دۇيسەنبى, 19 قازاننان باستاپ اۆتوبۋستار ادەتتەگىدەي جۇرەتىن بولادى.
سونداي-اق City Transporation Systems اۆتوبۋسقا ماسكاسىز كىرۋگە تىيىم سالىنعانى تۋرالى ەسكە سالدى. جولاۋشىلار سانيتارلىق نورمالاردى قاتاڭ ساقتاۋى كەرەك.
سونىمەن قاتار كومپانيا قوعامدىق كولىكتەردە تازالاۋ مەن سانيتارلىق وڭدەۋگە كۇندەلىكتى نەگىزدە ەرەكشە كوڭىل بولىنەتىنىن اتاپ ءوتتى.
"سونداي-اق, سوڭعى ايالداما پۋنكتتەرىندە جۇرگىزۋشىلەر وزدەرى دەزينفەكتسيالىق ەرىتىندىمەن ىلعالدى تازالاۋ جۇرگىزەدى. جولاۋشىلار ءجيى ۇستايتىن تۇتقالاردى, تۋرنيكەتتەردى تازالاۋدا ەرەكشە نازار اۋدارىلادى. ايتا كەتۋ كەرەك, ەلوردانىڭ قوعامدىق كولىكتەرىن سانيتارلىق وڭدەۋ ءۇشىن قۇرامىندا حلور بار دەزەرىتىندى قولدانىلادى", – دەپ ءتۇسىندىردى City Transporation Systems.
بۇدان باسقا, كولىك باقىلاۋ دەپارتامەەتى مەۇ باقىلاۋ-جەلىلىك قىزمەتىنىڭ قىزمەتكەرلەرى كۇن سايىن تەكسەرۋگە شىعىپ, جولاۋشىلار مەن قوعامدىق كولىك جۇرگىزۋشىلەرىنىڭ ماسكا تاعۋ رەجيمىن قاداعالايدى. اۆتوبۋستاردا جول ءجۇرۋ تەك قولما-قولسىز تولەم تاسىلىمەن جۇرگىزىلەدى.
