اگەنتتىك توراعاسى كونفەرەنتسيانىڭ «مەملەكەتتىك باسقارۋ جانە قازىرگى ۋاقىتتاعى سەنىم» تاقىرىبىنداعى پانەلدىك سەسسياسىندا ءسوز سويلەپ, پاندەميا كەزىندە مەملەكەتتىك اپپاراتتىڭ ءتيىمدى جۇمىس ىستەۋى ءۇشىن ۇيىمداستىرىلعان ءىس-شارالار تۋرالى ايتتى.
«مەملەكەت باسشىسى ق.توقاەۆ اتاپ وتكەندەي, «پاندەميا بارلىق مەملەكەتتەر ءۇشىن سترەسس-تەستكە اينالدى». الايدا, ءبىز, كوپتەگەن باسقا ەلدەر سياقتى, جيناقتالعان تاجىريبەنى ەسكەرە وتىرىپ, ءوز جۇمىسىمىزدى ءبىر جۇيەگە قويىپ, قايتا قۇرا الدىق.
الەۋمەتتىك-ەكونوميكالىق تۇراقتىلىقتى قامتاماسىز ەتۋ جانە تۇرعىنداردى قولداۋ بويىنشا بىرقاتار شارالار قابىلداندى. بۇل باعىتقا 450 ملرد. تەنگە ءبولىندى, ەلباسى, تۇڭعىش پرەزيدەنت ن.ءا.نازارباەۆتىڭ باستاماسى بويىنشا «بىرگەمىز» قورىنىڭ بىرجولعى قارجىلاي قولداۋىمەن 550 مىڭنان استام وتباسىعا قولداۋ كورسەتىلدى», - دەءدى انار جايلعانوۆا.
سونىمەن قاتار, مقىا باسشىسى پاندەميا كەزەڭىندە قىسقا مەرزىمدە مەملەكەتتىك اپپاراتتىڭ ۇزدىكسىز جۇمىس ىستەۋىن قامتاماسىز ەتۋگە جانە مەملەكەتتىك قىزمەتشىلەردىڭ دەنساۋلىعىن ساقتاۋعا باعىتتالعان جۇمىس ءتيىستى دەڭگەيدە جۇرگىزىلگەنىن اتاپ ءوتتى.
سونداي-اق, اگەنتتىك توراعاسى: «مەملەكەتتىك اپپاراتتى جەدەل تسيفرلاندىرۋ, ونىڭ فۋنكتسيالارىن وڭتايلاندىرۋ, نورماشىعارماشىلىق جۇمىس, مەملەكەتتىك جوسپارلاۋدى قايتا قاراۋ جانە ت. ب. بويىنشا شارالار قابىلدانۋدا.
سونىمەن بىرگە, قازىرگى پاندەميا - ءتيىمدى مەملەكەتتىك باسقارۋ مەن كوممۋنيكاتسيالار داعدارىسقا قارسى شارالار تابىسىنىڭ نەگىزگى ەلەمەنتتەرى بولىپ تابىلاتىنىن كورسەتتى»-دەدى.
اتالعان ونلاين-كونفەرەنتسيا نازارباەۆ ۋنيۆەرسيتەتىنىڭ جوعارى مەملەكەتتىك ساياسات مەكتەبى مەن مەملەكەتتىك قىزمەت سالاسىنداعى استانا حابىنىڭ باستاماسى بويىنشا وتكىزىلدى.
ءىس-شارا قاتىسۋشىلارعا Covid-19-دان كەيىنگى كەزەڭدە ورتالىق ازياداعى تۇراقتى دامۋ ماقساتتارىنا بايلانىستى پروبلەمالاردى تالقىلاۋعا جانە شەشىمدەر تابۋعا, سونداي-اق عالىمدار مەن پراكتيكتەر اراسىندا كوممۋنيكاتيۆتىك الاڭ قۇرۋعا مۇمكىندىك بەرۋگە ارنالعان.
اتالعان ونلاين-سەسسياعا بۇۇدب-نىڭ قازاقستانداعى تۇراقتى وكىلى ياكۋپ بەريش, اقش, ۇلىبريتانيا, سينگاپۋر, يتاليا, گرەكيا, ليتۆا جانە گرۋزيا ساراپشىلارى مەن عالىمدارى قاتىستى.
