سەناتور اندرەي لۋكين ۇقشۇ پارلامەنتتىك اسسامبلەياسىنىڭ قورعانىس جانە قاۋىپسىزدىك ماسەلەلەرى جونىندەگى تۇراقتى كوميسسياسىنىڭ قۇرامىندا ساراپشىلارمەن بىرلەسە وتىرىپ ۇقشۇ-نىڭ بىرقاتار ۇلگى زاڭدارىنىڭ جوبالارىن تالقىلادى. وتىرىستا جاپپاي قىرىپ-جويۋ قارۋىنىڭ زاڭسىز اينالىمىنا قارسى ءىس-قيمىل, قارۋلى كۇشتەر, باسقا دا اسكەرلەر مەن اسكەري قۇرالىمدار اۆياتسياسىنىڭ حالىقارالىق ۇشۋلارىن ۇيىمداستىرۋ سالاسىنداعى زاڭنامانى جەتىلدىرۋ, سىبايلاس جەمقورلىققا قارسى مونيتورينگتىڭ بازالىق ولشەم شارتتارى مەن كورسەتكىشتەرى, ۇقشۇ-عا مۇشە مەملەكەتتەردىڭ كيبەرشابۋىلدار مەن قاتەرلەرگە قارسى ءىس-قيمىل ماسەلەلەرىندەگى ءىس-قيمىل جوسپارى مەن قۇرالدارىنىڭ تۇجىرىمداماسى ماسەلەلەرى بويىنشا ۇسىنىمدار جوبالارى قارالدى.
سەنات دەپۋتاتى داۋرەن ادىلبەكوۆ قاتىسقان ۇقشۇ پا ساياسي ماسەلەلەر جانە حالىقارالىق ىنتىماقتاستىق جونىندەگى تۇراقتى كوميسسياسىنىڭ وتىرىسى بارىسىندا ۇيىم اياسىندا جاسالعان حالىقارالىق شارتتاردىڭ راتيفيكاتسياسى تالقىلاندى.
دەپۋتات ءالي بەكتاەۆ ۇقشۇ پا الەۋمەتتىك-ەكونوميكالىق جانە قۇقىقتىق ماسەلەلەر جونىندەگى تۇراقتى كوميسسياسىنىڭ جۇمىسىنا قاتىستى. پارلامەنتشىلەر ۇيىمنىڭ قىزمەتىن رەتتەيتىن قۇجاتتاردىڭ جوبالارىن جانە ۇقشۇ پارلامەنتتىك اسسامبلەياسىنىڭ قۇرىلىمىن وزگەرتۋ جونىندەگى ۇسىنىستاردى قارادى.
