ء"بىزدىڭ اكتسيونەر بولات وتەمۇراتوۆ قازاقستاندىق مەتسەناتتار ىشىنەن العاشقى بولىپ كوكتەمدە بولعان اپاتتان زارداپ شەككەندەرگە كومەك كورسەتۋدى شەشتى. ول 6 ملن اقش دوللارىن ءبولىپ, ولاردى اپات سالدارىنان باسپاناسىز قالعان 150 وتباسىنا ارناپ ءۇي سالۋعا جۇمسادى. بۇل ءوڭىردىڭ قايتا قۇرىلۋىنا سالىنعان ەڭ قوماقتى ۇلەس جانە سالىنعان ۇيلەردىڭ ەڭ جوعارعى سانى. جوبانى ىسكە اسىرۋ بارىسىندا ءبىز ەڭ جاقسى ماتەريالدى تاڭداپ, جۇمىس ساپاسىن قاتال قاداعالادىق. پاندەميا مەن كارانتينگە بايلانىستى قيىندىقتارعا قاراماستان, ءتورت ايدىڭ ىشىندە جوبانى ورىندادىق. ايتا كەتۋ ءجون, بىزگە وتكەن جىلعى ارىس قالاسىنداعى تاجىريبە كومەك بولدى, ول قالادا دا ءبىز جارىلىستاردان زارداپ شەككەن 100 وتباسىنا ءۇي سالىپ بەردىك", - دەدى ەرلان وسپانوۆ, "ۆەرنىي كاپيتال" كومپانيالار توبىنىڭ باس ديرەكتورى.
كولەمى 100 شارشى مەتر ءۇش بولمەلى ۇيلەر مىرزاكەنتتىڭ جاڭا, پەرسپەكتيۆتى اۋدانىندا سالىنعان, مۇندا دوستىق, جاڭاتۇرمىس جانە جەڭىس اۋىلدارىنىڭ تۇرعىندارى كوشىرىلەدى. جاڭا شاعىن اۋدانعا بارلىق كوممۋنيكاتسيالار تارتىلعان, بالا باقشانىڭ جانە مەكتەپتىڭ قۇرىلىسى باستالىپ قويدى.
تۇركىستان وبلىسىنىڭ اكىمى ومىرزاق شوكەەۆ بۇكىل ەلدىڭ قولداۋىمەن ايماق بارلىق قيىندىقتاردى ەڭسەرگەنىن اتاپ ءوتتى. "ماقتاارال اۋدانىنىڭ تۇرعىندارى مەملەكەتتىك دەڭگەيدە قولداۋ الدى. ەشكىم دە نازاردان تىس قالعان جوق. بۇكىل ەل كومەككە كەلدى. وسىمەن بارلىق قيىندىقتار ارتتا قالىپ, الدىدا سىزدەردى تەك قۋانىشتى جانە كوڭىلدى وقيعالار كۇتسىن. تاعى دا سىزدەردى جاڭا ۇيلەرىڭىزبەن شىن جۇرەكتەن قۇتتىقتايمىن", - دەدى وبلىس باسشىسى.
جەڭىس اۋىلىنىڭ تۇرعىنى, ءتورت بالانىڭ اكەسى جاڭا قونىستانعان كەنجە تلەۋباەۆ مامىر ايىنىڭ باسىنداعى سول قيىن كۇندەردى ەسكە الدى. "ەكى كۇن ىشىندە بۇكىل اۋىلدى سۋ شايىپ كەتتى, ءبىزدىڭ ۇيدەن, كورشىلەرىمىزدىڭ ۇيلەرىنەن ەشتەڭە قالمادى. ءبىز بارىنەن ايىرىلىپ, تولىقتاي شىعىنعا باتتىق. مىنە, بۇگىن, بەس ايدان كەيىن, مەنى قۋانىش باستى. ءبىزدىڭ مەملەكەتكە, حالقىمىزعا, بىزگە قيىن كەزدە كومەك قولىن سوزىپ, كومەكتەسكەن ازاماتتارعا العىس پەن قۋانىش باستى", - دەدى ول.
يمانتاەۆتار وتباسى العاشقىلاردىڭ ءبىرى بولىپ جاڭا ۇيگە قونىستاندى. بەس بالانىڭ اكەسى تالعات ءوز سەزىمىن جاسىرا المادى.
"ەلباسىنا, پرەزيدەنتكە, اكىمدەرگە, بولات وتەمۇراتوۆتىڭ قورىنا, بىزگە قول ۇشىن سوزىپ, قولداۋ كورسەتكەندەردىڭ بارلىعىنا مىڭ العىس. بىزدە, بۇكىل ەلدە تەك قۋانىشتى وقيعالار بولعانىن قالايمىز!" - دەدى ول.
"قايىرىمدىلىق جوبامىزدى ءبىز تۇركىستان وبلىسىنىڭ اكىمدىگىمەن بىرلەسىپ ىسكە اسىردىق. اكىمدىكتەگى ارىپتەستەرىمىزگە كومەك ءۇشىن العىسىمىزدى بىلدىرەمىز. ارامىزداعى ىنتىماقتاستىق جەكە باستاما مەن مەملەكەتتىك قولداۋدىڭ الەۋمەتتىك پروبلەمالاردى بىرلەسىپ ناتيجەلى شەشۋدىڭ ءساتتى ۇلگىسى بولدى", - دەدى مارات ايتماعامبەتوۆ, بولات وتەمۇراتوۆ قورىنىڭ ديرەكتورى.
وتكەن جىلى بولات وتەمۇراتوۆ قورى قىزىلوردا قالاسىندا 100 كوپبالالى وتباسى ءۇشىن جانە ارىس قالاسىندا جارىلىستاردان زارداپ شەككەن 100 وتباسى ءۇشىن تۇرعىن ءۇي سالۋدى قارجىلاندىردى. جوبالارعا جۇمسالعان جالپى سوما 1,3 ملرد تەڭگەنى قۇرادى.
