ىندەت باستالماي تۇرىپ, جىل سايىن گرانت سانى دا كوبەيىپ, وقۋعا كەلگەن جاستارعا جاتاقحانا بەرىلدى.
ال, Toraigyrov University-ءنىڭ "Foundation" دايىندىق فاكۋلتەتى العاش 2014 جىلى اشىلعاندا 50 جاس كەلگەن بولاتىن.
اۋعانستان, تۇركىمەنستان, وزبەكستان, قىتاي جانە موڭعوليادان كەلگەن 178 جاس, ولاردىڭ 107-ءسى Toraigyrov University-دە, 36-سى ينەۋ-دە, 35-ءى پمپۋ-دە وقىدى.
"دۇنيەجۇزى قازاقتار قاۋىمداستىعى" وبلىستىق فيليالىنىڭ توراعاسى بولات زاۋىتتىڭ ايتۋىنشا, ەلباسى 2017 جىلى "دۇنيەجۇزى قازاقتارى" 5 ءشى قۇرىلتايىندا شەتەلدەگى قانداستارعا قولداۋ كورسەتۋ بويىنشا بىرقاتار تاپسىرما بەرگەن بولاتىن.
ناتيجەسىندە 40 شاقتى ەلدە تۇراتىن قانداستارىمىزعا رۋحاني, مادەني جانە ىسكەرلىك جاعداي جاساۋ ماقساتىندا مەملەكەتتىك باعدارلاما ازىرلەندى. سونىڭ ءبىر باعىتى – شەت ەلدەگى قانداستاردىڭ ەلىمىزدىڭ تاڭداۋلى جوعارى وقۋ ورىندارىندا ءبىلىمىن جەتىلدىرۋ, ءارى قاراي ءوز قالاۋىمەن ماگيستراتۋرا جانە دوكتورانتۋراعا تۇسۋىنە مۇمكىندىك جاساۋ.
"بۇل جاستار دايىندىق كۋرستارىنان كەيىن ۇبت تاپسىرىپ, وزدەرى تاڭداعان جوعارى وقۋ ورىندارىنا تۇسە الادى", - دەيدى بولات زاۋىت ۇلى.
Toraigyrov University Foundation فاكۋلتەتى دەكانىنىڭ ورىنباسارى الۋا جاحانقىزىنىڭ سوزىنشە, بىلتىر اۋعانستان ەلىنەن جاستار كەلگەن.
اي سايىن 17807 تەڭگە كولەمىندە شاكىرتاقى الادى, جىلىنا ءبىر رەت وتباسىنا بارىپ-قايتاتىن جولاقىسى تولەنەدى. تەگىن ازىق-ت ۇلىك بەرەتىن دەمەۋشىلەر دە بار, ءارتۇرلى مەرەكە كەزىندە تورت, ءتاتتى توقاش جەتكىزىپ بەرىپ تۇرادى.
بىلتىر وقىعان 79 ستۋدەنتتىڭ 55-ءى ءوز جەرىمىزدە قالعان. ال قالعاندارى باسقا جوعارى وقۋ ورىندارى مەن كوللەدجدەرگە تۇسكەن.
پاۆلودار وبلىسى
