وڭىردە قازاققا تانىمال بالالار اقىنى, اۋدارماشى, «باياناۋىل ءۆالسى», «قايداسىڭدار, دوستارىم؟» سەكىلدى اندەردىڭ ءسوزىن جازعان جەرلەس اقىن قابدىكارىم ىدىرىسوۆتىڭ 85 جىلدىعى اتالىپ ءوتتى.
وڭىردە قازاققا تانىمال بالالار اقىنى, اۋدارماشى, «باياناۋىل ءۆالسى», «قايداسىڭدار, دوستارىم؟» سەكىلدى اندەردىڭ ءسوزىن جازعان جەرلەس اقىن قابدىكارىم ىدىرىسوۆتىڭ 85 جىلدىعى اتالىپ ءوتتى.
اقىن اعامىز وبلىستاعى اقتوعاي اۋدانىندا تۋعان. وبلىس ورتالىعىنداعى بەيسەن احمەتوۆ اتىنداعى پەداگوگيكالىق كوللەدجىندە قابدىكارىم ىدىرىسوۆقا ارنالعان ەسكەرتكىش تاقتا اشىلدى. قازاقستان جازۋشىلار وداعى توراعاسىنىڭ ءبىرىنشى ورىنباسارى عالىم جايلىباي: اقىن ەسىمىنىڭ جاڭعىرۋى-ۇرپاعىنىڭ اقىنعا دەگەن قۇرمەتى. اعامىز جازۋشىلار وداعىنىڭ حاتشىسى, مەملەكەتتتىك كىتاپ پالاتاسىنىڭ, «جالىن» باسپاسىنىڭ ديرەكتورى سياقتى قىزمەتتەردى اتقاردى, 30-دان استام كىتابى جارىق كوردى,– دەدى ءوز سوزىندە.
اقىندى ەسكە الۋعا ارنالعان شارالار مەملەكەتتىك پەداگوگيكالىق ينستيتۋتىندا جالعاستى. وقۋ ورنىندا «قابدىكارىم مۇرالارى» اتتى عىلىمي-پراكتيكالىق كونفەرەنتسيا, «تۋعان جەر – ءتورىم ماڭگىلىك» اتتى شىعارمالار جيناعىنىڭ تۇساۋكەسەرى, «شاڭىراق» حالىق شىعارماشىلىعى ورتالىعىندا «اينالدىم, اق ەرتىسىم, انام مەنىڭ...» اتتى ادەبي كەش ءوتتى.
فاريدا بىقاي,
«ەگەمەن قازاقستان».
پاۆلودار
