اتالعان بايقاۋدى 2004 جىلدان باستاپ قازاقستان رەسپۋبليكاسى تۇڭعىش پرەزيدەنتى – ەلباسى مۋزەيىندە وتكىزۋ داستۇرگە اينالىپ, 2006 جىلى بۇل شارا جاڭا جوبالىق دەڭگەيگە كوتەرىلگەن بولاتىن. مۇنداعى ماقسات – الەم بالالارىن قازاقستاننىڭ مادەنيەتى جانە ونەرىمەن تانىستىرۋ, ولاردىڭ جەكە قابىلەتىن, شىعارماشىلىق الەۋەتىن تەرەڭدەتۋ.
ەلباسى كىتاپحاناسى ديرەكتورىنىڭ ورىنباسارى كۇلايشا اقتاەۆانىڭ ايتۋىنا قاراعاندا, اتالعان باستاما بالالار شىعارماشىلىعىن قولداۋعا باعىتتالعان تۇڭعىش پرەزيدەنت مۋزەيىنىڭ ارنايى جوباسى. ال بالالار شىعارماشىلىعىنىڭ ستيلدىك ەرەكشەلىگىنە توقتالساق, كەسكىندەمە مەن ءمۇسىن, ساندىك-قولدانبالى ونەر ۇلگىلەرى, كوركەم كارتينالار ەنگەن.
بيىلعى بايقاۋعا قازاقستان, رەسەي, تاتارستان, باشقۇرتستان, وزبەكستان, ۋكراينا, ازەربايجان, بەلارۋس ەلدەرىنەن 400-دەن استام جۇمىس جولدانىپتى. قازىلار القاسىنىڭ مۇشەسى, «قۇلانشى» زاماناۋي ونەر ورتالىعىنىڭ ديرەكتورى ءلايلا ماحاتتىڭ ايتۋىنشا, جاس جەتكىنشەكتەر شىعارماشىلىعىنا باعا بەرۋ وڭاي ەمەس. مۇندا ءار بالانىڭ ماڭداي تەرى مەن كوز مايى سىڭگەن. بۇل رەتكى بايقاۋعا جولدانعان جۇمىستار كوڭىلگە تولىمدى جانە قاتىسۋشىلاردىڭ كوپتىگى مەن جان-جاقتىلىعى تاڭعالدىرادى. وسى ورايدا, ءوز جۇمىستارىن جولداعان بارلىق قاتىسۋشىلارعا راحمەت ايتامىن, قۇتتىقتايمىن, دەدى ول.
سونىمەن 8-10 جاس ساناتىنداعىلار اراسىنان: باس جۇلدەنى تاتارستاندىق ماتۆەي كرىلوۆ قانجىعالاسا, كەلەسى ورىنداردى: سوفيا مورگۋن (ۋكراينا), الەكسەي ليتۆينتسەۆ (بەلارۋس), الينا پورحاچەۆا (رەسەي), سوفيا نيكۋلينا (دولگوپرۋدنىي, رەسەي), ۆالەريا الەكسەەنكو (بارناۋل, رەسەي), ءسۇريا ساپار (نۇر-سۇلتان, قازاقستان) يە بولدى.
11-13 جاس ساناتىنداعىلار اراسىنان: باس جۇلدەگە ءدىلنۇر اقپاەۆا (سول-يلەتسك, رەسەي) مەن ۆيكتوريا ساۆەلەۆا (ماگنيتوگورسك, رەسەي) يە بولسا, كەلەسى ورىندار اناستاسيا شەلياپا (سۆەردلوۆ وبلىسى, رەسەي), جانسايا بەردىباي (شىمكەنت, قازاقستان), ساعدات توقتاەۆا (شاحريسابز, وزبەكستان) ت.ب. بۇيىردى.
14-16 جاس ساناتىنداعىلار اراسىنان: باس جۇلدە سەۆينچ بوتيروۆ (شاحريسابز, وزبەكستان), ايىم سەيىلحانعا (اقتوبە, قازاقستان) بۇيىرسا, جۇلدەگەرلەر رەتىندە الەكساندرا ەفرەموۆا (ەكاتەرينبۋرگ, رەسەي), ەكاتەرينا كريۆلەۆا (رۋدنىي, قازاقستان), راي نينا (ۆولگودونسك, رەسەي) تانىلدى.
ۇيىمداستىرۋشىلار تاراپىنان جەڭىمپازدار مەن جۇلدەگەرلەرگە ونلاين تۇردە ديپلوم تابىستالىپ, العان سىيلىقتارى پوشتا ارقىلى جىبەرىلەتىن بولدى.
بايقاۋدى قورتىندىلاپ ءسوز سويلەگەن «بايتا» شىعارماشىلىق باستامالار مەن مادەني مۇرا قايىرىمدىلىق قورىنىڭ ديرەكتورى سۆەتلانا ماحات, جاس تالانتتارعا تابىس تىلەي وتىرىپ, شىعارماشىلىق جۇمىستا بيىك بەلەستەردەن كورىنە بەرۋىنە تىلەكتەستىك تانىتتى.
بايقاۋدا ۇزدىك دەپ تانىلعان جۇمىستارعا تۇڭعىش پرەزيدەنت – ەلباسى كىتاپحاناسى مۋزەيىنىڭ كورمە زالىنان ورىن بۇيىردى. كوپشىلىك بۇل تۋىندىلاردى ونلاين ارقىلى تاماشالاي الادى.
