پرەزيدەنت پارلامەنت ءماجىلىسى دەپۋتاتتارىنىڭ كەزەكتى سايلاۋىن تاعايىنداۋ تۋرالى جارلىققا قول قويدى

قازاقستان رەسپۋبليكاسى پرەزيدەنتىنىڭ جارلىعى

 قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتى سايلاۋىن تاعايىنداۋ تۋرالى

قازاقستان رەسپۋبليكاسى كونستي­تۋتسياسىنىڭ 44-بابىنىڭ 2) تار­ماقشاسىنا, «قازاقستان رەسپۋبلي­كاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 85-بابىنا سايكەس قاۋلى ەتەمىن:

1. پارتيالىق تىزىمدەر بويىنشا سايلاناتىن قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتى سايلاۋى 2021 جىلعى 10 قاڭتارعا تاعايىندالسىن.

2. قازاقستان حالقى اسسامبلەياسى سايلايتىن قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتى سايلاۋى 2021 جىلعى 11 قاڭتارعا تاعايىندالسىن.

3. قازاقستان رەسپۋبليكاسىنىڭ ورتالىق سايلاۋ كوميسسياسى قازاقستان رەسپۋبليكاسى پارلامەنتى ءماجى­لىسى دەپۋتاتتارىنىڭ كەزەكتى سايلاۋىن دايىنداۋدى جانە وتكىزۋدى ۇيىم­داس­تىرسىن.

4. قازاقستان رەسپۋبليكاسىنىڭ ۇكىمەتى, نۇر-سۇلتان, الماتى, شىمكەنت قالالارىنىڭ جانە وبلىس­تار­دىڭ اكىمدەرى قازاقستان رەسپۋب­ليكاسى پارلامەنتى ءماجىلىسى دەپۋتات­تارىنىڭ كەزەكتى سايلاۋىن ۇيىمداس­تىرۋشىلىق, ماتەريالدىق-تەح­ني­كالىق جانە قارجىلىق قامتا­ماسىز ەتۋ بويىنشا قاجەتتى شارا­لاردى قابىلداسىن.

5. وسى جارلىق جاريالانعان كۇنى­نەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ق.توقاەۆ

نۇر-سۇلتان, اقوردا, 2020 جىلعى 21 قازان

№ 439