بۇعان دەيىن 9 قازان كۇنى بۋلاەۆ جانە مامليۋتكا قالالارى كارانتينگە جابىلعان ەدى. 12 قازان كۇنى ولاردىڭ قاتارىنا اقجار اۋدانىنىڭ كازانسكوە, لەنينگرادسكوە ەلدى مەكەندەرى قوسىلدى. 14 قازان كۇنى شال اقىن اۋدانىنىڭ پوۆوزوچنوە, ال 16 قازان كۇنى تايىنشا اۋدانىنىڭ كيروۆ جانە چەرموشنيانكا ەلدى مەكەندەرىندە كوروناۆيرۋستىڭ تارالۋىنا بايلانىستى كارانتين كۇشەيتىلدى.
سونىمەن قاتار ەسىل اۋدانىنىڭ ياۆلەنكا, پوكروۆكا جانە چيريكوۆكا اۋىلدارىندا 17 قازاننان بەرى تۇرعىنداردىڭ ءجۇرىپ-تۇرۋى شەكتەلدى.
"اتالعان ەلدى مەكەندەردىڭ كەيبىرىنە سانيتارلىق بەكەتتەر قويىلدى. مۇنداي بەكەتتەردى قويۋ-قويماۋدى جەرگىلىكتى شتاب پەن پوليتسيا شەشەدى. اۋدانداردىڭ باس سانيتاريالىق دارىگەرلەرىنىڭ قاۋلىسى بويىنشا بەلگىلى ءبىر نىساندار جۇمىس ىستەيدى", - دەلىنگەن حابارلامادا.
ايتا كەتەيىك, سقو-دا بۇگىنگە دەيىن 4309 ادام كوروناۆيرۋس جۇقتىردى, 4024 ناۋقاس جازىلىپ شىقتى, 25-ءى قايتىس بولدى.
