باتىس قازاقستان وبلىسىنداعى قاراتوبە اۋدانىندا نان باعاسى 5 تەڭگەگە قىمباتتادى. ناۋبايشىلاردىڭ ايتۋىنشا, ناننىڭ قىمباتتاۋىنا جول قاتىناسى باعاسى مەن گاز تاريفىنىڭ جوعارىلاۋى باستى سەبەپ بولىپ وتىر.
باتىس قازاقستان وبلىسىنداعى قاراتوبە اۋدانىندا نان باعاسى 5 تەڭگەگە قىمباتتادى. ناۋبايشىلاردىڭ ايتۋىنشا, ناننىڭ قىمباتتاۋىنا جول قاتىناسى باعاسى مەن گاز تاريفىنىڭ جوعارىلاۋى باستى سەبەپ بولىپ وتىر.
ال, قالعان ءىرىلى-ۇساقتى ساۋدا ورىندارىندا نان باعاسى 70 تەڭگەگە بارىپ جىعىلادى.
ايتا كەتەلىك, نان باعاسىنىڭ قىمباتتاۋىنا بايلانىستى كەزەكتى لەزدەمەدە ماسەلە كوتەرگەن قاراتوبە اۋدانىنىڭ اكىمى اسحات شاحاروۆ بۇل ماسەلەنى كۇندەلىكتى باقىلاۋدا ۇستاۋدى ءتيىستى مەكەمە باسشىلارىنا شەگەلەپ تۇرىپ تاپسىردى.
– ازىق-ت ۇلىك ماسەلەسى, سونىڭ ىشىندە نان ونىمدەرىنىڭ نەگىزسىز قىمباتتاۋىنا ەشقاشان جول بەرىلمەيدى. بۇل ماسەلە تۋراسىندا بوساڭسۋدىڭ رەتى جوق. كۇندەلىكتى باعانى باقىلاۋدا ۇستاۋ كەرەك. اسىرەسە, وسى ماسەلەنى قاداعالايتىن مەكەمە باسشىلارىنىڭ جۇمىسى قارقىندى بولۋى ءتيىس, – دەيدى اۋدان باسشىسى اسحات بەرلەش ۇلى.
قاراتوبە اۋداندىق كاسىپكەرلىك, اۋىل شارۋاشىلىعى جانە ۆەتەريناريا ءبولىمىنىڭ مەڭگەرۋشىسى كەنجەبەك ايماشەۆتىڭ بەرگەن مالىمەتىنە سۇيەنسەك, نان باعاسىنىڭ قىمباتتاۋى قازان ايىندا بايقالعان.
– قازان ايىنىڭ باسىندا ناننىڭ باعاسى 45 تەڭگە بولاتىن-دى. اي ورتاسىندا 5 تەڭگەگە قىمباتتادى. بۇگىنگى تاڭدا وبلىس بويىنشا ءبىزدىڭ اۋدانعا تۇراقتاندىرۋ قورىنان ارزانداتىلعان ۇن بولىنبەيدى. سوندىقتان ساتىلىمداعى ۇن باعاسى جوعارى بولعاندىقتان, ناۋبايحانالاردا ناننىڭ باعاسى 5 تەڭگەگە قىمباتتادى, – دەيدى ول.
اۋدانداعى جەكە كاسىپكەرلەر استىق ونىمدەرىن قالادان تاسيدى. جەرگىلىكتى ساۋدا نۇكتەلەرىندە جوعارى سورتتى «بەلەساگرو» جشس-ءنىڭ ۇنى 3800 تەڭگە, «جەلاەۆ» استىق كومبيناتىنىڭ ۇنى 4000 تەڭگە تۇرادى. ال, ءى سورتتى ۇن 3300 تەڭگەنى قۇرايدى.
اۋدان ورتالىعىنداعى «ىستىق نان» ناۋبايحاناسى 1 جىلدان استام ۋاقىتتان بەرى قاراتوبەلىكتەرگە قالتقىسىز قىزمەت ەتىپ كەلەدى. نان باعاسىنا قاتىستى ناۋبايحانا قوجايىنىنىڭ دا پىكىرىن بىلدىك.
– ناۋبايحانادا 3 ادام قىزمەت ەتەمىز. تاۋلىگىنە 300 نان دايىندايمىز. كوبىنە نان تۇنگى ۋاقىتتا پىسىرىلەدى.
بىزدەگى ساتىلىمداعى نان باعاسىنىڭ 5 تەڭگەگە جوعارىلاۋىنا بۇعان دەيىن وبلىستاعى تۇراقتاندىرۋ قورىنان بەرىلىپ كەلگەن ارزانداتىلعان ۇننىڭ توقتاتىلۋى اسەر ەتىپ وتىر. بۇرىن اتالمىش قور ارقىلى ءى سورتتى 1 قاپ ۇندى 2450 تەڭگەگە الىپ كەلگەنبىز. قازىرگى تاڭدا «بەلەس» پەن «جەلاەۆتىڭ» ۇنىن قالادان 2900 تەڭگە باعامەن ساتىپ الامىن. جەكە كولىگىم ارقىلى تاسىمالداپ اكەلەتىنىمدى ەسەپتەڭىز. ونىڭ ۇستىنە جانار-جاعارماي دا قىمباتتادى, – دەيدى ناۋبايشى.
ەرتاي بيمۇحانوۆ.
باتىس قازاقستان وبلىسى,
قاراتوبە اۋدانى.
