قوعام • 20 قازان، 2020

مەملەكەتتىك كورسەتىلەتىن قىزمەتتەر جونىندەگى كەزەكتى ۆەدومستۆوارالىق كوميسسيا وتىرىسى ءوتتى

9 رەت كورسەتىلدى

مەملەكەتتىك قىزمەتتەردى كورسەتۋ ماسەلەلەرى جونىندەگى ۆەدومستۆوارالىق كوميسسيانىڭ (ۆاك) كەزەكتى وتىرىسىندا ادىلەت جانە ىشكى ىستەر ورگاندارىنىڭ ەلەكتروندىق اپوستيلدەۋدى جانە قىزمەتتەردى اۆتوماتتاندىرۋ ماسەلەلەرى قارالدى، دەپ حابارلايدى Egemen.kz.

"ەلەكتروندىق ۇكىمەتتىڭ" بيۋدجەتتىك قاراجاتى مەن رەسۋرستارىن اشىق جانە ۇتىمدى جۇمساۋ ماقساتىندا بارلىق مۇددەلى مەملەكەتتىك ورگاندار ءۇشىن قۇجاتتاردى ەلەكتروندىق اپوستيلدەۋدىڭ بىرىڭعاي قۇرالى رەتىندە قازاقستان رەسپۋبليكاسى ادىلەت مينيسترلىگىنىڭ "ە–اپوستيل" سەرۆيستىك باعدارلامالىق ءونىمىن پايدالانۋ جوسپارلانۋدا.

سونداي-اق، زاڭدى تۇلعالاردى تىركەۋ جانە جىلجىمالى م ۇلىك كەپىلىن تىركەۋ سياقتى قاعاز قۇجاتتاردى ۇسىنۋدى بولدىرماۋ جانە پروتسەستى وڭايلاتۋ ءۇشىن ادىلەت ورگاندارىنا "ە-نوتاريات" جۇيەسى ارقىلى دەرەكتەردى "الۋ" مۇمكىندىگىن پىسىقتاۋ بويىنشا شەشىم ۇسىنىلدى. بۇل سەنىمحاتتار نەمەسە مەملەكەتتىك ورگانداردا مىندەتتى تىركەۋدى قاجەت ەتەتىن مامىلەلەر نەمەسە ارەكەتتەر تۋرالى دەرەكتەر بولۋى مۇمكىن.

ءوز كەزەگىندە قازاقستان رەسپۋبليكاسىنىڭ ىشكى ىستەر مينيسترلىگى كوشى-قون قىزمەتىنىڭ فۋنكتسيالارىن "ازاماتتارعا ارنالعان ۇكىمەت" مك" كەاق جۇمىسكەرلەرىنە ءىشىنارا بەرۋ (ازاماتتاردى قابىلداۋ)، قۇجاتتاندىرۋ ماسەلەلەرى بويىنشا اتقارىلىپ جاتقان جۇمىستار تۋرالى اقپارات ۇسىندى. بۇل حقكو-دا كەزەكتەردىڭ جينالۋىن ايتارلىقتاي تومەندەتۋگە مۇمكىندىك بەرەدى. جاقىن ارادا پيلوتتىق جوبانى ىسكە قوسۋ جوسپارلانۋدا.

ءماجىلىس مەملەكەتتىك ورگاندار، قوعامدىق ۇيىمدار وكىلدەرىنىڭ جانە تسيفرلىق كوميسسارلاردىڭ قاتىسۋىمەن ءوتتى.

سوڭعى جاڭالىقتار

سەمەيگە «سەرگەك» ورناتىلادى

ايماقتار • بۇگىن، 14:56

اكىم اقىنعا قۇرمەت كورسەتتى

ايماقتار • بۇگىن، 14:52

ۇقساس جاڭالىقتار