مەملەكەتتىك ساتىپ الۋ جۇيەءسىندە جەڭ ۇشىنان جالعاسقان ءتۇرلى زاڭسىزدىقتاردىڭ تىيىلماي وتىرعانى جاسىرىن ەمەس. ۇكىمەتتىڭ كەڭەيتىلگەن ءماجىلىسىندە ەلباسى وسى ماسەلەگە ايرىقشا نازار اۋدارىپ, بيلىك ورىندارىنىڭ تەندەرلەردە «بوگدە» جەتكىزۋشىلەردىڭ قاتىسۋىنا مۇمكىندىك بەرمەيتىن شارتتار بەلگىلەپ, ءوز «ادامدارىن» وتكىزىپ جىبەرەتىن كەلەڭسىزدىكتەردى قاتتى سىنعا العان بولاتىن. ءبىز تومەندە بۇراتارتۋشىلىقپەن ۇيىمداستىرىلعان مەملەكەتتىك ساتىپ الۋ ارقىلى كاسىپكەردى ناپاقاسىنان ايىرىپ, تەنتىرەتىپ جىبەرە جازداعان مەملەكەتتىك قىزمەتكەرلەردىڭ ءىس-ارەكەتتەرى جايلى اڭگىمەلەمەكپىز.
مەملەكەتتىك ساتىپ الۋ جۇيەءسىندە جەڭ ۇشىنان جالعاسقان ءتۇرلى زاڭسىزدىقتاردىڭ تىيىلماي وتىرعانى جاسىرىن ەمەس. ۇكىمەتتىڭ كەڭەيتىلگەن ءماجىلىسىندە ەلباسى وسى ماسەلەگە ايرىقشا نازار اۋدارىپ, بيلىك ورىندارىنىڭ تەندەرلەردە «بوگدە» جەتكىزۋشىلەردىڭ قاتىسۋىنا مۇمكىندىك بەرمەيتىن شارتتار بەلگىلەپ, ءوز «ادامدارىن» وتكىزىپ جىبەرەتىن كەلەڭسىزدىكتەردى قاتتى سىنعا العان بولاتىن. ءبىز تومەندە بۇراتارتۋشىلىقپەن ۇيىمداستىرىلعان مەملەكەتتىك ساتىپ الۋ ارقىلى كاسىپكەردى ناپاقاسىنان ايىرىپ, تەنتىرەتىپ جىبەرە جازداعان مەملەكەتتىك قىزمەتكەرلەردىڭ ءىس-ارەكەتتەرى جايلى اڭگىمەلەمەكپىز.
«نۇر وتان» پارتياسى وبلىستىق فيليالىنىڭ توراعاسى, ايماق باسشىسى سامات ەسكەندىروۆتىڭ قوعامدىق قابىلداۋىنا ارىزدانا كەلگەندەردىڭ ءبىرى «پەتروپاۆل-ليفت» جشس-ءنىڭ ديرەكتورى سەرگەي تساركوۆ بولدى. ول ءوز سوزىندە جەكە كاسىبىن دامىتۋدا قولدان جاسالعان كەدەرگىلەرگە كەزدەسىپ وتىرعانىن ايتا كەلىپ, اراشا سۇرادى. شەنەۋنىكتەردىڭ تەندەردى كوپەكورىنەۋ وزگەگە جىعىپ بەرگەن قياناتىنا شىداي الماي, ادىلدىك ىزدەپ كەلگەنىن جاسىرمادى. سامات ساپاربەك ۇلى ءجابىرلەنۋشىنىڭ شاعىمىن مۇقيات تىڭداپ العاننان كەيىن ماسەلەنىڭ ءمان-جايىن ەگجەي-تەگجەيلى انىقتاۋدى پەتروپاۆل قالاسىنىڭ اكىمى تولەگەن زاكىريانوۆقا تاپسىردى. قالا اكىمى ىلە-شالا وسى سالاعا جاۋاپتى باسشىلاردى قاتىستىرا وتىرىپ ليفت جوندەۋ جۇمىستارىمەن اينالىسىپ ءجۇرگەن مەكەمە وكىلدەرىمەن كەزدەسۋ وتكىزدى. وندا 15 جىلدان بەرى ليفت جوندەۋمەن شۇعىلداناتىن «پەتروپاۆل-ليفت» سەرىكتەستىگىنىڭ بيىل بىردە-ءبىر تاپسىرما الماعانى ءمالىم بولدى. كەرىسىنشە, سىرتتان كيلىككەن «تەحنوسيب» جشس «تۇرعىن ءۇي-كوممۋنالدىق شارۋاشىلىعىن جاڭعىرتۋ» باعدارلاماسى شەڭبەرىندە تەندەردى ۇتىپ الا بەرگەن. ونىڭ كولدەنەڭ كوك اتتىداي جولدان قوسىلعان ءىس-ارەكەتىنىڭ ارعى جاعىندا زاڭناما تالاپتارىنىڭ ورەسكەل بۇزىلعانىن اڭعارۋ قيىن ەمەس ەدى. سويتسە, تۇرعىن ءۇي ينسپەكتسياسىنىڭ وكىلدەرىن شايتان ازعىرعان بولۋ كەرەك, قوس تاراپتىڭ تەندەرگە قاتىسۋ قارىمى مەن مۇمكىندىكتەرىن جان-جاقتى تارازىلاپ, ادىلدىكپەن شەشۋدىڭ ورنىنا تۋرا جولدان تايىپ كەتكەن. ءتىپتى, نارىق ايدىنىندا مول تاجىريبەسى بار مەكەمە باسشىلىعىن جيىندار مەن باسقوسۋلارعا شاقىرۋدى قاجەت دەپ تاپپاعانعا ۇقسايدى. كوپقاباتتى ۇيلەردىڭ تۇرعىندارىن وزدەرى بوپسالاپ وتىرعان مەكەمەنى تاڭداۋعا ۇگىتتەگەن كورىنەدى. وسىلايشا, بيۋروكراتتىق وزىمبىلەمدىلىكتىڭ شىلبىرىنا وراتىلىپ, جەكە-دارا شەشىم قابىلداۋدىڭ سالدارىنان قارسى تاراپتى جەڭىمپاز ەتىپ شىعارعان.
«تۇرعىن ءۇي ينسپەكتسياسى» مەكەمەسىنىڭ زاڭگەرى جانار ەسەتوۆا ءوز ارەكەتتەرىن اقتاماق بولىپ قانشا جەردەن جانتالاسسا دا, قىزمەتتەن بوساتۋ ۇيعارىلدى. تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمىنىڭ جەتەكشىسى الەكساندر چەرنوۆ سوگىس الدى.
بۇل مىسال زاڭ تالاپتارىن بەلدەن باسۋعا ۇيرەنگەن وزگە لاۋازىمدى تۇلعالارعا ساباق بولسا يگى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
