ەلىمىزدە دونورلىق جۇرەكتى ترانسپلانتاتسيالاۋ بويىنشا ەكىنشى وتا ءساتتى جاسالدى. بۇل جونىندە «ۇلتتىق عىلىمي كارديوحيرۋرگيا ورتالىعىندا» وتكەن ءباسپاسوز ءماسليحاتىندا ورتالىقتىڭ باسقارما توراعاسى يۋري پيا مالىمدەدى.
ەلىمىزدە دونورلىق جۇرەكتى ترانسپلانتاتسيالاۋ بويىنشا ەكىنشى وتا ءساتتى جاسالدى. بۇل جونىندە «ۇلتتىق عىلىمي كارديوحيرۋرگيا ورتالىعىندا» وتكەن ءباسپاسوز ءماسليحاتىندا ورتالىقتىڭ باسقارما توراعاسى يۋري پيا مالىمدەدى.
«بارلىق قىزمەتتىڭ جۇيەلى جۇمىسى وسى وتانىڭ ءساتتى وتۋىنە سەپتىگىن تيگىزدى. دونورلىق جۇرەك 1200 شاقىرىم قاشىقتىقتان, ياعني, الماتى قالاسىنان 7 قاراشا كۇنى جەتكىزىلدى. نەگىزىندە, دونوردىڭ جۇرەگى ءتورت ساعاتتىڭ ىشىندە ترانسپلانتاتسيالانۋى كەرەك. ءبىز بۇل جولى Organ Care System بىرەگەي مەديتسينالىق قوندىرعىسىنىڭ قىزمەتىن پايدالاندىق. بۇل قوندىرعى جۇرەكتى 12 ساعاتقا دەيىن ساقتاي الادى. ەندى ەلدىڭ كەز كەلگەن تۇكپىرىنەن دونورلىق جۇرەكتى جەتكىزۋگە ءمۇمكىندىك بار», دەدى يۋ.پيا.
ونىڭ ايتۋىنشا, دونورلىق جۇرەكتى ساقتاۋعا ارنالعان قوندىرعىنىڭ باعاسى – 400 مىڭ دوللار. ونى تەك ارنايى دايىندالعان ماماندار عانا پايدالانىپ, جۇمىس ىستەي الادى. Organ Care System قوندىرعىسى بۇگىندە اقش, اۆستراليا مەن گەرمانيانىڭ الەمدىك دەڭگەيدەگى ءۇش ءىرى كلينيكاسىندا عانا پايدالانىلادى ەكەن.
«وتا ءساتتى ءوتتى, قازىر ەمدەلۋشىنىڭ جاعدايى تۇراقتى. ءارى قاراي بارلىعى جوسپارعا ساي بولادى دەپ ەسەپتەيمىز», دەپ اتاپ ءوتتى دارىگەر.
«ەگەمەن-اقپارات».
