قورشاعان ورتا جانە سۋ رەسۋرستارى ءمينيسترى نۇرلان قاپپاروۆ قىزىلوردا وبلىسىنا قىزمەتتىك ىسساپارمەن بارىپ قايتتى, دەپ حابارلادى وسى مينيسترلىكتىڭ ءباسپاسوز قىزمەتى.
قورشاعان ورتا جانە سۋ رەسۋرستارى ءمينيسترى نۇرلان قاپپاروۆ قىزىلوردا وبلىسىنا قىزمەتتىك ىسساپارمەن بارىپ قايتتى, دەپ حابارلادى وسى مينيسترلىكتىڭ ءباسپاسوز قىزمەتى.
ساپار بارىسىندا مينيستر قىزىلوردا وبلىسىنىڭ اكىمى قىرىمبەك كوشەرباەۆ جانە يندۋستريا جانە جاڭا
تەحنولوگيالار ۆيتسە-ءمينيسترى نۇرلان ساۋرانباەۆپەن بىرگە شيەلى اۋدانى بالا-ساۋىسقاندىق كەنىشىندەگى ءۆاناديلى كۆارتسيتتەردى ءوندىرۋ جانە وڭدەۋ زاۋىتىنا بارىپ, ۆانادي ءوندىرۋدىڭ تەحنولوگيالىق ۇدەرىسىمەن تانىستى. وسىندا ماماندارمەن بىرگە اۋماقتا مەتاللۋرگيالىق كلاستەردى دامىتۋ بارىسىنداعى تابيعاتتى قورعاۋ شارالارىن ىسكە اسىرۋ ماسەلەلەرى تالقىلاندى.
جاڭاقورعان اۋدانىندا ن.قاپپاروۆ, ق.كوشەرباەۆ جانە ن.ساۋرانباەۆ شالقيا كەن ورنىنا بارىپ, جىلىنا 4 ميلليون توننا قورعاسىن-تسينك رۋداسىن وڭدەيتىن كەن بايىتۋ فابريكاسىنىڭ قۇرىلىسىمەن, كەنىشتى كەڭەيتۋ جوباسىن دايىنداپ جاتقان «شالقيا تسينك لتد» كاسىپورنىنىڭ قىزمەتىمەن تانىستى.
مينيستر توو «سكز-U» زاۋىتىندا, ۆاحتالىق كەنتتە, كۇن ەلەكتر ستانساسىندا, سونداي-اق, كاسىپورىننىڭ ەنەرگەتيكالىق كەشەنىندە بولىپ, ولاردى ارالاپ كوردى. كۇكىرت قىشقىلىن شىعاراتىن زاۋىتتىڭ تەحنولوگيالارىمەن تانىستى. بۇل كاسىپورىننىڭ ءوندىرىسى ەكولوگيالىق تازالىعىمەن ەرەكشەلەنەدى جانە قازاقستاننىڭ اتوم ونەركاسىبى جۇيەسىندەگى ماڭىزى زور نىسان بولىپ تابىلادى.
ن.قاپپاروۆ پەن ق.كوشەرباەۆ سىرداريا وزەنى بويىندا ماتالىق ماتەريالداردان جاسالعان ءۇرلەمەلى سۋ توعانىن ىسكە قوسۋ راسىمىنە قاتىستى. بۇل نىساننىڭ قۇرىلىسىنا قورشاعان ورتا جانە سۋ رەسۋرستارى مينيسترلىگى رەسپۋبليكالىق بيۋدجەت قاراجاتىنان 1 ميلليارد تەڭگە بولگەن بولاتىن. اۋدانداعى كانالدار مەن گيدروتەحنيكالىق عيماراتتاردى جاڭعىرتۋ جوباسىنىڭ ەكىنشى كەزەگىن جۇرگىزۋ اياسىندا ىسكە قوسىلىپ وتىرعان توعان جىلىنا 500 ميلليون تەكشە مەترگە دەيىن سۋدى ۇنەمدەۋگە, اۋىل شارۋاشىلىعى القاپتارىن سۋمەن قامتاماسىز ەتۋ ءىسىن ەداۋىر جاقسارتۋعا مۇمكىندىك بەرەدى.
