تۇركيا رەسپۋبليكاسىنا جۇمىس ساپارى اياسىندا قر اشم باسشىسى نيگدە قالاسىندا ورنالاسقان "Göknur Gıda" كومپانياسىنىڭ وندىرىستىك نىساندارىن ارالادى.
ساپارحان وماروۆ زاۋىتتاعى جەمىس شىرىندارى, پيۋرە, كونتسەنترات جانە بيوگاز ءوندىرىسىنىڭ تەحنولوگيالىق جەلىسىمەن تانىستى. سونىمەن قاتار, "Göknur Gıda" كومپانياسىنىڭ قۇرىلتايشىسى وسمان اسلاناليمەن قازاقستاندا ينتەنسيۆتى جەمىس باقتارىن ءبولۋدى جانە وعان ۇقساس تەحنولوگيالىق وندىرىستىك جەلىنى قۇرۋدى كوزدەيتىن "ينۆەستيتسيالىق" جوبانى ىسكە اسىرۋ ماسەلەلەرى بويىنشا كەلىسسوزدەر وتكىزدى.
اتالمىش جوبا قازاقستان رەسپۋبليكاسىنىڭ تۇركيا رەسپۋبليكاسىنداعى ەلشىلىگىمەن جانە "Kazakh Invest" ۇك" اق-مەن بىرلەسىپ جۇزەگە اسىرىلادى.
"Göknur Gıda" كومپانياسى 1993 جىلى قۇرىلعان, تۇركيانىڭ 500 ءىرى كومپانيالارىنىڭ قاتارىنا كىرەدى. 2500 گەكتار جەكە جەمىس باقشاسى, اقش, ەۋروپا, قىتاي جانە باسقا ەلدەردە 5 جەمىس ساقتاۋ قويمالارى بار. كومپانيانىڭ اينالىمى 130 ملن اقش دوللارىن قۇرايدى.
جوبانى ىسكە اسىرۋ ءۇشىن الەۋەتتى وڭىرلەر رەتىندە الماتى, جامبىل جانە تۇركىستان وبلىستارى قاراستىرىلۋدا. قازىر قازاقستاندىق سەرىكتەستەر "Göknur Gıda" كومپانياسىمەن ءتيىستى كەلىسىمدەرگە قول جەتكىزدى. جوبانىڭ قۇنى 204 ملن اقش دوللارىن قۇرايدى. ينۆەستيتسيالىق جوبا اياسىندا 500 جۇمىس ورنىن اشۋ كوزدەلۋدە.
