ايماقتار • 21 قازان، 2020

جامبىل وبلىسىندا كەن يگەرۋ كومبيناتى سالىنادى

285 رەت كورسەتىلدى

كەلەسى جىلى جامبىل وبلىسىندا تاۋ-كەن مەتاللۋرگيا كومبيناتىنىڭ قۇرىلىسى باستالادى. اتالعان كاسىپورىندى سالۋ جانە التىن كەن ورىندارىن يگەرۋ جونىندەگى جوبانى ىسكە اسىرۋدى تالقىلاۋ ءۇشىن وبلىس اكىمى بەردىبەك ساپارباەۆ "Monterra Qasaqstan" جاۋاپكەرشىلىگى شەكتەۋلى سەرىكتەستىگىنىڭ باسشىلارىمەن كەزدەستى. 2015 جىلى قۇرىلعان اتالعان كومپانيا "Monterra Group AG" نەمىس ينۆەستيتسيالىق كومپانياسىنىڭ ەنشىلەس مەكەمەسى بولىپ تابىلادى.

بۇل كومپانيا مەن جامبىل وبلىسىنىڭ اكىمدىگى اراسىندا 2016 جىلى تاۋ-كەن مەتاللۋرگيا كومبيناتىن سالۋ تۋرالى مەموراندۋمعا قول قويىلعان. سول جىلى قاراتاس-مايبۇلاق الاڭىندا التىن مەن ىلەسپە كومپونەنتتەردى بارلاۋعا كەلىسىمشارت جاسالعان. بۇگىنگى تاڭدا قورداي اۋدانىندا كومبينات قۇرىلىسىنا ارنايى جەر تەلىمى بولىنگەن. جوبا جامبىل وبلىسىنىڭ «يندۋستريالاندىرۋ كارتاسىنا» دا ەنگىزىلگەن. ينۆەستيتسيانىڭ جالپى كولەمى 600 ميلليون ەۋرونى قۇرايدى. كەزدەسۋدە «Monterra Qasaqstan» كاسىپورنى باقىلاۋ كەڭەسىنىڭ توراعاسى يوگانن شتول التىن ءوندىرۋدىڭ بىرەگەي تەحنولوگياسى قولدانىلاتىنىن اتاپ ءوتتى. ءوزى دە قورداي اۋدانىنىڭ تۋماسى بولعاندىقتان، جەرلەستەرى ءۇشىن تۇراقتى جانە جالاقىسى جوعارى جۇمىس ۇسىنىپ، دامىعان ءوندىرىستى جولعا قويعىسى كەلەتىنىن جەتكىزدى. قازىرگى ۋاقىتتا كومپانيا گەولوگيالىق بارلاۋ جۇمىستارىن جۇرگىزۋدە جانە نىسانداردى ونەركاسىپتىك يگەرۋگە دايىنداۋدا.

ال، «Monterra Qasaqstan» كاسىپورنىنىڭ باس ديرەكتورى مەرۋەرت دانباەۆا تاۋ-كەن مەتاللۋرگيا كومبيناتىنىڭ قۇرىلىسى 2021 جىلى باستالاتىنىن ايتتى. سونىمەن قاتار، اتالعان نىساندى 2023 جىلى پايدالانۋعا بەرۋ جوسپارلانۋدا ەكەن. سودان كەيىن وڭىردە التىن ءوندىرۋ جۇمىستارى جۇزەگە اساتىن بولادى. كومپانيا 1900 ادامدى تۇراقتى جۇمىسپەن قامتاماسىز ەتە الادى. جاڭا كومبيناتتا دورە، ياعني التىن-كۇمىس قورىتپاسى وندىرىلەدى. ءوندىرىس باستالعاننان كەيىن «Monterra Qasaqstan» 5  تونناعا دەيىن التىن ءوندىرۋدى، سودان كەيىن بىرتىندەپ قۋاتتىلىقتى ارتتىرۋدى جوسپارلاپ وتىر. كومپانيا اۋداننىڭ ينفراقۇرىلىمىن دامىتۋعا دا ينۆەستيتسيا سالادى.

بەردىبەك ساپارباەۆ بۇل باعىتتا ودان ءارى جۇمىس جالعاساتىنىن، مەملەكەت ينۆەستورلاردى قولداۋعا ءاردايىم دايىن ەكەنىن، قورداي اۋدانىنداعى اۋىلداردىڭ الەۋمەتتىك ماسەلەلەرىن شەشۋگە جاردەمدەسۋ قاجەتتىگىن اتاپ ءوتتى. سونداي-اق، اكىم ناقتى ناتيجەلەر قاجەت ەكەنىن، ەكولوگيا، كادرلاردى دايىنداۋ ماسەلەلەرىنە ەرەكشە نازار اۋدارۋ كەرەكتىگىن جەتكىزدى. بەردىبەك ساپارباەۆ ء«بىز ينۆەستورلاردان جەرگىلىكتى تۇرعىنداردى جۇمىسقا الۋدى سۇرايمىز. اۋىل تۇرعىندارى قازىردىڭ وزىندە ارنايى وقۋدان ءوتىپ، قۇرىلىس اياقتالعاننان كەيىن بىردەن جۇمىسقا كىرىسۋى ءتيىس»، دەي كەلە ءوزىنىڭ ورىنباسارى الماس ماديەۆكە ينۆەستيتسيالىق جوبانى ىسكە اسىرۋ بويىنشا «جول كارتاسىن» ازىرلەۋدى تاپسىردى.

 

جامبىل وبلىسى

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار