جاڭارعان قىزىلاعاشتاعى قىرىق ءۇي

وڭىردەگى قات-قابات تىرلىك ارنالارىنىڭ قاتارىندا قىزىلاعاشتىقتاردىڭ جاعدايى باسىمدىق الۋدا. كۇن سايىن وبلىس باسشى­لارىنىڭ قاتىسۋىمەن جەدەل شتاب وتىرىسى ءوتىپ, وندا اتقارىلعان قۇرىلىس جۇمىس­تارى­نىڭ قورىتىندىسى مەن ساپاسى, جەدەلدەتۋ كۇن تارتىبىنە وتكىر قويىلىپ كەلەدى. ءناتي­جەسىن­دە قۇرىلىس جۇمىستارىنا 69 كومپانيا تارتىلىپ, 449 ءۇيدىڭ ورنى تولىق تازارتىلسا, 121 ءۇيدىڭ قابىرعالارى­ قالانعان. سونىمەن قاتار 23 ءۇيدىڭ شاتىرى كوتەرىلىپ, 10 ءۇيدىڭ توبەسى تولىق جابىلدى. قۇرىلىس جۇمىستارىندا ءۇش جارىم مىڭعا جۋىق ادام ۋاقىتپەن ساناسپاي ەڭبەك ەتۋدە. قۇرىلىس جۇمىستارىنىڭ ەكى اۋىسىمدا جالعاسۋى قاتاڭ قاداعالانعان. قىزىلاعاش اۋىلىندا ەكى بەتون زاۋىتى قالىپتى جۇمىس ىستەپ تۇر. وسىعان قوسىمشا قۇرىلىسقا تالدىقورعان قالاسىنداعى “ELD Global” جانە “تەمىربەتون” جشس-لار ۇزدىكسىز دايىن بەتون قوسپا­سىن تاسىمالداپ جەتكىزۋدە. قۋاتى قىسقا مەرزىمدە التى ميلليون كىرپىش دايىنداي­تىن “سترويتەل” سەرىكتەستىگى وسى قاجەتتىلىك­تىڭ تياناعىن كەلتىرسە, وڭىردەگى وزگە دە كىرپىش زاۋىتتارى وعان ءوز ۇلەستەرىن قوسۋدا. قۋانىشتىسى قىزىلاعاشتا جاڭادان سالىنعان العاشقى ۇيلەردىڭ قۇرىلىسى اياقتالۋعا جاقىندا­دى. سىرتى مەن ءىشى ساپالى سالىنعان, تۇرمىسقا قولايلى قاجەتتىلىكتەرمەن قام­­تىلعان ۇيلەر الىس­تان كوز تارتادى. وبلىس اكىمى سەرىك ۇمبەتوۆ قىزىلاعاش­تا 40 جاڭا ءۇي وسى ايدىڭ سوڭىندا تۇر­عىن­دار يگىلىگىنە بەرى­لەتىنىن ايتىپ وتىر. قازىرگى قۇرى­لىس جۇ­مىستارىنىڭ قارقى­نى دا وسىعان دالەل. قۇرىلىسپەن قا­تار ەلدى مەكەندى ين­جە­نەرلىك كوممۋنيكا­تسيامەن قامتاماسىز ەتۋ ماقساتىنداعى اۋىلدىڭ ءىشىن جارىقتاندىرۋعا 6 شاقىرىم­دىق ۆل-10 كۆ. ەلەكتر جەلىسى مەن 23 شاقى­رىم­دىق ۆل-04 كۆ. قۇرىلىسى اياقتالدى. سونىمەن قاتار تاسقىننان زارداپ شەككەن اقتوعان جانە ەگىنسۋ اۋىلدارىن قالپىنا كەلتىرۋ جۇمىستارى دا قاتار جالعاستى­رىلۋدا. اقتوعان اۋىلىندا “الماتىقۇرى­لىس” كومپانياسىنىڭ كۇشىمەن 9 ءۇيدىڭ ىرگەتاسى, 6 ءۇيدىڭ قابىرعاسى قالانىپ, مۇندا دا 200 ادام ەڭبەك ەتۋدە. ال, ەگىنسۋ اۋىلىن­دا جارامسىز ۇيلەردى بۇزىپ, قۇرىلىسقا جاڭا نىسانداردىڭ ورنىن دايىنداۋمەن “وبلتياجستروي” سەرىكتەس­تىگىنە قاراستى 68 قۇرىلىسشى اينالىسۋدا. “قازاقستان تەمىر جولى” اق سۋ تاس­قى­نىنان زارداپ شەككەن ەگىنسۋ ەلدى مەكە­نىندەگى جولسەرىكتەر باسپاناسىن ءوز قار­جىسى ەسەبىنەن قالپىنا كەلتىرۋدى ۇيعارىپ, مۇندا دا وتىز ءۇش ءۇي تۇرعىزىلاتىن بولدى. قىزىلاعاش اۋىلىنداعى زارداپ شەككەن تۇرعىندارعا ماتەريالدىق كومەك اۋدارۋ جۇمىسى جالعاسۋدا. وسى ۋاقىتقا دەيىن “قازپوشتا” اق-تىڭ الماتى وبلىستىق فيليالى ارقىلى 2702 ادامعا 34 ملن. 628 مىڭ تەڭگە قارجى اۋدارىلىپتى. اۋىلدى اباتتاندىرۋ مەن كوگالدان­دىرۋ­عا جاستار ۇيىمدارى بەلسەنە قاتىسىپ, سەنبىلىكتەر ۇيىمداستىرۋدا. وتكەن سەنبىدە تالدىقورعان قالاسىنداعى وقۋ ورىندارى­نىڭ 300 ستۋدەنتى كۇنى بويى قالپىنا كەلتىرۋ جۇمىستارىنا قاتىستى. ءال-فارابي اتىنداعى قازاق ۇلتتىق ۋنيۆەرسيتەتىنىڭ باستاماسىمەن “جاقىنىڭا جاردەمدەس” اكتسياسىنا قاتىسۋ­شى جۋرناليستەر قىزىل­اعاش وزەنىنىڭ شىعىس جاعىنداعى كەلەشەك­تەگى ساياباق ورنالاساتىن الاڭعا قايىڭ كوشەتتەرىن وتىرعىزدى. اۋىل تۇرعىندارى حالىقتىڭ كومەگى مەن قولداۋىنا شىن پەيىلدەن العىستارىن ايتۋدا. سۋ تاسقىنىنان زارداپ شەككەندەرگە ۇكىمەت رەزەرۆىنەن, ۇلتتىق كومپانيا­لار­دان, استانا, الماتى قالالارى مەن وبلىس­تار­دان, جەكە ازاماتتاردان, قوعامدىق جانە كوممەرتسيالىق ۇيىمداردان كومەك قارجى­سى ءالى دە كەلىپ تۇسۋدە. كەشەگى كۇنگى ءمالى­مەت بويىنشا بۇل قارجىنىڭ كولەمى 3 ملرد. تەڭگەدەن اسقان. كۇمىسجان بايجان, الماتى وبلىسى.