ەستەرىڭىزگە سالا كەتەيىك, الماتىدا كارانتيندىك شارالاردى ساقتاۋ ءۇشىن 26 مونيتورينگتىك توپ جۇمىس ىستەيدى, ولاردىڭ قۇرامىندا اۋداندىق اكىمدىكتەردىڭ, جەرگىلىكتى پوليتسيا قىزمەتىنىڭ قىزمەتكەرلەرى, "اتامەكەن" ۇكپ وكىلدەرى جانە تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ جونىندەگى اۋداندىق باسقارمالاردىڭ ماماندارى بار.
ج.بەكشيننىڭ ايتۋىنشا, اعىمداعى جىلعى 8-18 قازان ارالىعىندا مونيتورينگتىك توپتار كاسىپكەرلىك سۋبەكتىلەرىن تەكسەرۋ بويىنشا 1518 ءىس-شارا وتكىزدى, بۇل قوعامدىق تاماقتانۋ, ساۋدا, قىزمەت كورسەتۋ نىساندارى. تەكسەرۋ قورىتىندىسى بويىنشا 363 نىساندا بۇزۋشىلىقتار انىقتالدى, ماسكا رەجيمىن بۇزعانى ءۇشىن 79 جەكە تۇلعا اكىمشىلىك جاۋاپكەرشىلىككە تارتىلدى.
"كوروناۆيرۋس ينفەكتسياسى بويىنشا تۇراقسىز جاعدايعا قاراماستان, 50-دەن 100-گە دەيىن ادام كوپ جينالاتىن سالتاناتتى ءىس-شارالار جالعاسۋدا. 14 قوعامدىق تاماقتانۋ نىسانى انىقتالدى, وندا اكىمشىلىكپەن جانە ءىس-شارالاردى ۇيىمداستىرۋشىلارمەن ءتۇسىندىرۋ جۇمىستارى جۇرگىزىلدى, سودان كەيىن كەلۋشىلەر ول مەكەمەلەردەن كەتتى. اتالعان قوعامدىق تاماقتانۋ نىساندارى بويىنشا اكىمشىلىك شارالار قابىلداناتىن بولادى. قايتالانعان جاعدايدا اتالعان نىسانداردىڭ قىزمەتىن سوت تارتىبىمەن توقتاتۋ تۋرالى ماسەلە قويىلاتىن بولادى", دەپ اتاپ وتكەن قالانىڭ باس سانيتار دارىگەرى تۇرعىنداردى بارلىق ساقتىق شارالارىن ساقتاۋعا شاقىردى.
