قازاقستان • 21 قازان، 2020

26 قازاننان باستاپ قاي ەلدەرگە اۋە رەيستەرى قىسقارادى؟

41 رەت كورسەتىلدى

26 قازاننان باستاپ قاي ەلدەرگە اۋە رەيستەرى قىسقارادى؟ بۇل تۋرالى ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا دەنساۋلىق ساقتاۋ ۆيتسە-ءمينيسترى اجار عينيات ايتىپ ءوتتى، دەپ حابارلايدى Egemen.kz

"سونداي-اق الەمدەگى ەپيدەميالىق احۋالدىڭ ناشارلاۋىنا بايلانىستى ۆەدومستۆوارالىق كوميسسيا شەكاراداعى باقىلاۋدى قوسىمشا كۇشەيتۋ تۋرالى ۇسىنىستى ماقۇلدادى. 26 قازاننان باستاپ مىنا ەلدەرگە اۋە رەيستەرىنىڭ سانى قىسقارتىلادى: ۋكراينا، ءباا، گەرمانيا، بەلارۋس، تۇركيا. قازاقستان رەسپۋبليكاسىنا كەلەتىن ازاماتتاردىڭ مىندەتتى تۇردە تاپسىرىلعانىنا 72 ساعاتتان اسپاعان پتر-تەست انىقتاماسى بولۋى قاجەت. ەگەر انىقتاماسى بولماسا، قازاقستاندىقتار ەكى تاۋلىككە كارانتيندىك ستاتسيونارعا جاتقىزىلادى. شەتەلدىك ازاماتتار ەلىنە قايتادان دەپارتاتسيالانادى"، دەدى اجار عينيات.

ۆيتسە-ءمينيستردىڭ مالىمەتىنشە، وڭىرلەردەگى ەپيدەميالىق جاعدايدى ەسكەرە وتىرىپ، 12 ءوڭىردىڭ – نۇر-سۇلتان، الماتى قالالارىنىڭ ، سقو، بقو، اقمولا، ماڭعىستاۋ، الماتى، پاۆلودار، قوستاناي، شقو، قاراعاندى، جامبىل وبلىستارىنىڭ اكىمدىكتەرى كارانتين شارالارىن كۇشەيتۋ تۋرالى شەشىم قابىلدادى.

"پتر-تەست تاپسىرعاندار قاتارىنىڭ كوبەيۋىنە بايلانىستى COVID-19-عا شالدىققاندار سانى ارتۋدا. قازىرگى ۋاقىتتا زەرتحانالار تاۋلىگىنە 55 مىڭعا جۋىق تەست جاساي الادى. ەلىمىزدە 13 355 ينفەكتسيالىق توسەك-ورىن بار. ونىڭ 16 پايىزىندا بۇگىندە ناۋقاستار جاتىر – 2 مىڭنان استام. سونداي-اق 6 841 كارانتيندىك توسەك-ورىن دايىنداپ قويدىق. ونىڭ 8 پايىزىندا عانا پاتسيەنتتەر بار، 600-گە جۋىق ادام. قوسىمشا 3 335 كەرۋەت جاڭا ينفەكتسيالىق اۋرۋحانالاردا ىسكە قوسىلادى"، دەيدى اجار عينيات.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار