كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ وتىرىسى بولدى. كۇن تارتىبىنە سايكەس دەپۋتاتتار قازاقستان رەسپۋبليكاسىنىڭ زاڭنامالىق اكتىلەرىنە بيۋدجەت زاڭناماسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ءبىرىنشى وقىلىمدا قارادى.
كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ وتىرىسى بولدى. كۇن تارتىبىنە سايكەس دەپۋتاتتار قازاقستان رەسپۋبليكاسىنىڭ زاڭنامالىق اكتىلەرىنە بيۋدجەت زاڭناماسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ءبىرىنشى وقىلىمدا قارادى.
زاڭ جوباسى جاڭا بيۋدجەت ساياساتىنىڭ تۇجىرىمداماسى مەن تۇپكى ناتيجەلەرگە باعدارلانعان مەملەكەتتىك جوسپارلاۋ جۇيەسىن جەتىلدىرۋ تۇجىرىمداماسىن ىسكە اسىرۋ ماقساتىندا ازىرلەندى.
بۇل جوبامەن ەلىمىزدىڭ بيۋدجەت كودەكسى مەن «كونتسەسسيالار تۋرالى» جانە «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن ءوزى باسقارۋ تۋرالى» زاڭدارعا وزگەرىستەر ەنگىزۋ كوزدەلەدى. بيۋدجەتتىك باعدارلامالار اكىمشىلەرى شىعىستارىنىڭ ليميتتەرى ەنگىزىلەدى.
مەملەكەتتىك ورگانداردىڭ ستراتەگيالىق جوسپارلارىنىڭ مازمۇنى, ولاردى ازىرلەۋ ءتارتىبى قايتا قارالىپ, وعان قوسا ستراتەگيالىق جوسپاردى جەرگىلىكتى دەڭگەيدە ازىرلەۋدى توقتاتۋ قاراستىرىلاتىن بولادى.
نەگىزسىز جوسپارلاۋ جانە بيۋدجەت قارجىلارىن پايدالانۋ بارىسىنداعى ناتيجەلەر كورسەتكىشتەرىنە قول جەتكىزە الماعانى, سونداي-اق كۆازيمەملەكەتتىك سەكتور سۋبەكتىلەرىنىڭ بيۋدجەت ينۆەستيتسيالارىنىڭ ناتيجەلەرىنە قول جەتكىزە الماعانى ءۇشىن بيۋدجەت اكىمشىلەرىنىڭ جاۋاپكەرشىلىگى كۇشەيە تۇسەدى.
وتىرىستا سونداي-اق, زاڭنامالىق اكتىلەرگە سالىق سالۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسى ءبىرىنشى وقىلىمدا قارالدى.
زاڭ جوباسىمەن بەرىلگەننەن كەيىن بەلگىلى ءبىر كەزەڭ ءىشىندە يگەرىلمەيتىن جەرلەرگە ارتتىرىلعان سالىق مولشەرلەمەلەرىن ەنگىزۋدى ورىنداۋعا ارنالعان ەرەجەلەر كوزدەلىپ وتىر.
ودان باسقا, جاڭا بيۋدجەت ساياساتىنىڭ تۇجىرىمداماسىن ىسكە اسىرۋ ماقساتىندا زاڭ جوباسىندا جەكە تۇلعالاردىڭ مۇلكىنە, كولىك قۇرالدارىنا سالىقتاردى جانە اكتسيزدەر مولشەرلەمەلەرىن ارتتىرۋ جونىندەگى نورمالار قامتىلعان. سونىمەن قاتار, زاڭ جوباسىندا سالىقتىق اكىمشىلىك ەتۋ ماسەلەلەرىن جەتىلدىرۋگە باعىتتالعان نورمالار دا بار.
زاڭ جوبالارى بويىنشا ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ, سونداي-اق, يندۋستريا جانە جاڭا تەحنولوگيالار جانە قارجى مينيسترلىكتەرىنىڭ وكىلدەرى ءتيىستى تۇسىنىكتەمە بەردى.
سەنات وتىرىسىندا سەناتور اقان بيجانوۆ دەپۋتاتتىق ساۋالىن جاريا ەتتى, دەپ حابارلادى پارلامەنت سەناتىنىڭ ءباسپاسوز قىزمەتى.
