تاراپتار ساۋدا-ەكونوميكالىق جانە قارجىلىق سالالارداعى ەكىجاقتى ىنتىماقتاستىقتىڭ جاعدايى مەن كەلەشەگىن تالقىلادى. قازاقستان ءمينيسترى ليحتەنشتەين تاراپىنا ليحتەنشتەيندى جەڭىلدەتىلگەن سالىق سالىناتىن يۋريسديكتسيالار تىزىمىنەن شىعارۋ تۋرالى رەسمي حابارلامانى جەتكىزدى. ليحتەنشتەين تاراپى بۇل شەشىمدى ريزاشىلىقپەن قابىلداپ, اتالعان شەشىمنىڭ ەكى ەل اراسىنداعى ىسكەرلىك بايلانىستى كەڭەيتۋدىڭ ءتيىمدى قادامدارىنىڭ بىرىنە اينالاتىنىن اتاپ ءوتتى. اتاپ ايتقاندا بۇل ليحتەنشتەيننەن قازاقستانعا تاۋارلاردى تىكەلەي جەتكىزۋدى جانە قارجى-نەسيە سالاسىنداعى ءوزارا ارەكەتتەسۋدى كۇشەيتۋگە مۇمكىندىك بەرەدى.
ب.سۇلتانوۆ ليحتەنشتەين بيزنەسىن قازاقستاننىڭ ەاەو مۇشەلىگىن جانە جاڭا جىبەك جولىنداعى نەگىزگى پوزيتسياسىن ەسكەرە وتىرىپ, قازاقستان ۇسىنعان مۇمكىندىكتەردى پايدالانۋعا شاقىردى. ىنتىماقتاستىقتى دامىتۋدىڭ كەلەشەگى ەڭ جارقىن باعىتتارىنىڭ ءبىرى رەتىندە احقو الاڭى اتالدى.
