كونفەرەنتسيانى قر اقپارات جانە قوعامدىق دامۋ مينيسترلىگى, نۇر-سۇلتان قالاسىنىڭ اكىمدىگى, ن.نازارباەۆ كونفەسسياارالىق جانە وركەنيەتارالىق ديالوگتى دامىتۋ ورتالىعى جانە "مادەنيەت ارقىلى الەم" حالىقارالىق قاۋىمداستىعى ۇيىمداستىردى.
كونفەرەنتسياعا اقپارات جانە قوعامدىق دامۋ ۆيتسە-ءمينيسترى مارات ءازىلحانوۆ, نۇر-سۇلتان قالاسى ءدىن ىستەرى باسقارماسىنىڭ باسشىسى نۇرداۋلەت ءالمۇحانوۆ, كونفەسسياارالىق جانە وركەنيەتارالىق ديالوگتى دامىتۋ جونىندەگى ن. نازارباەۆ ورتالىعىنىڭ باسقارما توراعاسى – التاي ابيبۋللاەۆ, "مادەنيەت ارقىلى الەم" حالىقارالىق قاۋىمداستىعىنىڭ پرەزيدەنتى – تولەگەن مۇحامەدجانوۆ, سونداي-اق قوعام قايراتكەرلەرى, ءدىني بىرلەستىكتەر مەن ازاماتتىق قوعام ينستيتۋتتارىنىڭ وكىلدەرى, رەسەي, اقش, ءۇندىستان, اۆستريا, شۆەيتساريا, گەرمانيا, ليۆان, قىرعىز رەسپۋبليكاسىنىڭ حالىقارالىق ساراپشىلارى قاتىستى.
كونفەرەنتسيانىڭ ماقساتى تولەرانتتىلىق, قازاقستاندىق قوعامدا جانە جالپى الەمدە بەيبىتشىلىك پەن تۇراقتىلىق ءۇشىن رۋحاني كەلىسىم يدەيالارىن ىلگەرىلەتۋ, ازاماتتاردى ورتاق رۋحاني جانە ادامگەرشىلىك قۇندىلىقتار اينالاسىندا بىرىكتىرۋ بولدى.
كونفەرەنتسيا بارىسىندا قاتىسۋشىلار مەملەكەتتىك-كونفەسسيالىق جانە كونفەسسياارالىق قاتىناستار سالاسىنداعى وزەكتى ماسەلەلەردى, جالپىۇلتتىق يدەيا نەگىزىندە قازاقستاندىق بىرەگەيلىكتى نىعايتۋ مىندەتتەرىن, سونداي-اق ەلىمىزدە جانە الەمدە دىنارالىق ديالوگ پەن ءوزارا تۇسىنىستىكتى ىلگەرىلەتۋدەگى ازاماتتىق قوعامنىڭ ءوسىپ كەلە جاتقان ءرولىن تالقىلادى.
ەستەرىڭىزگە سالا كەتەيىك, قازاقستاندا رۋحاني كەلىسىم كۇنى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ باستاماسىمەن الماتى قالاسىندا دۇنيەجۇزىلىك رۋحاني كەلىسىم كونگرەسىنىڭ ءبىرىنشى سەسسياسى 1992 جىلدان باستاپ اتاپ وتىلە باستادى.
وتكىزىلگەن كونگرەستىڭ قورىتىندى قۇجاتى مانيفەست بولدى, وندا كەزدەسۋگە قاتىسۋشىلار 18 قازاندى رۋحاني كەلىسىم كۇنى - جانجالدار مەن قاقتىعىستارعا موراتوري, تاتۋلاسۋدى ىزدەۋ, جاقىندارىنا مەيىرىمدىلىك پەن كومەك كۇنى دەپ جاريالاۋعا شاقىردى.
