ۆەتەرينارلىق قىزمەت ماماندارى پاتولوگيالىق ماتەريالدان سىنامالار الىپ, نۇر-سۇلتان قالاسىنداعى ۆەتەرينارلىق زەرتحاناعا جەتكىزدى. زەرتتەۋ ناتيجەلەرى بويىنشا جوعارى پاتوگەندى قۇس تۇماۋى انىقتالعان.
"ولگەن قۇستار ارنايى بەلگىلەنگەن جەردە ورتەلىپ جويىلدى. باسكول اۋىلدىق وكرۋگى اكىمىنىڭ № 11 قاۋلىسى شىعىپ, 21 تاۋلىككە كارانتين رەجىمى ەنگىزىلدى. قاۋلىعا سايكەس ەلدى مەكەندەردەن شىعۋعا, قۇس ونىمدەرىن ەكسپورتتاۋعا شەكتەۋ قويىلدى", دەلىنگەن حابارلامادا.
ەسكە سالا كەتەيىك, جالپى بەسقاراعاي اۋدانىندا 25800 قۇس تىركەلسە, ونىڭ 1245-ءى باسكول اۋىلىندا. ول ايماقتا قۇستارعا ۆاكتسينا سالىنعان.
