ءانۋار احمەتجانوۆ 1975 جىلى قاراعاندى قالاسىندا دۇنيەگە كەلگەن. 1996 جىلى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن, 2000 جىلى دجونس حوپكينس ۋنيۆەرسيتەتىن بىتىرگەن. ەڭبەك جولىن 1996 جىلى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ەكونوميكا جانە سىرتقى ەكونوميكالىق قىزمەت كافەدراسىنىڭ وقىتۋشىسى بولىپ باستاعان.
ءار جىلدارى "قازاقويل" ۇمك" جاق, "قازمۇنايتەڭىز" تمك جاق, "سامۇرىق" مەملەكەتتىك اكتيۆتەردى باسقارۋ جونىندەگى قازاقستاندىق حولدينگى" اق, "قازمۇنايگاز" ۇك اق, "قازگەرمۇناي" بك جشس جۇمىس ىستەدى.
2012-2016 جج. قاراعاندى وبلىسى اكىمىنىڭ ورىنباسارى قىزمەتىن اتقاردى.
2016 جىلى پرەزيدەنت اكىمشىلىگىنىڭ مەملەكەتتىك باقىلاۋ جانە وڭىرلىك ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى بولدى.
2016-2019 جج. — قورعانىس جانە اەروعارىش ونەركاسىبى مينيسترلىگىنىڭ جاۋاپتى حاتشىسى.
2019 ج. — تسيفرلىق دامۋ, قورعانىس جانە اەروعارىش ونەركاسىبى مينيسترلىگىنىڭ جاۋاپتى حاتشىسى.
2019 جىلدىڭ تامىز ايىنان باستاپ قازىرگە دەيىن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ جاۋاپتى حاتشىسى قىزمەتىن اتقاردى.
