ادديس-ابەبا قالاسىندا (ەفيوپيا) ەلىمىزدىڭ ەگيپەتتەگى ەلشىسى بەرىك ارىننىڭ افريكا وداعى كوميسسياسىنىڭ توراعاسى نكوسازانا دلاميني زۋما حانىممەن كەزدەسۋى ءوتتى. ونىڭ بارىسىندا قازاقستان سىرتقى ىستەر ءمينيسترى ە.ىدىرىسوۆتىڭ ەلشى ب.ارىندى قازاقستاننىڭ افرووداقتاعى تۇراقتى وكىلى لاۋازىمىنا تاعايىنداۋ جونىندەگى حاتى تابىس ەتىلدى.
ادديس-ابەبا قالاسىندا (ەفيوپيا) ەلىمىزدىڭ ەگيپەتتەگى ەلشىسى بەرىك ارىننىڭ افريكا وداعى كوميسسياسىنىڭ توراعاسى نكوسازانا دلاميني زۋما حانىممەن كەزدەسۋى ءوتتى. ونىڭ بارىسىندا قازاقستان سىرتقى ىستەر ءمينيسترى ە.ىدىرىسوۆتىڭ ەلشى ب.ارىندى قازاقستاننىڭ افرووداقتاعى تۇراقتى وكىلى لاۋازىمىنا تاعايىنداۋ جونىندەگى حاتى تابىس ەتىلدى.
سونىمەن قاتار, افرووداقتىڭ رەگلامەنتىنە سايكەس, ەلشىنىڭ تىركەلۋىنە وراي قازاقستان اتالمىش بەدەلدى حالىقارالىق ۇيىمدا باقىلاۋشى مارتەبەسىنە قول جەتكىزدى. ەلىمىزدىڭ ءتيىستى ءوتىنىمى او كوميسسياسىنا ۇستىمىزدەگى جىلعى مامىر ايىندا جولدانعان بولاتىن.
بۇگىنگى تاڭدا افريكا وداعى قۇرلىقتاعى 54 مەملەكەتتى بىرىكتىرەدى. تاريحي تۇرعىدان العاندا, بۇل ۇيىم 1963 جىلعى مامىر ايىندا نەگىزى قالانعان افريكا بىرلىگى ۇيىمىنىڭ مۇراگەرى بولىپ سانالادى. ول 2002 جىلعى 9 شىلدەدەن باستاپ افريكا وداعى دەپ اتالادى.
70-تەن استام مەملەكەت پەن حالىقارالىق ۇيىم افريكا وداعىندا باقىلاۋشى مارتەبەسىنە يە. ولاردىڭ قاتارىندا رەسەي, اقش, قىتاي جانە جاپونيا, سونداي-اق, ەۋروپالىق وداق, بۇۇ بالالار قورى (يۋنيسەف), حالىقارالىق قىزىل كرەست كوميتەتى جانە ت.ب. بار.
بيىلعى جىلى افريكا وداعى ءوزىنىڭ قۇرىلعانىنا 50 جىل تولۋىن اتاپ ءوتتى. ادديس-ابەبادا مامىر ايىندا «پانافريكانيزم جانە افريكالىق قايتا ورلەۋ» ايدارىمەن وتكەن ءححى مەرەيتويلىق سامميتتە باسىم مىندەتتەر رەتىندە پانافريكانيزم, كولونياليزمنىڭ قالعان فورمالارىنا قارسى كۇرەس جانە ۇلتتىڭ ءوزىن ءوزى تانۋ قۇقىعى, ەركىن ساۋدا قۇرلىقتىق ايماقتارىن قۇرۋ ارقىلى افريكا ەكونوميكالىق قوعامداستىعىن دامىتۋدى قارقىنداتۋ, كەدەيشىلىكپەن كۇرەس, قۇرلىقتا بەيبىتشىلىك پەن قاۋىپسىزدىكتى قامتاماسىز ەتۋ ماسەلەلەرى بەلگىلەندى.
بۇل بەدەلدى ايماقتىق ينستيتۋتتا باقىلاۋشى مارتەبەسىن الۋ قازاقستانعا افريكا مەملەكەتتەرىمەن ءوزارا ءتيىمدى ساۋدا-ەكونوميكالىق بايلانىستاردى دامىتۋ جانە ەلىمىزدىڭ حالىقارالىق ارەنادا سىرتقى ساياسي باستامالارىن ىلگەرىلەتۋدە گەوگرافياسىن كەڭەيتۋ تۇرعىسىندا جاڭا مۇمكىندىكتەر اشادى.
«ەگەمەن-اقپارات».
