"ازيا اۆتو" كومپانيالار توبى قوعامدىق پىكىردى بۇرمالاۋ ماقساتىندا كەزەكتى رەت نەگىزسىز جانە شىندىققا جاناسپايتىن فاكتىلەرى بار اقپارات تاراتىپ جاتىر. يندۋستريا جانە ينفراقۇرىلىمدىق دامۋ مينيسترلىگى بۇعان دەيىن دە اتالعان كاسىپورىن باسشىلىعى تاراپىنان جاسالىپ جاتقان اقپاراتتىق ارانداتۋعا سەنبەۋگە شاقىرعان ۇندەۋ جاساعان ەدى.
"قر يدم جانە "ازيا اۆتو" اق اراسىندا جاسالعان 2017 جىلعى 7 ساۋىردەگى ونەركاسىپتىك جيناستىرۋ تۋرالى كەلىسىم جانە 2019 جىلعى 4 قاراشاداعى №1 قوسىمشا كەلىسىم نۇر-سۇلتان قالاسىنداعى مامانداندىرىلعان اۋدانارالىق ەكونوميكالىق سوتتىڭ 2020 جىلعى 24 تامىزداعى №7119-20-00-2/6894 شەشىمىمەن كۇشىن جويىپ, حولدينگ تاراپىنان مىندەتتەمەلەرىن ورىنداماعانى ءۇشىن بۇزىلدى. مەملەكەتتىك پرەفەرەنتسيالاردىڭ بولماۋى كاسىپورىننىڭ اعىمداعى وندىرىسىنە جانە جۇمىس ۇدەرىسىنە ەش اسەر ەتپەيدى. كەلىسىمنىڭ بۇزىلۋى حولدينگ باسشىلىعىن بۇعان دەيىن وزدەرىنە العان مىندەتتەمەلەرىن ورىنداۋعا ىنتالاندىرۋ ءۇشىن جاسالدى. كومپانيا قۇرىلعان ساتتەن باستاپ 18 جىل بويى وندىرىسىنە قولداۋ كورسەتىلىپ كەلدى. بىراق ءوندىرىستى مودەرنيزاتسيالاۋ جانە قازاقستاندىق مازمۇن دەڭگەيىن ارتتىرۋ جونىندەگى كەلىسىمدە كوزدەلگەن مىندەتتەمەلەرىن ورىندامادى", - دەپ اتاپ ءوتتى قر يدم يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ توراعاسى مارات قاراباەۆ.
"مەملەكەتتىك ينۆەستيتسيالىق پرەفەرەنتسيالار باعىتتالعان جاڭا ونەركاسىپتىك قۋاتتىلىعىنىڭ قۇرىلىسى اياقتالسا, كومپانيا جاڭا كەلىسىم جاساسۋ تۋرالى ءوتىنىم بەرە الادى. مۇنداي جاعدايدا قر يدم مەملەكەتتىك پرەفەرەنتسيالار ۇسىنۋدى قايتا جانداندىرۋ تۋرالى ماسەلەنى قاراستىرۋعا دايىن", - دەدى كوميتەت توراعاسى.
قر يدم "ازيا اۆتو" ۇجىمىن سابىرلىق ساقتاپ, كاسىپورىن باسشىلىعى تاراپىنان جاسالاتىن ۇرەي مەن قىسىمعا بوي بەرمەي, نەگىزسىز جۇمىستان بوساتقان جاعدايدا قىزمەتكەرلەردى جۇمىستان بوساتۋ فاكتىلەرىنىڭ زاڭدىلىعىن تەكسەرتۋ ءۇشىن قر مەملەكەتتىك ەڭبەك ينسپەكتسياسىنا حابارلاسۋعا شاقىرادى.
قر يدم سونداي-اق جۇرتشىلىقتى حولدينگ باسشىلىعىنىڭ اقپاراتتىق ارانداتۋ ارەكەتتەرىنە ەرمەۋگە جانە وتاندىق ماشينا جاساۋ سالاسىن قولداۋعا باعىتتالعان مەملەكەتتىك ساياساتقا سەنىمدى جويۋ ماقساتىندا جاريالاناتىن جالعان اقپاراتتى تاراتپاۋعا شاقىرادى.
