇنداي اۋقىمدى جۇمىستار تاۋەلسىزدىك جىلدارىندا العاش رەت جۇرگىزىلىپ جاتىر ەكەن.
ايتا كەتۋ كەرەك, زەرتتەلگەن 10 مىڭ شاقىرىم جولدىڭ 78%-ى تەگىستىك يندەكسىنە سايكەس كەلەدى. ول جول جامىلعىسىنىڭ كۇيىن كولىك قۇرالى قوزعالىسىنىڭ بىرقالىپتىلىعىنا سايكەس سيپاتتايدى.
بۇدان بولەك, 9 ايدا ورتالىق 20 مىڭنان استام ۇلگىنى تاڭداپ, سىناپ كورگەن. ولاردىڭ 4 مىڭى نەمەسە 25%-ى نورمالارعا سايكەس كەلمەيتىنى انىقتالدى. سونداي-اق 7,5 مىڭ زاڭبۇزۋشىلىق بەلگىلى بولعان. انىقتالعان ولقىلىقتاردىڭ 88%-ى مەردىگەر ۇيىمدارمەن تۇزەتىلدى.
