"الدىن الا مالىمەتتەر بويىنشا بايىرقۇم اۋىلدىق وكرۋگىندە كوكساراي كانالىنداعى اققالا اۋىلىنان 20 شاقىرىم جەردە بالىق اۋلاۋ كەزىندە شىمكەنت قالاسى قاراتاۋ اۋدانىنىڭ قاينار بۇلاعى شاعىن اۋداننىڭ تۇرعىنى 1982 جىلى تۋعان ەر ادام جابدىقتالماعان جەردە شومىلعان كەزدە سۋعا باتىپ كەتكەن", دەيدى جەرگىلىكتى تجد.
ىزدەستىرۋ جۇمىستارىن جۇرگىزۋ ءۇشىن قۇرامىندا 6 قۇتقارۋشى-سۇڭگۋىر, 1 تەحنيكا جانە 1 قايىق جۇمىلدىرىلدى. شىمكەنت قالاسى تجد جەدەل-قۇتقارۋ جاساعى 19 قازاندا ساعات 07.00-دە ىزدەستىرۋ جۇمىستارىن باستادى. كوكساراي كانالى – ەنى 100 م, تەرەڭدىگى 3 م, سۋ تەمپەراتۋراسى + 8 س.
ىزدەۋ جۇمىستارىنىڭ ناتيجەسىندە 19 قازاندا ساعات 09.04-تە سۇڭگۋىر اباي ولجاس التىنبەك ۇلى ەر ادامنىڭ ءولى دەنەسىن تاۋىپ الىپ, سۋدان شىعارعان. وقيعا ورنىنا تۇركىستان وبلىسى ارىس قالاسىنىڭ تجد, اۋداندىق پوليتسيا ءبولىمىنىڭ قىزمەتكەرلەرى دە جۇمىلدىرىلدى.
تجم قۇتقارۋشىلارى بالىق اۋلاۋ كەزىندە قاۋىپسىزدىك ەرەجەلەرىن قاتاڭ ساقتاۋ قاجەتتىگىن ەسكەرتەدى. قاۋىپتى جاعداي كەلەسى فاكتورلار بولعان كەزدە پايدا بولۋى مۇمكىن:
1.بالىق اۋلاۋ الدىندا نەمەسە ونىڭ بارىسىندا الكوگولدىك ىشىمدىكتەردى پايدالانۋ;
2.كوكتەمدە نەمەسە كۇزگى ماۋسىمدا سۋىق سۋعا شومىلۋ;
3.جۇزە الماۋ;
4.قاتتى جەل مەن تولقىندار;
5.تاۋلىكتىڭ قاراڭعى ۋاقىتى;
6. بالىقشى جاعالاۋدا نەمەسە قايىقتا جالعىز بولۋى.
ەگەر سىزگە توتەنشە جاعدايدا كومەك قاجەت بولسا نەمەسە ءسىز وقيعانىڭ كۋاگەرى بولساڭىز "101" نەمەسە "112" تەلەفوندارىنا قوڭىراۋ شالىڭىز.
