2020 جىلعى 13-19 قازان ارالىعىندا قۇقىقبۇزۋشىلىقتار مەن قىلمىستاردىڭ الدىن الۋ, قوعامدىق ءتارتىپ پەن جول قاۋىپسىزدىگىن ساقتاۋدى قامتاماسىز ەتۋ, سونداي-اق پروفيلاكتيكالىق ەسەپكە الۋ شارالارىن ساقتاۋ ماقساتىندا تاراز قالاسىنىڭ اۋماعىندا «قۇقىقتىق ءتارتىپ» جەدەل-پروفيلاكتيكالىق ءىس-شاراسى وتكىزىلۋدە.
قوعامدىق ورىندا الكوگولدىك ىشىمدىكتەردى پايدالانعانى ءۇشىن 35 قۇقىق بۇزۋشى, كامەلەتكە تولماعانداردىڭ زاڭدى وكىلدەرىنىڭ ەرىپ ءجۇرۋىنسىز تۇنگى ۋاقىتتا تۇرعىنجايدان تىس بولعانى ءۇشىن – 36, ۇساق بۇزاقىلىق جاساعانى ءۇشىن 20 قۇقىق بۇزۋشى اكىمشىلىك جاۋاپكەرشىلىككە تارتىلدى.
10 ادام قوعامدىق ورىنداردا بوگدە ادامدارعا تيىسكەنى, 2 ادام تىنىشتىقتى بۇزعانى, 3 ادام قوعامدىق ورىنداردا تەمەكى شەككەنى, 3 ادام سانيتارلىق-ەپيدەميالىق نورمالاردى بۇزعانى, 3 ادام الكوگول ونىمدەرىن ساتۋ ءتارتىبىن بۇزعانى ءۇشىن اكىمشىلىك جاۋاپكەرشىلىككە تارتىلدى.
كوڭىل كوتەرۋ ورىندارىنىڭ 4 قوجايىنى كامەلەتكە تولماعان جاسوسپىرىمدەردىڭ ولاردىڭ مەكەمەلەرىندە بولۋىنا جول بەرگەنى ءۇشىن جاۋاپكەرشىلىككە تارتىلدى. ىشكى ىستەر ورگاندارىندا پروفيلاكتيكالىق ەسەپتە تۇرعان 157 ادام تەكسەرىلدى.
