اۆتورلاردىڭ پىكىرىنشە, سىبايلاس جەمقورلىققا قارسى مۋرالدار دۇرىس مىنەز-ق ۇلىق ۇلگىلەرىن قالىپتاستىرۋعا, دۇرىس ارەكەتتەردى جاساۋعا شاقىرادى. سىبايلاس جەمقورلىققا قارسى العاشقى مۋرال وسى جازدا الماتى قالاسىندا پايدا بولدى.
بۇگىنگى تاڭدا جەرگىلىكتى اتقارۋشى ورگانداردىڭ قولداۋىمەن قالالار مەن اۋدان ورتالىقتارىنداعى كوپقاباتتى ۇيلەردىڭ قاسبەتتەرىندە 35-تەن استام وزەكتى ارت-جوبا ورنالاستىرىلعان.
سىبايلاس جەمقورلىققا قارسى مۋرالداردىڭ نەگىزگى تاقىرىبى رەتىندە ۇلى تۇلعالاردىڭ بەينەلەرى مەن پاراساتتىلىققا, ادىلەتتىلىككە جانە پاتريوتيزمگە شاقىراتىن سوزدەرى مەن ويلارى الىنعان. مىسالى, ابايدىڭ «پايدا ويلاما, ار ويلا!», «ادال ءجۇرىپ, ادال تۇر!» سياقتى قاناتتى سوزدەرى مەن كوركەم بەينەسى تالدىقورعان, ءۇشارال, سارقان, تەكەلى, ورال, رۋدنىي قالالارى مەن وتەگەن باتىر كەنتىندەگى بيىك ۇيلەردىڭ قابىرعالارىن بەزەندىرىپ تۇر.
«ەكىنشى ۇستاز» سانالاتىن ءال-ءفارابيدىڭ نۇر-سۇلتان, قوستاناي جانە تالدىقورعان قالالارىنىڭ ورتالىق كوشەلەرىندە ادالدىق پەن ادامگەرشىلىك قاسيەتتەردى ساقتاۋعا شاقىرعان بەينەلەرى سالىنعان.
XII عاسىرداعى ۇلى دالا ويشىلى قوجا احمەت ياساۋي بەينەسى مەن ونىڭ تاعىلىمدى سوزدەرى تۇركىستان قالاسىنىڭ جانە وسى وبلىستىڭ بىرقاتار ەلدى مەكەندەرىنىڭ كورنەكى تۇستارىنا ىلىنگەن.
سىبايلاس جەمقورلىققا قارسى وسىنداي ارت-جوبالار شىمكەنت, كوكشەتاۋ, اقتوبە, اتىراۋ, تاراز, پاۆلودار جانە قاراجال قالالارىندا دا ورنالاسقان.
