ايماقتار • 16 قازان، 2020

گۇلشارا ابدىقالىقوۆا قۇتقارۋشىلاردى كاسىبي مەرەكەسىمەن قۇتتىقتادى

52 رەت كورسەتىلدى

بۇگىن وبلىس اكىمى گۇلشارا ابدىقالىقوۆا ازاماتتىق قورعاۋ ورگاندارىنىڭ قۇرىلعانىنا 25 جىل تولۋىنا وراي جانە 19 قازان "قۇتقارۋشىلاردىڭ كاسىبي كۇنى" مەرەكەسى قارساڭىندا ايماقتاعى قۇتقارۋشىلار مەن سالا ارداگەرلەرىن قۇتتىقتادى، دەپ حابارلايدى Egemen.kz.

ءوڭىر باسشىسى الدىمەن №1 مامانداندىرىلعان ءورت ءسوندىرۋ بولىمىنە كەلىپ، زاماناۋي قۇتقارۋ جابدىقتارى مەن تەحنيكالاردىڭ جاعدايىمەن تانىستى. ودان سوڭ سالتاناتتى شاراعا قاتىسىپ، حالىقتىڭ تىنىس-تىرشىلىگى مەن اۋماقتىڭ قاۋىپسىزدىگىن قامتاماسىز ەتۋدە قۇتقارۋشى مامانداردىڭ ماڭىزى ەرەكشە ەكەندىگىن اتاپ ءوتتى.

"بۇگىنگى كۇنى ازاماتتاردى تابيعي قۇبىلىستار مەن تەحنوگەندىك سيپاتتاعى اپاتتاردان قورعاۋ، ءزىلزالالاردىڭ قاۋىپ-قاتەرىن ازايتۋ ماسەلەسى مەملەكەتتىڭ باستى نازارىندا. قۇتقارۋشى ماماندىعىنىڭ ەڭ باستى مىندەتى - ادام ءومىرىن قۇتقارۋ، بۇل جوعارى جانە جاۋاپتى ميسسيا. اپات ايتىپ كەلمەيتىنى راس. توسىننان بولعان اپات كەزىندە ازاماتتارعا ءبىرىنشى بولىپ كومەككە كەلەتىن توتەنشە جاعداي قىزمەتىنىڭ قۇتقارۋشىلارى. بۇل ءىس كەز كەلگەننىڭ قولىنان كەلە بەرمەۋى مۇمكىن. ويتكەنى، وعان مىقتى جۇرەك، ماشىق جانە تاجىريبە كەرەك. قيىن دا كۇردەلى قىزمەتتەرىڭىزگە تابىس، دەندەرىڭىزگە ساۋلىق، شاڭىراقتارىڭىزعا قۇت-بەرەكە، اماندىق تىلەيمىن! سىزدەردى كاسىبي مەرەكەلەرىڭىزبەن جانە ازاماتتىق قورعاۋ ورگاندارىنىڭ مەرەيلى كۇنىمەن قۇتتىقتايمىن!" - دەدى وبلىس اكىمى گ.ابدىقالىقوۆا.

مەرەكەلىك جيىندا ازاماتتىق قورعاۋ ورگاندارىنىڭ ارداگەرلەرى قورعانبەك قايرۋللاەۆ، مۇرات مۇساەۆ، سۇلتان شىنتاەۆ، "ۆولونتەرى كىزىلوردى" قوعامدىق قورىنىڭ جەتەكشىسى ولگا چەباكوۆا، ازاماتتىق قورعاۋ اعا سەرجانتى، قازالى اۋدانى № 9 ءورت ءسوندىرۋ ءبولىمىنىڭ اعا ءورت ءسوندىرۋشىسى وڭتالاپ جولماحانوۆ، ازاماتتىق قورعاۋ ستارشيناسى، سىرداريا اۋدانى № 12 ءورت ءسوندىرۋ ءبولىمىنىڭ ءورت ءسوندىرۋ اۆتوكولىكتەرىنىڭ جۇرگىزۋشى-قىزمەتكەرى ماقسۇت مىرزاعاليەۆ جانە ازاماتتىق قورعاۋ پراپورششيگى، جالاعاش اۋدانى № 11 ءورت ءسوندىرۋ ءبولىمىنىڭ بولىمشە كومانديرى شىڭعىس تايشاەۆ وبلىس اكىمىنىڭ "العىس حاتىمەن" ماراپاتتالدى. سونداي-اق ايماق باسشىسى جەرگىلىكتى بيۋدجەت ەسەبىنەن الىنعان 2 ءورت ءسوندىرۋ اۆتوكولىگىن №1 جانە №7 ءورت ءسوندىرۋ بولىمدەرىنە تابىس ەتتى.

شارادا ءسوز العان ازاماتتىق قورعاۋ ورگاندارىنىڭ ارداگەرى قورعانبەك قايرۋللاەۆ پەن توتەنشە جاعدايلار دەپارتامەنتىنىڭ قىزمەتكەرى اقمارال سەرماعامبەتوۆا مەملەكەتتىڭ قولداۋى ارقاسىندا قۇتقارۋ سالاسىنىڭ الەۋەتى ەداۋىر وسكەندىگىن ايتتى. سونىڭ ارقاسىندا وڭىردە ورىن العان وقىس وقيعالار مەن توتەنشە جاعدايلاردى دەر كەزىندە جويۋ مۇمكىندىگى ارتتى دەيدى. قۇتقارۋشىلاردى كاسىبي مەرەكەسىمەن قۇتتىقتاپ، ەڭبەكتى ەلەگەن ايماق باسشىسىنا العىسىن جەتكىزدى.

سوڭعى ءۇش جىلدىڭ وزىندە ءوڭىردىڭ ورتكە قارسى قىزمەت بولىمشەلەرى، جەدەل-قۇتقارۋ جاساعى مەن اپاتتار مەديتسيناسى ورتالىعىنىڭ قۇتقارۋشىلارى 2 مىڭنان اسا اپاتتىق-قۇتقارۋ جۇمىستارىن جۇرگىزىپ، 200-گە جۋىق ادامدى امان الىپ قالدى. سونداي-اق مىڭنان اسا ءورت سوندىرىلگەن. ايتا كەتۋ كەرەك، مەملەكەت باسشىسى قاسىم-جومارت توقاەۆتىڭ جارلىعىمەن ەلىمىزدەگى توتەنشە جاعدايلار مەن وقىس وقيعالاردىڭ الدىن الۋ ماقساتىندا اعىمداعى جىلدىڭ 9 قىركۇيەگىندە توتەنشە جاعدايلار مينيسترلىگى قايتا قۇرىلدى.

سوڭعى جاڭالىقتار

اراق ساتىلمايتىن اۋدان

ايماقتار • بۇگىن، 21:11

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

ۇقساس جاڭالىقتار