جاڭادان قۇرىلعان «بىرلىك» ساياسي پارتياسىنىڭ «تاۋەلسىزدىك تانىتقان تالانتتار» اتتى جوباسى بويىنشا ساۋساعىنان بال ساۋلاعان ساڭلاقتار ماراپاتتالدى.
«بىرلىك» ساياسي پارتياسىنىڭ توراعاسى سەرىك سۇلتانعالي باق وكىلدەرىمەن بولعان ءباسپاسوز ءماسليحاتىندا: «پارتيانىڭ باعدارلاماسىندا دارىندى جاستارعا ۇدايى قولداۋ كورسەتىپ وتىرۋ كوزدەلگەن. تاۋەلسىزدىك تۇسىندا دۇنيەگە كەلگەن ورەندەردىڭ شىعارماشىلىعىنا قانات ءبىتىرۋ ماقساتىندا قولعا الىنعان شارا مۇنىمەن شەكتەلمەيدى, فەستيۆال بويىندا ونەرى بار, ءوز كاسىبىن سۇيەتىن تالانتتى ۇل-قىزدارىمىزدى تۇراقتى تۇردە دەمەۋگە ارنالعان
جاڭادان قۇرىلعان «بىرلىك» ساياسي پارتياسىنىڭ «تاۋەلسىزدىك تانىتقان تالانتتار» اتتى جوباسى بويىنشا ساۋساعىنان بال ساۋلاعان ساڭلاقتار ماراپاتتالدى.
«بىرلىك» ساياسي پارتياسىنىڭ توراعاسى سەرىك سۇلتانعالي باق وكىلدەرىمەن بولعان ءباسپاسوز ءماسليحاتىندا: «پارتيانىڭ باعدارلاماسىندا دارىندى جاستارعا ۇدايى قولداۋ كورسەتىپ وتىرۋ كوزدەلگەن. تاۋەلسىزدىك تۇسىندا دۇنيەگە كەلگەن ورەندەردىڭ شىعارماشىلىعىنا قانات ءبىتىرۋ ماقساتىندا قولعا الىنعان شارا مۇنىمەن شەكتەلمەيدى, فەستيۆال بويىندا ونەرى بار, ءوز كاسىبىن سۇيەتىن تالانتتى ۇل-قىزدارىمىزدى تۇراقتى تۇردە دەمەۋگە ارنالعان. ال ەندى كەشەگى ءبىر كەزەڭدەرگە زەر سالار بولساق, قازاق ەلى اقىندار مەن باتىرلارعا, ەرەكشە دارىن يەلەرىنە ەشقاشان كەندە بولىپ كورمەگەن. الايدا, ول كەزەڭدەر مەن بۇگىنگى ەگەمەندىك العان ۋاقىتتان بەرگى قول جەتكەن تابىستاردىڭ اراسىندا اسپان مەن جەردەي ايىرماشىلىق بار. سوندىقتان ءتۇرلى سالاداعى جاڭادان ءبۇر جارىپ كەلە جاتقان جاس دارىندارعا قاي كەزدە دە قامقورلىق كورسەتە ءبىلۋدىڭ ءجونى ءوز الدىنا بولەك بولىپ سانالادى», – دەپ اتاپ ءوتتى.
«ادەبيەت», «سۋرەت ونەرى», «ءداستۇرلى ونەر», «ەرەكشە دارىن يەسى», «ۇلتتىق قولدانبالى ونەر شەبەرى جانە سپورت», سونىمەن قاتار «ماماندىعىم – ماقتانىشىم» اتالىمدارى بويىنشا جەڭىمپازداردى ماراپاتتاۋشىلار قاتارىندا پارلامەنت سەناتىنىڭ دەپۋتاتتارى نۇرلان ورازالين, اقان بيجانوۆ, «اتامەكەن وداعى» ۇلتتىق ەكونوميكالىق پالاتاسى» باسقارماسىنىڭ توراعاسى ابىلاي مىرزاحمەتوۆ, «مۇزارت» توبىنىڭ ءانشىسى ساكەن مايعازيەۆ سياقتى تاعى دا باسقا ازاماتتار بار. جاس دارىنداردىڭ شىعارماشىلىعىنا قولداۋ كورسەتۋ ماقساتىندا وتكىزىلەتىن فەستيۆالدىڭ ماقسات-مۇراتى باعدارلامادا اپ-ايقىن كورسەتىلگەن. مادەنيەت, ادەبيەت الەمىنە ۇلەسىن قوسىپ جۇرگەن جاس قالامگەرلەر مەن دراماتۋرگتەردىڭ شىعارماشىلىعىن دامىتۋ, ولارعا قولداۋ كورسەتۋ. قازىرگى زاماننىڭ ەستەتيكالىق تالابىنا ساي درامالىق شىعارمالاردىڭ جاڭا ۇلگىلەرىن تاپقان جاس قالام يەلەرى تۋىندىلارىنىڭ جارىق كورۋىنە ىقپال ەتۋ. ءداستۇرلى ونەرىمىزدى كەڭىنەن ناسيحاتتاپ, ۇلتتىق قۇندىلىقتارىمىزدى ميراس ەتۋشى جاس تالانتتاردى قولداۋ. كاسىبي-تەحنيكالىق بىلىگى جوعارى جۇمىسشى مامانداردى ىنتالاندىرۋ ماقساتىندا ولاردىڭ ىشىندەگى ۇزدىكتەرىنە ارنايى سىيلىقتار تاعايىنداۋ.
«تالانتتىعا – نۇر جاۋار» دەمەكشى, ەلىمىز تاۋەلسىزدىككە قول جەتكىزگەن جىلداردا دارىندى جاستاردى قولداۋ ماقساتىندا قانشاما مادەني شارالار ۇيىمداستىرىلىپ كەلەدى. تالاي بۇلاقتىڭ كوزىن اشقان باسەكەلى بايگەلەر تاعى بار دەگەندەي. بىراق ولاردىڭ ارا-جىگىن ايتەۋىر ءبىر وزگەشە قىرى ءبولىپ تۇرۋى كەرەك ەمەس پە؟ ياعني ينكۋباتوردىڭ بالاپانىنداي بىرىنەن ءبىرى اۋماي قالماي, ءبىرىنشىسىن ەكىنشىسى قايتالاماي, وزىندىك قولتاڭباسىمەن ەرەكشەلەنسە قانداي عانيبەت. سول سياقتى مىسالى, «تاۋەلسىزدىك تانىتقان تالانتتار» جوباسى شىعارماشىل جاستاردىڭ «شابىت» فەستيۆالىنىڭ كوشىرمەسى ەمەس. ىشىندە وزگەلەرگە قاراعاندا جاس قالامگەرلەرگە كوبىرەك كوڭىل بولىنگەنى ۇنادى. ۇزدىكتەردىڭ تىزىمىنە زەر سالساڭىز, تارازدىق قانات تىلەپبەرگەن, شىعىسقازاقستاندىق ازامات تاسقارا ۇلى, الماتىلىق الىبەك بايبول مەن الماس ءنۇسىپ, التايلىق رەتبەك ماعاز ۇلى, جامبىلدىق تابيعات ابايلداەۆ سىندى جاس اقىن-جازۋشىلارمەن تانىس بولاسىز. ولاردىڭ ءبىرازى وسىعان دەيىن دە تالاي مارتە باق سىناپ, جەڭىستىڭ ءدامىن تاتىپ ۇلگەرگەن جاندار ەكەن. مۇنى – ءبىر دەڭىز. ەكىنشىدەن, بۇرىن-سوڭدى شەبەر سلەسار, شەبەر دانەكەرلەۋشى, شەبەر وپەراتور دەگەن ماماندىقتارعا قۇرمەت كورسەتىلگەن رەسپۋبليكالىق دەڭگەيدەگى مادەني شارانى كورگەن بە ەدىڭىز. كورمەسەك, مۇنان بىلاي وسى فەستيۆالدەن كورەتىن بولامىز. ساۋساعىنان بال ساۋلاعان جانداردى قاراپايىم ەڭبەك ادامدارىنىڭ دا اراسىنان ىزدەي باستاعان فەستيۆال يدەياسى قۇپتارلىق. بۇل ورايدا اتىراۋلىق نۇرلان سۇيىرعۇلوۆتىڭ, وڭتۇستىكقازاقستاندىق نۇرداۋلەت راحىمبەكوۆتىڭ, تارازدىق يگور گوميننىڭ مەرەيى ۇستەم بولدى. ەڭبەككە دەگەن قۇرمەت سەزىمىن وياتاتىن مۇنداي يگىلىكتەر لايىم كوبەيە بەرسىن دەگەن تىلەك بىلدىرگىمىز كەلەدى.
قاراشاش توقسانباي,
«ەگەمەن قازاقستان».
سۋرەتتى تۇسىرگەن
يگور بۋرگاندينوۆ.
