كەشە پرەمەر-مينيستر سەرىك احمەتوۆ «تەڭىزشەۆرويل» جشس باس ديرەكتورىنىڭ مىندەتىن اتقارۋشى برەد ميدلتوندى قابىلدادى. كەزدەسۋ ناتيجەسىندە تەڭىزشەۆرويلدى كەڭەيتۋ كەلەشەگى جوباسى بويىنشا ءوزارا تۇسىنىستىك تۋرالى مەموراندۋمعا قول قويىلدى.
كەشە پرەمەر-مينيستر سەرىك احمەتوۆ «تەڭىزشەۆرويل» جشس باس ديرەكتورىنىڭ مىندەتىن اتقارۋشى برەد ميدلتوندى قابىلدادى. كەزدەسۋ ناتيجەسىندە تەڭىزشەۆرويلدى كەڭەيتۋ كەلەشەگى جوباسى بويىنشا ءوزارا تۇسىنىستىك تۋرالى مەموراندۋمعا قول قويىلدى.
س.احمەتوۆتىڭ ايتۋىنشا, بۇل مەموراندۋم ەلىمىزدە تەڭىز كەن ورنىن دامىتۋعا وتە جاقسى سەرپىن بەرەدى. ەڭ ماڭىزدىسى, جاڭا جۇمىس ورىندارىن قۇرۋعا, قازاقستاندا يندۋستريانى, ونەركاسىپتى جانە ماشينا جاساۋدى دامىتۋعا مۇمكىندىك اشپاق.
قابىلداۋ بارىسىندا نەگىزىنەن قازاقستاننىڭ «تەڭىزشەۆرويل» كومپانياسىمەن ىنتىماقتاستىعى پەرسپەكتيۆالارى تالقىلاندى, سونداي-اق, تشو-نىڭ بولاشاق كەڭەيتۋ جوباسىن جۇزەگە اسىرۋ ماسەلەلەرى قارالدى.
پرەمەر-مينيستر س.احمەتوۆ ءوز كەزەگىندە «قازاقستان ۇكىمەتى تشو-مەن تىعىز ىنتىماقتاستىققا دايىن», دەپ اتاپ ءوتتى. ال ب.ميدلتون مەموراندۋمنىڭ ماڭىزدىلىعىن ايتىپ, مەموراندۋمدى جۇزەگە اسىرۋعا ولار دا ءازىر ەكەندىگىن جەتكىزدى.
قازاقستان ۇكىمەتى مەن «تەڭىزشەۆرويل» جشس اراسىنداعى تەڭىزشەۆرويل جاۋاپكەرشىلىگى شەكتەۋلى سەرىكتەستىگىن كەڭەيتۋ كەلەشەگى جوباسى جانە ۇڭعىمانىڭ قىسىمىن باسقارۋ جوباسىن جۇزەگە اسىرۋ ارقىلى قازاقستانعا ينۆەستيتسيالار تارتۋعا, مامانداردى وقىتۋعا جانە دايارلاۋعا, سونداي-اق, جۇمىسپەن قامتۋعا جاردەمدەسۋ ماقساتىنداعى ىنتىماقتاستىق جايلى ءوزارا تۇسىنىستىك تۋرالى مەموراندۋمعا مۇناي جانە گاز ءمينيسترى ۇزاقباي قارابالين جانە تشو باس ديرەكتورىنىڭ مىندەتىن اتقارۋشى برەد ميدلتون قول قويدى. قۇجاتقا قول قويۋ راسىمىنەن سوڭ تاراپتار شاعىن ءباسپاسوز ءماسليحاتىنا شىقتى.
ءوز كەزەگىندە ۇ.قارابالين «تەڭىزدە وندىرىستىك قۋاتتىلىق ارتتىرىلىپ, مۇناي شىعارۋ جىلىنا 26 ملن. توننادان 38 ملن. تونناعا دەيىن وسەدى دەپ بولجاپ وتىرمىز. بۇل قازاقستان رەسپۋبليكاسى مەن سەرىكتەستەر ءۇشىن سايكەس ەكونوميكالىق پايدامەن ايتارلىقتاي ءوسۋ بولىپ تابىلادى», دەپ اتاپ ءوتتى. سونىمەن قاتار, مەموراندۋم قازاقستاندىق مازمۇندى ايتارلىقتاي ارتتىرۋ بويىنشا ءوزارا كەلىسىمدى قاراستىراتىنىن ايتتى.
«اتالعان نىساندى سالۋ كەزەڭىندە قوسىمشا 20 مىڭ جاڭا جۇمىس ورنى قۇرىلادى. مەتالل قۇرىلىمدارىن ازىرلەۋ بويىنشا وتاندىق كاسىپورىندار ءۇشىن تاپسىرىستاردى ارتتىرۋعا باسا كوڭىل بولىنگەن», دەپ ءتۇسىندىردى ول. بۇدان وزگە, اتىراۋدا سالىنىپ جاتقان مۇناي-حيميا كەشەنىن شيكىزاتتىڭ قاجەتتى مولشەرىمەن قولايلى باعامەن قامتاماسىز ەتۋ تۋرالى ۋاعدالاستىققا قول جەتكىزىلدى. 550 مىڭ توننا پروپان, 380 مىڭ توننا بۋتان ءوندىرۋ جايلى ءسوز قوزعالۋدا, دەدى.
ءمينيستردىڭ مالىمەتىنشە, تەڭىزشەۆرويلدى كەڭەيتۋ كەلەشەگى جوباسى بۇگىندە ەسكيزدىك جوبالاۋ ساتىسىندا, ونى بەكىتۋ 2014 جىلدىڭ باسىنا جوسپارلانعان.
دينارا بىتىكوۆا,
«ەگەمەن قازاقستان».
