ەكونوميكا • 22 قازان، 2020

«قازاقستان تەمىر جولى» ءوتىنىمى بويىنشا جاريا تىڭداۋ ءوتتى

124 رەت كورسەتىلدى

ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتى «قازاقستان تەمىر جولى» ۇك» اق 2021-2025 جىلدارعى ارنالعان ماگيسترالدىق تەمىرجول جەلىلەرى، باسە­كەلەس كىرمە جول بولماعان كەزدە كىرمە جولدار جانە ەلەكتر ەنەرگياسىن بەرۋ سالالارىنداعى رەتتەلىپ كورسەتىلگەن قىزمەتتەرىنە تاريفتەردى جانە تاريفتىك سمەتالاردى بەكىتۋگە بەرگەن وتىنىمدەرىن قاراۋ بويىنشا جاريا تىڭداۋلار وتكىزدى.

جاريا تىڭداۋعا ەنەرگەتيكا، سونداي-اق يندۋستريا جانە ينف­را­قۇرىلىمدىق دامۋ مي­نيستر­لىكتەرى، «اتامەكەن» ۇكپ، سالالىق قاۋىمداستىقتار وكىل­دەرى مەن «قازاقستان تەمىر جولى» ۇك» اق تۇتىنۋشىلارى قاتىستى.

جاريا تىڭداۋ كوميتەت توراعا­سى اسان دارباەۆتىڭ توراعا­لى­عى­مەن ءوتتى. ول بارلىق قا­تىسۋ­شى­­لار­دى جا­ريا تىڭ­داۋ­دى وتكىزۋ تارتىبى­مەن تانىس­تىر­­دى، سونداي-اق «قازاقستان تە­مىر جولى» ۇك» اق تاريفتەرى، تاريف­تىك سمەتالارى جوبالارىنا ءوز ۇسى­ن­ىس­تارى مەن ەسكەرتۋلەرىن بەل­سەن­دى تۇردە ايتۋ قاجەتتىگىن جەتكىزدى.

ەلوردادا كارانتيندىك شارا­لاردىڭ كۇشەيۋىنە بايلانىستى، جاريا تىڭداۋ كوميتەتتىڭ Face­book-تەگى رەسمي پاراقشاسى جانە ZOOM پلاتفورماسى ار­قى­لى كورسەتىلدى. وندا ءاربىر ادام ناقتى ۋاقىت رەجىمىندە سۋبەك­تىنىڭ ءوتىنىمى بويىنشا سۇراق قويۋعا مۇمكىندىك الدى. جاريا تىڭداۋدا «قازاقستان تەمىر جولى» ۇك» اق باسقارما توراعاسىنىڭ ورىنباسارى داير كوشەروۆ سپيكەر بولدى. «قازاقستان تەمىر جولى» ۇك» اق وكىلى ءوز سوزىندە «تابيعي مونوپوليالار تۋرالى» قازاقستان رەسپ­ۋبليكاسىنىڭ زاڭىنا ساي­كەس ماگيسترالدىق تەمىرجول جەلىلەرى، باسەكەلەس كىرمە جول بولماعان كەزدە كىرمە جولدار جانە ەلەكتر ەنەرگياسىن بەرۋ سالالارىنداعى رەتتەلىپ كورسە­تىلەتىن قىزمەتتەرىنىڭ تاريف­تەرى 5 جىلعا بەكىتىلەتىندىگىن ايتتى.

«قازاقستان تەمىر جولى» ۇك» اق 2016-2020 جىلدارعا ار­نالعان ماگيسترالدىق تەمىر­جول جەلىلەرى، باسەكەلەس كىرمە جول بولماعان كەزدە كىرمە جولدار جانە ەلەكتر ەنەرگياسىن بەرۋ سالالارىنداعى رەت­تەلىپ كورسەتىلەتىن قىزمەتتەرىنىڭ قول­دانىستاعى تاريفتەرى بەكى­تىلدى. ونىڭ قولدانىلۋ كەزەڭى­نىڭ اياقتالۋىنا بايلانىستى «قازاقستان تەمىر جولى» ۇك» اق 2021-2025 جىلدارعا ارنال­عان ماگيسترالدىق تەمىرجول جەلىلەرى، باسەكەلەس كىرمە جول بول­ماعان كەزدە كىرمە جولدار جانە ەلەكتر ەنەرگياسىن بەرۋ سالالارىنداعى رەتتەلىپ كورس­ە­تى­لەتىن قىزمەتتەرىنە جاڭا تاريف­تەردى جانە تاريفتىك سمەتالار­دى بەكىتۋگە تابيعي مونوپوليالاردى رەتتەۋ كوميتەتىنە ءوتىنىم بەردى»، دەدى د.كوشەروۆ.

سونىمەن قاتار، جاريا تىڭ­داۋدىڭ قاتىسۋشىلارى، ونىڭ ىشىندە باق وكىلدەرى سۋبەك­تىنىڭ تاريفتەرى مەن تاريف­تىك سمە­تالارىنىڭ جوبالارى­نا قاتىس­تى ساۋالدار قويدى.

قورىتىندىلاي كەلە، كوميتەت باسشىسى بۇل تالقىلاۋعا ۇسىنىلعان تەك جوبا عانا ەكەنىن، تۇپكىلىكتى شەشىم «قازاقستان تەمىر جولى» ۇك» اق ءوتىنىمىن تابيعي مونوپوليالار تۋرالى زاڭ­نامادا بەلگىلەنگەن مەرزىم­دە جانە تارتىپپەن قاراۋ قورى­تىن­دىسى بويىنشا ناقتى شەشىم قابىل­داناتىنىن اتاپ ءوتتى. «ايتا كەتۋ كەرەك، كوميتەت ءاردايىم جاريا تىڭداۋدىڭ قاتىسۋشىلارىنىڭ پىكىرل­ەرىن ەسكەرەدى جانە تۇپكى­لىكتى شەشىم قابىلداعان كەزدە تۇ­تىنۋ­شىلار مەن سۋبەكت اراسىن­داعى مۇد­دەلەر تەپە-تەڭدىگىن ساق­تاۋعا تىرىسادى»، دەدى ول.

سوڭعى جاڭالىقتار

ۇقساس جاڭالىقتار